Norethindrone (norethisterone) ဒါက အီစထရိုဂျင်ပါတဲ့ ဟော်မုန်းဆေးပါ။ တားဆေး မသောက်နေတဲ့သူတွေ ရာသီရက်ရွှေ့ချင်ရင် သုံးကြပါတယ်။ သိထားရမှာက ဟော်မုန်းဆေးမို့လို့ ဆရာဝန်လက်မှတ်နဲ့ ဝယ်ရတဲ့ဆေးပါ။ ဒီတိုင်း ဝယ်လို့မရပါဘူး။ ရာသီလာမယ့်ရက် မတိုင်ခင် ၃၊ ၄ရက်လောက် အလိုမှာ တစ်နေ့ကို ၃လုံးသောက်ရတာပါ။ ကိစ္စဝိစ္စပြီးလို့ ရာသီပြန်လာချင်ရင် ဆေးရပ်လိုက်ပါ။ ၂ရက် ၃ရက်နေရင် ပြန်လာပါတယ်။
သတိထားရမှာက ဒီဆေးက အီစထရိုဂျင်ပါပေမယ့် ကိုယ်ဝန်တားနိုင်တဲ့ သတ္တိပြည့်ပြည့်ဝဝမရှိပါဘူး။ ဒါကြောင့် ဒီဆေးသောက်နေပေမယ့် အတူနေမယ်ဆိုရင် တခြား ကိုယ်ဝန်တားတဲ့နည်းလမ်း (ဥပမာ ကွန်ဒုံးပဲဖြစ်ဖြစ်) သုံးရမှာပါ။
ဘေးထွက်ဆိုးကျိုးကတော့ ပျို့တာ၊ ခေါင်းကိုက်တာ၊ ရင်သားတွေတင်းတာ၊ စိတ်အတက်အကျဖြစ်တာ စတာတွေ ဖြစ်တတ်ပါတယ်။ လူတိုင်းတော့ မဖြစ်သလို တစ်ယောက်နဲ့ တစ်ယောက် ပြင်းထန်ပုံခြင်းလည်း မတူပါဘူး။ နောက်ပြီး အရင်က သွေးခဲဖူးတဲ့ ရောဂါရာဇဝင်ရှိရင် မသုံးသင့်ပါဘူး။ ဒါကြောင့် ဆရာဝန်နဲ့ ပြပြီး ဆရာဝန် ညွှန်ကြားချက်နဲ့မှ ဝယ်လို့ရတာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။