၃။ တစ်ယောက်ထဲ ပျော်အောင် လုပ်ယူလို့ ရပါတယ်။
ငယ်စဉ်ဘဝက ရှေးလူကြီးတွေ ဆုံးမကြတယ်၊ ရုပ်ရှင်တွေထဲမှာလည်း အမြဲလိုလို ပါတတ်တဲ့ သဘောတရားတစ်ခုပါ။ လူဆိုတာ အချစ်ရှိမှ ပျော်နိုင်ကြတယ်။ ကိုယ့်ဘဝမှာ ဖူးစာရှင်၊ အိမ်ထောင်ဖက်၊ သားသမီး၊ မိသားစု အစရှိတဲ့ တခြားသူတစ်ဦးတစ်ယောက် ပါဝင်နေမှ အမှန်တကယ် ပျော်စရာကောင်းတယ်ဆိုပြီး မှတ်ဉာဏ်ထဲ ရိုက်သွင်းထားကြတယ်။
တကယ်တော့ ဒီသဘောတရားက အမြဲတမ်း မှန်နေတာမဟုတ်ပါဘူး။ လူဆိုတာ မွေးလာကတည်းကလည်း တစ်ယောက်တည်း၊ ကိုယ့်ရဲ့ ခန္ဓာကိုလည်း ကိုယ်တစ်ယောက်ပဲ ပိုင်တာပါ။ တစ်ယောက်တည်း နေလို့ တစ်ခါတလေ အထီးကျန်တယ်လို့ ထင်ရနိုင်ပါတယ်။ ဒါပေမယ့် နေကြည့်ပါ။ တစ်ယောက်တည်း နေနေတဲ့အချိန်မှာ ကိုယ့်အတွက် သီးသန့်အချိန်တွေ ပေးကြည့်ပါ၊ ပျော်ရွှင်အောင် ထားပါ၊ စိတ်ချမ်းသာစရာ ဘာမဆို လုပ်ကြည့်ပါ၊ ဘဝအနာဂတ်အတွက် ပြင်ဆင်ပါ။
၄။ ကိုယ့်မှာ ပိုင်ဆိုင်နေရတဲ့ အရာကို အမြဲတန်ဖိုးထားပါ။
လောဘဆိုတာ ကြောက်ဖို့ ကောင်းတဲ့အရာတစ်ခုဗျ။ လူတွေက တစ်ခုကို လိုချင်လာပြီဆိုရင် ရင်ထဲမှာ သောကမီးတွေ ပူလောင်ပြီး စိတ်ဖိစီးလာတယ်။ ဒီလိုချင်တဲ့အရာကို မရရအောင် ယူဖို့ အတင်းကြိုးစားဖန်တီးယူတယ်။ ရသွားပြီဆိုရင်လည်း နောက်အသစ်တစ်ခုကို ထပ်ပြီး လိုချင်ပြန်ကြတယ်။ အဲဒီတော့ စိတ်ဖိစီးမှုက ဘဝတစ်လျှောက် ကွင်းဆက်သံသရာ လည်နေသလို ဖြစ်သွားတာပေါ့။
ဘဝမှာ လူရယ်လို့ ဖြစ်လာပြီဆိုရင် လိုချင်တာတွေက အမြဲရှိနေတတ်ပါတယ်။ မကြိုးစားနဲ့လို့ မဆိုလိုပါဘူး၊ ကြိုးစားနိုင်ပါတယ်။ ဒါပေမယ့် ကိုယ့်ရဲ့ ဘဝ၊ ကိုယ့်ရဲ့ ပျော်ရွှင်မှုတွေ အကုန်လုံးကို မေ့သွား၊ လျစ်လျူရှုသွားရလောက်တဲ့အထိ မလုပ်ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။