သန္ဓေတားသောက်ဆေးအကြောင်း သိထားသင့်သမျှ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 23, 2020 . 2 mins read
Share now

တိုးတက်လာတဲ့ခေတ်နဲ့အညီ အမျိုးသမီးတွေလည်း အမျိုးသားတွေနည်းတူ အိမ်ထောင်မှုတာဝန်တွေကို နိုင်တဲ့ဘက်ကနေ လုပ်ဆောင်နေကြရပါတယ်။ ဒီလိုမျိုးအလုပ်များတဲ့ အိမ်ထောင်ရှင်မတွေအတွက် အဆင်သင့်မဖြစ်သေးချိန်မှာ ကလေးရရှိသွားတာမျိုးမဖြစ်စေဖို့ သန္ဓေတားနည်းတွေက အမျိုးမျိုးရှိပါတယ်။ ဒီထဲမှာမှ အခုတစ်ခေါက်တော့ Hello ဆရာဝန်ရဲ့ အမျိုးသမီးပရိသတ်ကြီးအတွက် သန္ဓေတားသောက်ဆေးနဲ့ပတ်သက်လို့ သိသင့်တာလေးတွေပြောပြပေးပါမယ်နော်။

သန္ဓေတားသောက်ဆေးက ဘာတွေလုပ်ပေးလဲ

သန္ဓေတားနည်းကဆေးထိုးရတာနဲ့ သားအိမ်တွင်းထည့်ပစ္စည်း (IUD)၊ လက်မောင်းတွင်းထည့်ပစ္စည်း (implant) တို့ကို မနှစ်သက်တဲ့အမျိုးသမီးတွေ အဖို့တော့သောက်ဆေးရှိပါတယ်နော်။နေ့တိုင်းပုံမှန်သောက်ရတာဖြစ်ပြီး ကိုယ်ဝန်မရရှိအောင် ကာကွယ်ပေးနိုင်ပါတယ်။ သန္ဓေတားဆေးထဲမှာပါတဲ့ဟော်မုန်းက သားဥတွေကို သားဥအိမ်ထဲကနေထွက်မသွားအောင်တားဆီးပေးပါတယ်။ သားဥအိမ်ထဲကနေ မျိုးဥတွေကို ထွက်မသွားစေဘူးဆိုမှတော့ မျိုးအောင်နိုင်ခြေက မရှိတော့ဘူးလေ။ ဒီတော့ မထင်မှတ်ဘဲ ကိုယ်ဝန်ရရှိတာမျိုးမရှိတော့ဘူးပေါ့။

သန္ဓေတားဆေးသောက်တဲ့အခါ သတိထားရမယ့်အချက်တွေက

  • နေ့တိုင်း အချိန်မှန်သောက်ပေးတာက ဆေးအာနိသင်ကို ပိုထိရောက်စေပါတယ်။ ဆေးက နေ့တိုင်းသောက်ပေးမယ်ဆိုရင် ထိရောက်မှုကအမြင့်ဆုံးမှာရှိနေမှာဖြစ်ပြီး တစ်ရက်လောက် အချိန်နောက်ကျပြီးမှာသောက်မိမယ်ဆိုရင်တော့ ဆေးရဲ့ ထိရောက်မှုက ၉၉ ရာခိုင်နှုန်းကနေ ၉၁ ရာခိုင်နှုန်းအထိကျသွားနိုင်ပါတယ်။ ဒီပြဿနာကိုဖြေရှင်းဖို့က ဖုန်းထဲမှာ alarmပေးထားတာမျိုးဖြစ်ဖြစ်လုပ်ပေးပါ။
  • နောက်ထပ်သိထားသင့်တာတစ်ချက်ကဆေးကို မပျက်မကွက်သောက်ဖို့ လိုပါတယ်။ ပျက်ကွက်သွားရင် ရက်အပေါ်လိုက်ပြီး လုပ်စရာတွေရှိတဲ့အတွက် ဆရာဝန်နဲ့ ပြန်တိုင်ပင်ပါ။
  • သန္ဓေတားသောက်ဆေးကို အခြား ပဋိဇီဝဆေးတွေနဲ့ တွဲဖက်သောက်သုံးတာမျိုးမလုပ်သင့်ပါဘူး။ဆေးရဲ့ အာနိသင်ကျဆင်းနိုင်တာကြောင့်ပါ။ သင့်အနေနဲ့အော့အန်နေတာဝမ်းလျှောနေတာတွေခံစားနေရတာကြောင့်ဆေးသောက်သုံးရတဲ့အခါမျိုးမှာ ကိုယ့်ရဲ့ အိမ်ထောင်ဖက်ကို ကွန်ဒုံးသုံးခိုင်းတာမျိုးက အကောင်းဆုံးကာကွယ်မှုပါ။ ဒီလိုအချိန်မှာ အစာအိမ်နံရံတွေကဆေးကိုစုပ်ယူနိုင်စွမ်းကျနေနိုင်ပါတယ်။
  • ရာသီသွေးစဆင်းပြီး ၅ ရက်အတွင်းမှာဆေးစသောက်ရပါမယ်။ အကောင်းဆုံးက ပထမဆုံးနေ့မှာ သောက်တာပါ။ ဒါမှ ကိုယ်ဝန်မရရှိအောင် ကာကွယ်နိုင်မှာပါ။ တကယ်လို့ သင်သောက်နေတဲ့ သန္ဓေတားဆေးက ပရိုဂျက်စတုန်း ဟော်မုန်းတစ်မျိုးထဲပါတဲ့ဆေးဖြစ်မယ်ဆိုရင်ဆေးသောက်ပြီး ၂ ရက်ကြာတဲ့အထိ အကာအကွယ်သုံးပြီး ဆက်ဆံတာက အကောင်းဆုံးပါ။

ဘယ်လိုဘေးထွက်ဆိုးကျိုးတွေရှိနိုင်လဲ

သန္ဓေတားနည်းတစ်ခုဆီမှာဘေးထွက်ဆိုးကျိုး အနည်းအကျဉ်းတော့ရှိစမြဲပါ။ ဒီလိုပါပဲ သန္ဓေတားသောက်ဆေးမှာလည်း အရေပြားမှာ အစက်အပြောက်တွေဖြစ်တာ၊ ရင်သားတင်းတာ၊ မအီမသာဖြစ်တာ၊အော့အန်တာ၊လေပွတာ၊ ရာသီသွေးမဆင်းဘဲဖြစ်တာမျိုးတွေတွေ့ကြုံရနိုင်ပါတယ်။ အက်စထရိုဂျင်ဟော်မုန်းများတဲ့ဆေးတွေဆိုရင်တော့ ဆေးလိပ်သောက်သုံးတဲ့အမျိုးသမီးတွေနဲ့ မသင့်တော်ပါဘူး။ သွေးခဲတာမျိုး ဖြစ်စေနိုင်တာကြောင့်ပါ။ တကယ်လို့ ဆေးသောက်ပြီးချိန်မှာ ခေါင်းတစ်ခြမ်းကိုက်မယ်၊ ဗိုက်အောင့်တာမျိုးဖြစ်မယ်ဆိုရင် ဆရာဝန်နဲ့ ပြသကြည့်ပါ။

ဆေးသောက်တာကို ရပ်လိုက်တော့မယ်ဆိုရင်

သင့်အနေနဲ့ ကိုယ်ဝန်လည်းမလိုချင်ဘူး၊ ဆေးလည်းဆက်မသောက်ချင်တော့တာကြောင့် ဆေးသာက်တာကို ရပ်မယ်ဆိုရင်။ လိင်ဆက်ဆံတဲ့အခါ အကာအကွယ်သုံးဖို့ကို မမေ့ပါနဲ့။ ဒါမှ မမျှော်လင့်ဘဲဖြစ်လာတဲ့အခြေအနေတွေကို တားဆီးနိုင်မှာပါ။

ဆေးသောက်တာကို ရပ်လိုက်ပြီး အချိန်ဘယ်လောက်ဆိုရင် ကိုယ်ဝန်ရရှိနိုင်မှာလဲ

သန္ဓေတားဆေးသောက်ထားတဲ့ အမျိုးသမီးတစ်ယောက်အနေနဲ့ ဆေးသောက်တာကို ရပ်လိုက်ပြီးပြီးချင်းမှာ ချက်ချင်းကိုယ်ဝန်ဆောင်နိုင်ဖို့က မဖြစ်နိုင်ပါဘူး။ ရာသီသွေးပုံမှန်ဆင်းဖို့ အချိန်အတိုင်းအတာတစ်ခုအထိ စောင့်ရမှာပါ။ ဆေးသောက်တာကို ရပ်လိုက်တဲ့နေ့ကနေစလို့ ၆ လအတွင်းမှာတော့ ကိုယ်ဝန်ဆောင်နိုင်မှာဖြစ်ပါတယ်။ တကယ်လို့ ၆ လကျော်တဲ့အထိမှ ကလေးမရဘူးဆိုရင် ဆရာဝန်နဲ့ပြသကြည့်ဖို့လိုပါမယ်။

ကလေးနို့တိုက်နေချိန်မှာ တားဆေးသောက်လို့ရလား

ကလေးမွေးဖွားပြီးနောက် ရင်သွေးလေးကို နို့ချိုတိုက်ကျွေးနေချိန်မှာ သန္ဓေတားဆေးသောက်လို့ ဖြစ်ရဲ့လားလို့ စိတ်ပူနေတဲ့မေမေတွေရှိမယ်ထင်ပါတယ်နော်။ ကလေးကိုလည်း မိခင်တစ်ယောက်မို့ နို့ချိုတိုက်ကျွေးချင်တယ်၊ ဆေးကသောက်ဖို့ လိုအပ်မယ်ဆိုရင်တော့ ကလေးမွေးဖွားပြီး ၆ ပတ်အကြာမှာ စသောက်လို့ရပါတယ်။ အက်စထရိုဂျင်ဟော်မုန်းပါတဲ့ သန္ဓေတားဆေးတွေက မိခင်နို့ထွက်မှုအပေါ် သက်ရောက်မှုရှိတာကြောင့် နို့တိုက်မိခင်တွေအနေနဲ့ ပရိုဂျက်စတုန်းဟော်မုန်းတစ်မျိုးတည်းသာပါတဲ့ သန္ဓေတားသောက်ဆေးကိုသောက်သုံးတာက အသင့်တော်ဆုံးဖြစ်မှာပါ။

ကဲ သန္ဓေတားနည်းတွေထဲကမှ အခြားနည်းတွေကိုကြောက်လို့ သောက်ဆေးသောက်ဖို့ရွေးချယ်တဲ့ အိမ်ထောင်ရှင်လေဒီတို့ရေ ဒီဆောင်းပါးလေးက အဆင်ပြေမယ်ထင်ပါတယ်နော်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ပန်ကရိယလေး ကျန်းမာစေဖို့ လိုက်နာသင့်တဲ့ အလေ့အထများ

ပန်ကရိယ ကောင်းကောင်း အလုပ်မလုပ်တဲ့အခါ အင်ဆူလင် ဟော်မုန်းကို မထုတ်နိုင်တော့ဘဲ သွေးတွင်းသကြားဓာတ် မြင့်တက်ရာကနေတဆင့် သွေးချိုဆီးချို ဖြစ်လာပါတော့တယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လိင်အင်္ဂါရေယုန်နဲ့ ပတ်သက်ပြီး သင်ဘာတွေ သိထားသင့်သလဲ။

လိင်အင်္ဂါရေယုန် ပါးစပ်ရေယုန် လိင်ကတဆင့်ကူးစက် ရေယုန်ဗိုင်းရပ်စ် ရေယုန်အရည်ကြည်ဖုများ လိင်အင်္ဂါအနာ ကွန်ဒုံး စိတ်ဖိစီးမှုများ ကိုယ်ခံအားကျ HSV 1 HSV 2

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Pubertyက hit ဦးမှာလား။

ဆယ်ကျော်သက် puberty hit ဟော်မုန်း အီစထရိုဂျင် တက်စတိုစတီရုန်း အပျိုဖော်ဝင် သားဥအိမ် လူပျိုဖော်ဝင် ဝှေးစေ့ ပျိုဖော်ဝင်ချိန်နောက်ကျ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကွန်ဒုံးလည်းသုံးမယ်၊ စိတ်ကျေနပ်မှုကိုလည်း တစ်ပြားမှမလျှော့နိုင်ပါဘူး ဆိုတဲ့ အမျိုးသားတွေအတွက်

ကွန်ဒုံးလည်းသုံးမယ်၊ စိတ်ကျေနပ်မှုကိုလည်း တစ်ပြားမှမလျှော့နိုင်ပါဘူး ဆိုတဲ့ အမျိုးသားတို့အတွက် နည်းလမ်းကောင်းများနဲ့ ကွန်ဒုံးအသုံးပြုနည်းတွေကဘာတွေများလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

အိပ်မပျော်တာ ဟော်မုန်းကြောင့်များလား

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 16, 2020 . 3 mins read
ကိုဗစ်ကာလ မှာ သားဆက်ခြားပြဿနာတွေကို ဘယ်လိုဖြေရှင်းကြမလဲ။

ကိုဗစ်ကာလ မှာ သားဆက်ခြားပြဿနာတွေကို ဘယ်လိုဖြေရှင်းကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 16, 2020 . 2 mins read
ကိုဗစ်ကာလမှာ တားဆေးထိုး ဖို့ အခက်အခဲရှိတယ်ဆိုရင်

ကိုဗစ်ကာလမှာ တားဆေးထိုး ဖို့ အခက်အခဲရှိတယ်ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
သွေးဆိပ်တက်ခြင်းအကြောင်း

သွေးဆိပ်တက်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read