လေဒီတွေလှချင်လို့ လုပ်မိနေတဲ့ ကျန်းမာရေးထိခိုက်စေတဲ့အပြုအမူတွေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 19, 2020 . 2 mins read
Share now

အလှကြိုက်တာ မိန်းကလေးတွေရဲ့ သဘာဝပါ။ မိန်းကလေးတွေက ငယ်စဉ်အရွယ်ကတည်းက အလှကြိုက်တတ်ကြတာပါ။ ဒါပေမယ့် ကျန်းကျန်းမာမာနဲ့ လှဖို့တော့လိုပါမယ်။ စမတ်ကျကျနဲ့ ကျန်းကျန်းမာမာလှပတဲ့လေဒီလေးဖြစ်ဖို့ဆိုရင်တော့ ဒီအချက်လေးတွေကို သတိထားပေးပါနော်။

လှချင်လို့လေဒီတွေလုပ်မိတတ်တဲ့ အလေ့အထတွေ

လှပလိုစိတ်နဲ့ဒီအပြုအမူတွေကို သင်ကိုယ်တိုင်ရော ကျူးလွန်မိနေပြီလား။ ကျန်းမာလှပဖို့ဆိုရင်တော့ ဒါလေးတွေကို သတိထားမှဖြစ်ပါမယ်။

အဝတ်အစားကျပ်ကျပ်တွေဝတ်တာ – အဝတ်အစားခပ်ကျပ်ကျပ်တွေ၊ နိုင်လွန်ပါတဲ့ဘောင်းဘီကျပ်ကျပ်တွေဝတ်တာ၊ ဆွဲသားအဝတ်အစားတွေဝတ်တာက ခန္ဓာကိုယ်အတွက်လေဝင်လေထွက်မကောင်းတာမျိုးဖြစ်စေနိုင်သလို အပူနဲ့အစိုဓာတ်တွေဖြစ်စေနိုင်တာကြောင့် မှိုပိုပေါက်ဖွားပြီး အရေပြားပြဿနာတွေခံစားရနိုင်သလို အရမ်းကျပ်တဲ့အဝတ်စားတွေအချိန်ကြာမြင့်စွာဝတ်ဆင်မှုက နာတာရှည်ခြေထောက်သွေးပြန်ကြောရောဂါကိုဖြစ်စေနိုင်သလို မိန်းမကိုယ်ပိုးဝင်ကူးစက်တာကိုဖြစ်စေနိုင်ပါတယ်။

ဒေါက်မြင့်ဖိနပ်စီးတာ -လေဒီတော်တော်များများက ဒေါက်မြင့်ဖိနပ်စီးရတာကို သဘောကျကြပါတယ်။ တကယ်တော့ ဒါက ကျန်းမာရေးနဲ့ မညီညွတ်တဲ့ အလေ့အထပါ။ဒေါက်မြင့်ဖိနပ်တွေကို အချိန်ကြာမြင့်စွာစီးထားတာက အရိုးတွေကို ထိခိုက်စေနိုင်ပြီး အရိုးပွရောဂါဖြစ်နိုင်ခြေကိုတိုးစေနိုင်ပါတယ်။

နှုတ်ခမ်းနီဆိုးတာ – နှုတ်ခမ်းနီဆိုးတာကလည်း ကြည့်တော့သာလှတာပါ တကယ်တော့ နှုတ်ခမ်းသားကို ထိခိုက်ပျက်စီးစေနိုင်ပါတယ်။ အချိန်ကြာမြင့်စွာနှုတ်ခမ်းနီဆိုးထားတဲ့အခါ နှုတ်ခမ်းသားခြောက်သွေ့တာ၊ ကွဲအက်တာတွေကိုခံစားရနိုင်ပါတယ်။

အိုင်းလိုင်နာဆိုးတာ – အိုင်းလိုင်နာက မျက်လုံးလေးကို ထင်းထင်းလေးနဲ့လှစေပေမယ့် အမြဲတမ်းဆိုးနေရင်တော့ မျက်လုံးကျန်းမာရေးကိုထိခိုက်လာနိုင်ပါတယ်။ ဒါကြောင့် အိုင်းလိုင်နာကို အမြဲဆိုးထားတာမျိုးမလုပ်ဖို့ပြောပါရစေ။

ခြေသည်း၊လက်သည်းဆိုးတာလက်သည်းနီတွေက ကျန်းမာရေးကိုထိခိုက်စေနိုင်တဲ့အချက်များစွာရှိနေပါတယ်။ လက်သည်းနီတွေက အရေပြားနဲ့မျက်လုံးမှာ ဓာတ်မတည့်တာတွေဖြစ်စေနိုင်သလို မျိုးပွားစနစ်ကိုပါ ထိခိုက်စေနိုင်ပါသေးတယ်။

မိတ်ကပ်တစ်ချိန်လုံးလူးထားတာ – မျက်နှာကိုအမြဲမိတ်ကပ်လူးထားမယ်ဆိုရင် အသားအရေကို အရွယ်မတိုင်ခင်အိုမင်းမှုဖြစ်စေနိုင်ပါတယ်။ Gym သွားတဲ့အခါမျိုးမှာ မိတ်ကပ်မလူးသင့်သလို တစ်ချိန်လုံးလည်းမိတ်ကပ်လူးမထားပါနဲ့။ အပြင်သွားစရာမရှိတဲ့အခါမျိုး၊ အိမ်မှာပဲနေတဲ့အခါမျိုးမှာတော့ no make up day လို့ သတ်မှတ်ပြီး အရေပြားကို အသက်ဝဝရှူခွင့်ပေးလိုက်ပါ။

နေရောင်မခံတာ -နေခင်းနေပူပူနဲ့ ထိတွေ့ရမယ်လို့မဆိုလိုပါဘူး။ ခန္ဓာကိုယ်ကျန်းမာဖို့လိုအပ်တဲ့ ဗီတာမင် D ရရှိဖို့အတွက်တော့ မနက်ခင်းနေရောင်နွေးနွေးလေးနဲ့ ထိတွေ့ပေးပါ။

နေလောင်ကာခရင်မ်မလူးတာ – အပြင်ထွက်ခါနီး နာရီဝက်အလိုတိုင်းမျာနေလောင်ကာခရင်မ်လူးပေးပြီး အသားအရေကို ကာကွယ်သင့်ပါတယ်။ ဒါမှလည်း အရေပြားပြဿနာတွေကင်းမှာပါ။နေလောင်ကာခရင်မ်လူးလို့ မိတ်ကပ်မညီတာမျိုးဖြစ်မှာစိုးပြီး မလိမ်းဘဲနေတာမျိုးမဖြစ်စေဖို့ သတိပြုပါ။

ရေသောက်နည်းတာ – သွားလေရာကို ရေဘူးယူသွားလို့ အလှမပျက်ပါဘူးနော်။ ရေကိုလုံလောက်အောင် မသောက်ရင်သာအသားအရေမှာ ထိခိုက်ပျက်စီးတာတွေဖြစ်လာနိုင်တာပါ။

ပုံမှန်ကျန်းမာရေးစစ်ဆေးမှုမလုပ်တာ – မိန်းကလေးတိုင်းအနေနဲ့ တစ်နှစ်ကို တစ်ကြိမ်လောက်တော့ ကျန်းမာရေးစစ်ဆေးမှုလုပ်သင့်ပါတယ်။ ဒါမှအချို့ရောဂါတွေကို ကာကွယ်နိုင်မှာပါ။နေ့စဉ်အလှအပကိုပဲ ဦးစားပေးမနေဘဲ ခန္ဓာကိုယ်ကျန်းမာဖို့ကိုလည်း ဂရုစိုက်စေချင်ပါတယ်။

လေဒီတို့မှားတတ်တဲ့ ကျန်းမာရေးထိခိုက်စေနိုင်တဲ့ အခြားအလေ့အထများ

ကိုယ်လက်လှုပ်ရှားမှုမရှိတာ – မိန်းကလေးအများစုက ပိန်ချင်တယ်၊ ခန္ဓာကိုယ်အချိုးအစားလှချင်တယ်လို့ပြောနေပေမယ့် လေ့ကျင့်ခန်းလုပ်ဖို့ကျတော့ ပျင်းနေတတ်ကြပါတယ်။ တစ်နေ့ကို နာရီဝက်ကနေ ၄၅ မိနစ်လောက်တော့အနည်းဆုံး ကိုယ်လက်လှုပ်ရှားမှုလုပ်ပေးပါ။

အိပ်ချိန်ပြည့်ပြည့်ဝဝမရှိတာ – အိပ်ရေးဝမှ ခန္ဓာကိုယ်က လှပကျန်းမာနိုင်မှာပါ။ အိပ်စက်မှုက ရောဂါတော်တော်များများကို ကာကွယ်ပေးနိုင်ပါတယ်။ ညစဉ်လုံလောက်တဲ့ အိပ်စက်ချိန်ထားရှိတဲ့ လေဒီတွေမှာသွေးတိုး၊ နှလုံးရောဂါ နဲ့ ဆီးချိုလိုမျိုးရောဂါတွေခံစားရနိုင်ခြေတော်တော်လေးနည်းပါတယ်။

စိတ်ထင်တိုင်းစားတာ – ငါလေးတစ်ယောက် တော်တော်ပင်ပန်းထားတာ၊ ဒီလောက်တော့စားမှဖြစ်မယ်ဆိုပြီး စားတတ်တဲ့လေဒီလေးတွေများရှိလား။ ခဏခဏကိုယ့်ကိုကိုယ်ဆုမချပါနဲ့။ ရေရှည်မှာ မလှဘဲ ဝလာနိုင်တာကြောင့်ပါ။ ဝမှလှဆိုတာက နားထောင်လို့သာကောင်းတာပါ။ ဝလာရင်ခန္ဓာကိုယ်မှာရောဂါမျိုးစုံဖြစ်လာနိုင်ပါတယ်။ ဒါကြောင့် စမတ်ကျလျလှပချင်တယ်ဆိုရင် စိတ်ထင်တိုင်းလျှောက်မစားပါနဲ့။

အခုပြောခဲ့တဲ့ အချက်လေးတွေကို လိုက်နာဆင်ခြင်လို့နေ့ရက်တိုင်းကို စမတ်ကျလှပတဲ့လေဒီလေးတစ်ယောက်အနေနဲ့ဖြတ်သန်းလိုက်ပါနော်…….

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အမျိုးသားတို့ သိထားသင့်တဲ့ ကျန်းမာရေးအခြေအနေများ

အမျိုးသားတွေက ဆေးရုံဆေးခန်းသွားရမှာ၊ ဆေးသောက်ရမှာ၊ ကုသမှု ခံယူရတာကို သဘောမတွေ့ကြပါဘူး ဒါပေမယ့် လူတိုင်းကတော့ ကျန်းမာရေးစောင့်ရှောက်မှု လိုအပ်တာပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အုန်းသီးစားရင်းရမယ့် အသားအရေ လှပမှု

လွန်ခဲ့တဲ့ ရာစုနှစ်ပေါင်းများစွာကတည်းက အသားအရေအတွက် သဘာဝကပေးတဲ့ လက်ဆောင်တစ်ရပ်အနေနဲ့ အားလုံးက နှစ်ခြိုက်သဘောကျစွာ အသုံးပြုခဲ့ကြတအရာတစ်ခုရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကလေးထိန်း ပြီး ဝိတ်ချမလား

မိခင်တစ်ယောက်ဟာ သာမန် ပေါ့ပေါ့ပါးပါး ကလေးထိန်း တဲ့ လုပ်ငန်းဆောင်တာတွေကြောင့် တစ်နေ့ကို ကယ်လိုရီ ၁၄၄-၂၀၀ ဝန်းကျင်လောက် လောင်ကျွမ်းနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်နှလုံးပိုကျန်းမာဖို့ အသားအစား ပဲစားပေးပါ

နှလုံးရောဂါဟာ တစ်နှစ်ကို ၁၈ သန်းလောက် အသက်ဆုံးရှုံးအောင် အန္တရာယ်ပေးနေတဲ့ ရောဂါဆိုးတစ်မျိုးဖြစ်ပြီးတော့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ကိုဗစ်ကာကွယ်ဆေး နဲ့ myths များစွာ

ကိုဗစ်ကာကွယ်ဆေး နဲ့ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 3 mins read
အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
ဝက်ခြံနဲ့ဝက်ခြံအမာရွတ်တွေသက်သာစေဖို့ ပူဒီနံရဲ့ အသုံးဝင်ပုံက

ဝက်ခြံနဲ့ဝက်ခြံအမာရွတ်တွေ သက်သာစေဖို့ ပူဒီနံရဲ့ အသုံးဝင်ပုံက

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 7, 2021 . 2 mins read
လွယ်လည်းလွယ် အကုန်အကျလည်းမရှိတဲ့နည်းနဲ့ နှလုံးကျန်းမာရေး စစ်ဆေးကြည့်ရအောင်

လွယ်လည်းလွယ် အကုန်အကျလည်းမရှိတဲ့နည်းနဲ့ နှလုံးကျန်းမာရေး စစ်ဆေးကြည့်ရအောင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 6, 2021 . 2 mins read