အိမ်ထဲမှာ နေတာကြာလာရင် လူကထိုင်းမှိုင်းပြီး တက်ကြွလန်းဆန်းနေမှာ မဟုတ်ပါဘူး။ ဒါကြောင့် အိမ်ထဲမှာ အောင်းနေမယ့်အစား အပြင်ထွက်ပြီး နေရောင်ခြည်နဲ့ ထိတွေ့ရင်း လေကောင်းလေသန့်လေး ရှူရှိုက်ကြည့်ပါ။ နေရောင်ခြည်မှာ ကိုယ်ခန္ဓါအတွက် လိုအပ်တဲ့ ဗီတာမင် ဒီ ဓါတ်တွေ ပါဝင်တဲ့အပြင် လိင်စိတ်ဆန္ဒကို အဟန့်အတားဖြစ်စေတဲ့ မယ်လတိုနင်ဟော်မုန်းတွေကို တားဆီးပေးနိုင်ပါတယ်။ ဒါကြောင့် မနက်ခင်း စောစော လမ်းလျှောက်တာ၊ ပြေးတာမျိုး ပုံမှန်လုပ်ပေးနိုင်ရင် ကိုယ့်ရဲ့ ကာမခွန်အားဟာလည်း ပုံမှန်အတိုင်း တက်ကြွလာမှာပါ။
၆။ တစ်ကိုယ်ရေ အာသာဖြေပါ။
လိင်မှုကိစ္စ ဆောင်ရွက်တဲ့အခါ ဆန္ဒပြီးမြောက်မှု မြန်တယ်ဆိုရင် ကိုယ့်ရဲ့ လိင်ဆက်ဆံဖော်အတွက်လည်း ကာမသုခကို အပြည့်အ၀ ပေးစွမ်းနိုင်မှာ မဟုတ်ပါဘူး။ ဒါကြောင့် ကိုယ့်မှာ သုက်လွှတ်မြန်တဲ့ ပြဿနာတွေရှိရင် လိင်မဆက်ဆံခင် ၂နာရီလောက် ကြိုတင်ပြီး တစ်ကိုယ်ရေ အာသာဖြေထားတာ အကောင်းဆုံးပါပဲ။ အာသာဖြေရာမှာလည်း ချက်ချင်း ဆန္ဒပြီးမြောက်တာမျိုး မလုပ်ဘဲ အချိန်ဆွဲပြီး ဖြည်းဖြည်းချင်း လုပ်ပေးရင်း သုက်လွှတ်မမြန်စေဖို့ လေ့ကျင့်ပေးနိုင်ရင်လည်း ပိုကောင်းပါတယ်။
၇။ ကိုယ့်ရဲ့ လိင်ဆက်ဆံဖော်ကိုလည်း အမြဲအာရုံစိုက်ပါ။
လိင်မှုကိစ္စဆိုတာ တစ်ဦးတစ်ယောက်တည်း လုပ်ဆောင်ရတဲ့ အရာမဟုတ်ပါဘူး။ ကိုယ်က ဆန္ဒပြီးမြောက်ပြီး ကိုယ့်ရဲ့ လိင်ဆက်ဆံဖော်မှာ စိတ်တိုင်းမကျမှုတွေ၊ ဆန္ဒမပြီးမြောက်သွားတာတွေ ရှိနိုင်ပါတယ်။ ဒါကြောင့် နှစ်ဦးနှစ်ဖက်လုံး သာယာမှု အပြည့်အ၀ ရစေနိုင်ဖို့ ဘယ်လိုအနေအထားနဲ့ ဆက်ဆံရတာ သဘောကျလဲ၊ ဘယ်လို ပုံစံမျိုးက သူ့အတွက် သက်တောင့်သက်သာ ဖြစ်စေလဲဆိုတာ ကြိုတင်မေးမြန်းပြီး ညှိနှိုင်းမှု ယူထားတာ အကောင်းဆုံးပါပဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။