ဒီအချိန်ရောက်မှာ ကြောက်နေပြီလား။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 27, 2020 . 3 mins read
Share now

သြော် သူတောင် လာတော့မှာပါလား၊ သိပ်မလိုတော့ဘူးပဲ။ သူဆိုတာ မိန်းကလေးတိုင်းရဲ့ ‘သူ’ပေါ့။ သူလာတိုင်း လူမှာ နုံးခွေပြီး ဘာမှလည်း မလုပ်ချင်၊ စိတ်တွေလည်းတိုနဲ့ နေလို့ကို အဆင်ပြေမနေဘူး။

တစ်လကို တစ်ခါလောက် ပုံမှန်တွေ့နေရတာ ဆိုတော့ တွေ့တိုင်း စိတ်ရော ကိုယ်ပါ ပင်ပန်းနေတာ သိပ်တော့ အထာမကျလှဘူး။

ကဲ ‘သူ’ဆိုတာ ဘယ်သူလည်း သိပြီလား။ ‘သူ့’ကို ရင်ဆိုင်ဖို့ လေဒီတို့ကို နည်းလမ်းလေးတွေ ပြောပြပေးမယ်နော်။

ဧည့်သည်မလာခင် ကြိုပြင်ပါ။

ရာသီလာတာကို တချို့တွေက ဧည့်သည်ရောက်နေလို့လို့ သုံးကြတယ်ဗျ။ တစ်လ တစ်ခါလာတဲ့ ဧည့်သည်ပေါ့လေ။ ရာသီချိန်မှာ အဖြစ်များတာတွေက စိတ်မကြည်တာ၊ ကိုယ်လက်ကိုက်ခဲတာ၊ ဗိုက်အောင့်တာ၊ ဗိုက်ပွတာတွေဖြစ်တတ်ပါတယ်။

အရင်ဆုံး လုပ်ရမှာတော့ ဘယ်နေ့ ရာသီလာမှာလဲဆိုတာ ကြိုတွက်ပါ။ ဒီမှာတွက်လို့ရပါတယ်။

အကောင်းဆုံးကတော့ ရာသီမလာခင် တစ်ပတ်လောက် ကြိုပြင်ပါ။ တခြားအချိန်မှာ ယောဂမလုပ်ရင်တော့ ဒီတစ်ပတ်တော့ အင်တာနက်ကနေ ဓမ္မတာလာချိန် အကိုက်အခဲ သက်သာစေမယ့် ပို့စ်တွေကို ကြိုလေ့ကျင့်ထားပါ။

သံဓာတ်အားဆေး တစ်ပတ်ကြိုသောက်ထားပါ။ ဒါမှ ရာသီချိန်မှာ နုန်းတာ၊ ခေါင်းကိုက်တာ သက်သာမှာပါ။

မိန်းမကိုယ်အမွေးတွေ ရိတ်တာ၊ waxလုပ်တာတွေကို လုပ်ချင်ရင် ခုတည်းက ကြိုလုပ်ထားပါ။ ရာသီလာရင် မလုပ်သင့်တော့ပါဘူး။

ရက်နီးလာရင် အိတ်ထဲမှာ pad, tampon, menstrual cup စတဲ့ ကိုယ်သုံးတတ်တာလေးတွေ ဆောင်ထားပါ။ အကိုက်အခဲပျောက်ဆေးလည်း ဆောင်ထားပါ။

ဒီလောက်ဆို ဧည့်သည်ကို ကြိုဖို့အဆင်သင့် ဖြစ်နေပါပြီ။

ရာသီလာချိန်မှာ

  • ကိုက်ခဲတာတွေ သက်သာဖို့

ကိုက်ခဲတာက တစ်ယောက်နဲ့ တစ်ယောက် မတူပါဘူး။ တချို့က ပထမတစ်ရက်ပဲ။ တချို့ကလည်း မပြီးမချင်း ကိုက်တတ်ပါတယ်။ တချို့က ဗိုက်ပဲအောင့်တာ၊ တချို့ကျတော့လည်း ဆီးစပ်တွေပါ ကိုက်တတ်ပါတယ်။ ဘာပဲဖြစ်ဖြစ် ဒါဟာ သည်းခံဖို့ခက်တဲ့ ဝေဒနာပါ။ ဒါကြောင့် သက်သာအောင် အကိုက်အခဲပျောက်ဆေး သောက်နိုင်ပါတယ်။ အစာလေးနဲ့ တွဲသောက်ပေးပါ။

ဆေးတွေ မသောက်ချင်ဘူးဆိုရင် နောက်တစ်နည်းက ရေနွေးအိတ်ကပ်လို့ရပါတယ်။ နာတဲ့နေရာကို တစ်ခါကပ်ရင် မိနစ် ၂၀လောက်နဲ့ ကိုယ်ခံနိုင်တဲ့ အပူချိန်မှာ ကပ်ပေးပါ။ ဆက်တိုက်ကပ်ရင် အသားတွေ လောင်တတ်လို့ ကပ်လိုက် နားလိုက် လုပ်ပေးပါ။

လေ့ကျင့်ခန်း ဖြစ်ဖြစ်၊ ယောဂကျင့်တာ ဖြစ်ဖြစ် လုပ်ပြီး အကြောလျှော့ပေးပါ။ ဒီတလောမှာ ရေနွေးနွေးလေးနဲ့ ရေချိုးပေးတာကလည်း ကြွက်သားတွေကို ပြေလျှော့စေတာမို့လို့ ကိုက်တာ ခဲတာ သက်သာစေပါတယ်။

  • သန့်သန့်ရှင်းရှင်းဖြစ်ဖို့

ရာသီလာတဲ့အချိန်မှာ နောက်ထပ်အရေးတဲ့ ကိစ္စက သန့်သန့်ရှင်းရှင်း ဖြစ်ဖို့ပါပဲ။ သွေးတွေဆင်းနေတာကြောင့် အရင်ကထက်ပိုပြီး သန့်ရှင်းရေးလုပ်ဖို့ အရေးကြီးပါတယ်။

-Padသုံးတယ်ဆိုရင်လည်း ၃-၄နာရီခြား တစ်ခါ လဲပေးပါ။ စစချင်းရင်တွေမှာ သွေးဆင်းတာ များတတ်လို့ ဒီထက်ပိုပြီး ခပ်စိပ်စိပ် လဲပေးဖို့ လိုကောင်းလိုမှာပါ။  Tamponဆိုလည်း ဒီလိုပါပဲ။ Meanstrual cup သုံးတဲ့သူတွေလည်း ပုံမှန်သန့်ရှင်းရေးလုပ်ဖို့ မမေ့ပါနဲ့။

-နောက်တစ်ခုက ခဏခဏ လာမေးကြတဲ့ ခေါင်းလျှော်တဲ့ကိစ္စပါ။ ရာသီလာတဲ့အချိန်မှာ ခေါင်းလျှော်လို့ရလားပေါ့။ တချို့က သွေးဆောင့်ပြီး ဒါမှမဟုတ် သွေးခဲပြီး သေတတ်တယ်လို့ ပြောကြတာကိုး။

ဒါနဲ့ ပတ်သတ်ပြီးတော့ ပညာရှင်တွေက ရာသီချိန်မှာ ရေချိုး ခေါင်းလျှော်တာက ဦးနှောက်က သွေးကြောတွေကို သက်ရောက်မှု မရှိဘူးလို့ အကြိမ်ကြိမ်အခါခါ သက်သေပြပြီးပါပြီ။

ရာသီချိန်မို့လို့ တမင်ခေါင်းလျှော်ခိုင်းတာ မဟုတ်ပါဘူး။ တချို့က ခေါင်းလျှော်ရမယ့်ရက်မှာ တိုက်တိုက်ဆိုင်ဆိုင် ရာသီလာသွားတာတို့၊ နက်ဖြန်သွားစရာရှိလို့ ခေါင်းလျှော်ပါမယ်ဆိုမှ ရာသီမပြီးသေးလို့ မလျှော်ရတဲ့သူတွေရှိတာကြောင့် ဒွိဟဖြစ်နေမှာစိုးလို့ပြောပြပေးတာပါ။ ရာသီချိန်မှာလည်း ရေချိုး ခေါင်းလျှော်ပြီး သန့်သန့်ရှင်းရှင်း နေပေးသင့်ပါတယ်။

-မိန်းမကိုယ်သန့်ရှင်းရေး လုပ်တာနဲ့လည်း သတိထားသင့်တာတွေ ပြောပြပေးပါမယ်။ တချို့က အထဲက သွေးတွေ မြန်မြန်ကုန်အောင် အတွင်းထဲထိ ရေပန်းနဲ့ ထိုးဆေးတာတို့၊ လက်နဲ့ နှိုက်ဆေးတာတို့ လုပ်တတ်ပါတယ်။ ဒါမျိုးလုပ်တာက ပိုးဝင်တာ၊ မိန်းမကိုယ်ပွန်းတာတွေ ဖြစ်တတ်လို့ မလုပ်ပါနဲ့။ ပြီးတော့ ဒီအချိန်မှာ အတွင်းသားတွေက ပိုပြီး နူးညံ့နေတတ်လို့ပါ။

ဆပ်ပြာနဲ့လည်း ဆေးစရာ မလိုပါဘူး။ မိန်းမကိုယ် အက်စစ်ဓာတ်တွေ ပျက်ပြယ်ပြီး အပြင်က ရောဂါပိုးတွေ ဝင်တတ်ပါတယ်။ မိန်းမကိုယ်သန့်ဆေးရည်တွေ သုံးမယ်ဆိုလည်း စိတ်ချရတာပဲ သုံးပါ။ အကောင်းဆုံးကတော့ သန့်ရှင်းတဲ့ ရေများများသုံးပြီး မိန်းမကိုယ်အပြင်ပိုင်းကို ဆေးပေးရင် ရပါပြီ။

  • အာဟာရပြည့်နေဖို့

ရာသီချိန်မှာ ကိုယ်စားချင်တာ စားလို့ရပါတယ်။ အသားတွေ၊ အသီးအရွက်တွေ ပိုစားပေးပါ။ ချောကလက်ကလည်း စိတ်ခံစားမှုကို ကောင်းစေလို့ ဒီလိုအချိန်မှာ နည်းနည်းတော့ စားပေးပါ။

ရှောင်ရမှာတွေက သံဓာတ်ကို ချို့တဲ့စေတဲ့ လက်ဖက်သုပ်၊ လက်ဖက်ရည်၊ ကော်ဖီတွေ ရှောင်ပေးပါ။ အရက်၊ ဘီယာလည်း ခဏနားထားပါ။ ဗိုက်မနာအောင် အပူအစပ်တွေ ရှောင်လိုက်ပါ။

တစ်နေ့ ရေ ၇ခွက်၊ ၈ခွက် ဝင်အောင်သောက်ပါ။ ဒီကာလမှာတော့ ရေဆာရင် ရေသောက်ပါ။ အအေးတွေ သိပ်မသောက်ပါနဲ့။ သစ်သီးဖျော်ရည်ဆိုရင်လည်း သကြားလျှော့ပါ။

  • စိတ်ကြည်နေစေဖို့

ဘာမှန်းမသိဘဲ အလိုလို စိတ်တိုနေတတ်တာကြောင့် ဘေးကလူကို မဲတတ်ပါတယ်။ ပြောစရာ စကားမရှိရင် ပါးစပ်ပိတ်ပြီး ငြိမ်ငြိမ်နေနေတာ အကောင်းဆုံးပါပဲ။ ဒါဟာ ရာသီကြောင့်လို့ နားလည်ပြီး ကိုယ့်စိတ်ကို သနားပါ။ ဂရုစိုက်ပါ။

အိပ်ရေးဝဝအိပ်ပါ။ အိပ်ရေးမဝရင် ပိုပြီး စိတ်မရှည်တာ၊ မပျော်တာတွေ ဖြစ်တတ်တာကြောင့်ပါ။ တစ်နေ့ကို ၇နာရီ ၈နာရီလောက် အိပ်ပါ။

ဘာတွေက ကိုယ့်ကို စိတ်ချမ်းသာစေတာလဲ။ Running man ကြည့်တာလား၊ သီချင်းဆိုတာလား၊ shopping ထွက်တာလား၊ spa မှာ အနှိပ်ခံတာလား ကိုယ်ကြိုက်ရာ ကိုယ်လုပ်ပါ။ ဒီတလောတော့ ကိုယ့်ကိုယ်ကို ပိုချစ်ပေးလိုက်ပါ။

လေ့ကျင့်ခန်းလည်း လုပ်ပါ။ ပေါ့ပေါ့ပါးပါး လှုပ်ရှားမှုလေး တစ်ခုခုပေါ့။ လေ့ကျင့်ခန်းလုပ်ရင် ဒိုပါမင်းထွက်တာကြောင့် စိတ်ထဲမှာ နေပျော်လာမှာပါ။

ဒီနည်းလမ်းတွေနဲ့ဆိုရင်တော့ ကြိုက်တဲ့အချိန်လာ ကြောက်မနေတော့ဘူးပေါ့ လေဒီတို့။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေတဲ့ အချက်တွေကတော့ စိတ်ဖိစီးမှုများတာ၊ အိပ်ရေးပျက်တာ၊ ဖျားနာတာ၊ ဆေးသောက်ချိန်မမှန်တာ၊ ကဖင်းဓာတ်စတာတွေကြောင့် ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အိပ်ရေးဝဝအိပ်ချင်သူတွေ သောက်သုံးပေးသင့်တဲ့ အဖျော်ယမကာ ၁၀ မျိုး

အိပ်မပျော်တဲ့ ဒီအခြေအနေကို ကုစားပေးနိုင်မယ့် နည်းလမ်းကတော့ အိပ်ယာဝင်ခါနီးမှာ သင့်လျော်တဲ့ အဖျော်ယမကာ တချို့ကို မှီဝဲ သောက်သုံးပေးတာပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အိပ်ကောင်းကောင်းနဲ့ အကြာကြီးအိပ်နေမိတဲ့အခါ

အိပ်ရေးဝဝအိပ်တာ ကျန်းမာရေးနဲ့ ညီညွတ်တယ်လို့ မကြာခဏပြောဖြစ်ကြပေမယ့် အလွန်အကျွံအိပ်ရင် ကျန်းမာရေးထိခိုက်တတ်တယ်ဆိုတဲ့ အချက်ကိုတော့ သိပ်မပြောဖြစ်ကြပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ရေကူးနေရင်း ကြွက်တက် လာရင်

ကြွက်တက် ရေကူး ရေနစ် ဓာတ်ဆား ကြွက်သားတောင့်တင်း အကြောလျှော့ အရေးပေါ်အသက်ကယ်နည်း ဓာတ်ဆားရည် ရေနွေးအိတ်ကပ် သတိလစ် ရေကူးရင်းကြွက်တက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

အစာအိမ်အနာနဲ့ ပတ်သက်ပြီး သိထားသင့်သမျှ

အစာအိမ်အနာနဲ့ ပတ်သက်ပြီး သိထားသင့်သမျှ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇန်နဝါရီ 5, 2021 . 4 mins read
အဝတ်pad တစ်ခုကပဲ ပတ်ဝန်းကျင်မညစ်ညမ်းအောင် ထိန်းသိမ်းနိုင်မှာလား

အဝတ်pad တစ်ခုကပဲ ပတ်ဝန်းကျင်မညစ်ညမ်းအောင် ထိန်းသိမ်းနိုင်မှာလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 30, 2020 . 3 mins read
မိန်းမကိုယ် ရနံ့လေး သင်းစေဖို့ ရေမွှေးတွေ ဆွတ်ကြသတဲ့လား

မိန်းမကိုယ် ရနံ့လေး သင်းစေဖို့ ရေမွှေးတွေ ဆွတ်ကြသတဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
အပြောများတဲ့ Menstrual Cup နဲ့ ကျယ်လာမှာလား အပါအဝင် အမေးအများဆုံး မေးခွန်းများ

အပြောများတဲ့ Menstrual Cup နဲ့ ကျယ်လာမှာလား အပါအဝင် အမေးအများဆုံး မေးခွန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read