Burn Out ဖြစ်ခြင်း (သို့) မပြောပြတတ်အောင် မောပန်းလာတဲ့အခါ… ဘာတွေ ဖြစ်နိုင်လဲ။ ဘယ်လို ဖြေရှင်းလို့ ရမလဲ ဆိုတာကို ပြောပြပေးချင်ပါတယ်။
မှ အချက်အလက် စစ်ဆေးထားပါသည်။ Dr. Thurein Hlaing Win
Burn Out ဖြစ်ခြင်း (သို့) မပြောပြတတ်အောင် မောပန်းလာတဲ့အခါ… ဘာတွေ ဖြစ်နိုင်လဲ။ ဘယ်လို ဖြေရှင်းလို့ ရမလဲ ဆိုတာကို ပြောပြပေးချင်ပါတယ်။
လူတိုင်း စိတ်ဖိစီးမှုတွေနဲ့ တွေ့ကြုံရနိုင်ပါတယ်။ ဒါပေမယ့် အခုပြောသွားမယ့် Burn out ဖြစ်ခြင်းဆိုတာကတော့ သာမန် စိတ်ဖိစီးမှု ကြုံတွေ့ရခြင်း နှင့် ကွာခြားပါတယ်။ ပိုမို ပြင်းထန်တာကြောင့် ပြင်းထန်လွန်းတဲ့ စိတ်ဖိစီးမှုတစ်မျိုးလို့လည်း ပြောလို့ရနိုင်ပါတယ်။
ဥပမာ – လူတစ်ယောက်အလုပ်ကြိုးစားတာဟာ ကောင်းတဲ့ကိစ္စပါ။ သို့သော် အလုပ်ချိန်ပြင်ပဖြစ်တဲ့ မိုးလင်းတာနဲ့အလုပ်၊ မိုးချုပ်တဲ့အထိလည်း အလုပ်၊ ပိတ်ရက်တွေမှာလည်း အလုပ်… ဒီလိုဆောင်ရွက်တာတွေ ရေရှည်ဖြစ်လာတဲ့အခါမှာတော့ Social Life မရှိတော့သလိုဖြစ်သွားရင်း Burn Out ဆိုတဲ့အရာက ဝင်ရောက်လာနိုင်ပါတယ်။
Burn Out ဖြစ်ရခြင်းအကြောင်းကတော့ စိတ်ဖိစီးမှုဖြစ်စေတဲ့အရာများကို ဖြေရှင်းဖို့ လိုအပ်တဲ့ resources အရင်းအမြစ်စွမ်းအင် ပမာဏ ကိုယ့်မှာ ပြည့်ပြည့်ဝဝ၊ လုံလုံလောက်လောက် မရှိနိုင်တော့လို့ပါပဲ။ ဥပမာ – စိတ်ဓာတ်ခွန်အားလိုအပ်နေချိန် စိတ်ဓာတ်ခွန်အား မရှိတော့တာမျိုး၊ ကာယခွန်အားလိုအပ်နေချိန် ကာယခွန်အား နည်းပါးနေတာမျိုးပေါ့။
ဒီလိုတွေတွေ့ကြုံလာရတဲ့အခါမှာတော့ စိတ်ဝင်စားမှုတွေ လျော့ကျလာတယ်၊ အလုပ်မှာဆိုလည်း စွမ်းဆောင်ရည်တွေ သိသိသာသာ ကျဆင်းလာတယ်။
တစ်ခါတစ်ရံ Burn Out ဖြစ်နေပြီလားဆိုတာကို အချိန်ကာလနှစ်ခုကို နှိုင်းယှဉ်ကြည့်မှ သိသာတာမျိုးလည်းရှိတတ်ပါတယ်။ ယခင်က အလုပ်မှာ ကိုယ်မည်မျှစွမ်းဆောင်ခဲ့နိုင်တယ်၊ ယခုအခါ မည်မျှစွမ်းဆောင်နိုင်နေတယ်ကို ကြည့်ရှုအကဲဖြတ်သင့်ပါတယ်။
ဒီနေရာမှာ လူတစ်ယောက် အကြိုက်တစ်မျိုးစီဖြစ်လို့ တစ်ယောက်နဲ့ တစ်ယောက် အနားယူကြတဲ့ နည်းလမ်းတွေလည်း မတူနိုင်ကြပါဘူး။ အဲ့ဒီအတွက် ပထမ ဉီးဆုံးအနေနဲ့ အချိန်လေးပေးပြီး စဉ်းစားဖို့ အကြံပြုချင်ပါတယ်။ ဒီစာလေးကတစ်ဆင့်တော့ အကြံပြုချက်လေးတချို့ ထည့်ပေးလိုက်မှာဖြစ်ပေမယ့် ကိုယ်လုပ်ချင်တဲ့၊ ကိုယ်နဲ့ ကိုက်ညီမယ့် နည်းလမ်းလေးကို သေချာလေး ရွေးချယ်စေချင်ပါတယ်။
ဒါတွေကတော့ ပုံမှန် လူအများ လုပ်လေ့လုပ်ထ ရှိတဲ့အရာလေးတွေပေါ့။ ရက်ရှည်ခရီးသွားခြင်းကနေလည်း စိတ်ခွန်အားတွေ အများကြီးပြန်ရနိုင်လို့ အချိန်ရှိခဲ့မယ်ဆိုရင် ခရီးသွားရင်း အပန်းဖြေဖို့ကိုလည်း တိုက်တွန်းချင်ပါတယ်။ ပြောမပြတတ်အောင် မောပန်းနေတာ၊ ဘယ်ကနေ စ,ရမှန်းကို မသိတော့တာဆိုရင်တော့ ဆရာဝန်နဲ့ တွေ့ဆုံးဆွေးနွေးကြည့်ခြင်းမျိုးကိုလည်း လုပ်သင့်ပါတယ်။
ကျေးဇူးတင်ပါတယ်။
ရေးသားသူ – May Kham Eain
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။