၂။ စူးစမ်းလေ့လာချင်တဲ့ လိင်စိတ်ဆန္ဒများ စောစီးစွာ ဖြစ်ပေါ်လာခြင်း
ပုံမှန်ကတော့ ကျွန်တော်တို့ ဆယ်ကျော်သက်အရွယ် ရောက်တော့မှသာ လိင်ကိစ္စနဲ့ ပတ်သက်တဲ့ စိတ်ဆန္ဒတွေ ဖြစ်ပေါ်လာတတ်တာ သဘာဝပါ။ ကလေးတွေအနေနဲ့ အပြာရုပ်ရှင်ကို စောစီးစွာ ကြည့်မိလိုက်တဲ့အခါ ဆယ်ကျော်သက်အချိန်ကာလထက် စောပြီး လိင်အကြောင်း၊ လူကြီးတွေရဲ့ လိင်အင်္ဂါ၊ မျိုးပွားစနစ် အလုပ်လုပ်ပုံအကြောင်း သိလိုတဲ့စိတ်တွေ၊ ပုံမှန်မဟုတ်တဲ့ လိင်စိတ်ဆန္ဒတွေ ဖြစ်ပေါ်လာနိုင်ပါတယ်။ ဒါ့အပြင် အပြာရုပ်ရှင်ကို လူကြီးတွေ မရှိတဲ့အချိန်မှာ ကြိမ်ဖန်များစွာ ခိုးကြည့်တဲ့ အကျင့်တွေပါ ပေါ်လာတတ်ပါတယ်။
၃။ အသက်ငယ်ငယ်လေးနဲ့ လိင်ဆက်ဆံမိနိုင်ခြင်း
ကလေးဘဝမှာကတည်းက လိင်အသားပေး ရုပ်ရှင်တွေနဲ့ လက်ပွန်းတသီး နေလာတဲ့ကလေး တစ်ယောက်က ဆယ်ကျော်သက် ဖြစ်ကာစမှာကတည်းက တခြားကလေးတွေထက်ကို လိင်မှုကိစ္စနဲ့ ပတ်သက်ပြီး အတွေ့အကြုံတွေ၊ လက်တွေ့ လုပ်လိုစိတ်တွေ များနေတတ်ပါတယ်။ ဒီအတွက်ကြောင့်လည်း လူငယ်တွေရဲ့ သဘာဝ ကာမဆန္ဒကို မလွန်ဆန်နိုင်ဘဲ ကျူးလွန်ရာကနေ ငယ်ငယ်ရွယ်ရွယ်နဲ့ ကိုယ်ဝန်ရတာ၊ လိင်မှတစ်ဆင့် ကူးစက်ရောဂါတွေ ရလာတာ၊ လိင်စိတ်ထက်သန်လာတာမျိုး ဖြစ်နိုင်ပါတယ်။
၄။ ကွန်ဒုံးမသုံးဘဲ လိင်ဆက်ဆံခြင်း
အပြာရုပ်ရှင် အများစုမှာ ရုပ်ရှင်ကြည့်ပရိတ်သတ်တွေ အကြိုက်တွေ့စေလောက်မယ့် ကွန်ဒုံးမပါဝင်တဲ့ အန္တရာယ်များတဲ့ လိင်ဆက်ဆံခြင်းပြကွက်တွေကို အဓိက ပြတတ်ပါတယ်။ ကလေးအရွယ်မှာ လိင်ကျန်းမာရေးနဲ့ ပတ်သက်ပြီး အထူးတလည် သင်ပြထားတာတွေ မရှိသေးရင်တော့ သူတို့ ကြီးလာတဲ့အခါ ငယ်ငယ်ကတည်းက ကြည့်လာရတဲ့ အန္တရာယ်များတဲ့ လိင်ဆက်ဆံပုံစံအတိုင်းပဲ လုပ်သွားတတ်တာ သဘာဝပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။