လူတွေ ဘာကြောင့် ဆေးစွဲကြတာလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 11, 2020 . 2 mins read
Share now

လူတွေ မူးယစ်ဆေးစွဲတာ ဒါမှမဟုတ် ဆေးဝါးတစ်ခုခုကို အလွန်အကျွံ သုံးစွဲကြတာမျိုး မြင်ဖူးကြမှာပေါ့။ ဒီအခြအနေကို ဆေးစွဲတယ်လို့ သတ်မှတ်ကြပါတယ်။

ဆေးစွဲတဲ့သူတွေကို မြင်တဲ့အခါ လူတွေက ကိုယ့်ဘာသာ လူညွှန့်တုံးအောင် လုပ်နေတယ်။ အောင်မြင်မှုဒဏ် မခံနိုင်တာလေ။ အသိဉာဏ် မဲ့လိုက်တာဆိုပြီး ပြစ်တင် စကား ဆိုတတ်ကြပါတယ်။ ဒါကလည်း ဂရုဏာ ဒေါသောနဲ့ပေါ့။

ဒီလိုဖြစ်ရတာက အကြောင်းအရင်း အမျိုးမျိုး ရှိပါတယ်။ ဘာတွေကြောင့်များ လူတွေက သူတို့ကိုယ်သူတို့ အထိခိုက်ခံပြီး ဆေးစွဲတာလဲ ဆိုတာကို ဆောင်းပါးလေးထဲမှာ ဖတ်ကြည့်ပါနော်။

လူတွေကို စွဲလမ်းစေတတ်တဲ့ အရာများ

လူတွေကို စွဲလမ်းစေတဲ့အရာတွေက တစ်ခုမက ရှိနိုင်ပါတယ်။

လူတွေဘာကြောင့် မူးယစ်စေတဲ့ အရာတွေကို စွဲလမ်းတာလဲ……………..

မူးယစ်ဆေးကို စွဲလမ်းရတဲ့ အကြောင်းအရင်းက အသက်အရွယ်အရ ကွာခြားနိုင်သလို အခြေအနေ အမျိုးမျိုးလည်း ရှိနေနိုင်ပါတယ်။ ​ကြုံတွေ့ရတဲ့ ဘဝအခြေအနေအရပ်ရပ်ကြောင့်လည်း လူတွေက စိတ်ထွက်ပေါက် တစ်ရပ်အနေနဲ့ မူးယစ်ဆေးကို စွဲလမ်းကြတာပါ။

စိတ်ပိုင်းဆိုင်ရာ ပြဿနာ ရှိတာ

စိတ်ပိုင်းဆိုင်ရာ ပြဿနာတစ်ခုခု ခံစားဖူးတာ၊ လက်ရှိမှာ ခံစားနေရတာတွေကနေ ရုန်းထွက်ဖို့ ကြိုးပမ်းတဲ့အနေနဲ့လည်း လူတွေက အရက် အပါအဝင် အမျိုးမျိုးသော မူးယစ်ဆေးတွေကို အလွဲသုံးတာမျိုး ဖြစ်တတ်ပါတယ်။

ကလေးဘဝတုန်းက လျစ်လျူရှုခံခဲ့ရတာ

ကလေးဘဝတုန်းက လျစ်လျူရှုခံခဲ့ရတာ လိုဘမပြည့်ဘဲ ကြီးပြင်းလာရတဲ့ ကလေးတွေဟာ အရွယ်ရောက်လာတဲ့အခါ မူးယစ်ဆေးစွဲတာ၊ ဆေးဝါးတွေကို အလွဲသုံးတာမျိုးတွေ ဖြစ်တတ်ကြပါတယ်။

ကလေးဘဝမှာ ရခဲ့တဲ့ စိတ်ဒဏ်ရာကလည်း မူးယစ်ဆေးတွေကို အလွဲသုံးဖြစ်စေဖို့ တွန်းအားပေးပါသတဲ့။

အပေါင်းအသင်း မရှိတာ

လူဆိုတာ အပေါင်းအသင်းကြောင့် ပျက်တတ်သလို ရင်ဖွင့်တိုင်ပင်စရာ မိသားစု၊ မိတ်ဆွေတွေ မရှိရင်လည်း ပျက်စီး တတ်ပါတယ်။ ပြဿနာ တစ်ခုခု ရင်ဆိုင်ရတိုင်း ရင်ဖွင့်တိုင်ပင်စရာ မရှိတဲ့အခါ စိတ်ထွက်ပေါက်အနေနဲ့ မူးယစ်ဆေး သုံးတာကို ရွေးချယ်တတ်ပါတယ်။

သူငယ်ချင်းတွေ အဆွယ်ကောင်းတာ

ဆေးသုံးနေတဲ့ သူငယ်ချင်းက သုံးကြည့် ဘယ်လိုကောင်းတာ။ သူတော့ တီထွင်ဖန်တီးနိုင်စွမ်းတွေ တိုးလာတယ်။ စိတ်သက်သာရာရတယ်။ ဆေးသုံးတာက မကောင်းတဲ့ အလေ့အကျင့် တစ်ခု မဟုတ်ပါဘူးဆိုပြီး အပြောကောင်းကောင်းနဲ့ ဆွယ်တာကြောင့်လည်း ကိုယ့်ကိုယ်ကို ထိန်းသိမ်းနိုင်စွမ်း နည်းတဲ့ လူငယ်တွေမှာ ဆေးစွဲနိုင်ပါတယ်။

အကြမ်းဖက်ခံရတာ

အိမ်တွင်း အကြမ်းဖက်ခံရတာ ဒါမှမဟုတ် သူငယ်ချင်းတွေရဲ့ အ​ကြမ်းဖက်မှုကို ခံရတဲ့သူတွေကလည်း စိတ်ထွက်ပေါက် အနေနဲ့ မူးယစ်ဆေး သုံးတတ်ကြပါတယ်။

စိတ်ဖိစီးတာ

မိသားစုကြောင့် စိတ်ဖိစီးတာ၊ အလုပ်ကြောင့် စိတ်ဖိစီးတာ၊ ချစ်သူဆက်ဆံရေး အဆင်မပြေတာကြောင့် စိတ်ဖိစီးတာတွေကလည်း လူကို ဆေးဝါး အလွဲသုံးမှုတွေ ဖြစ်စေနိုင်ပါတယ်။

စိတ်ဖိစီးဒဏ်ကို မခံနိုင်တဲ့အဆုံး လက်ရှိ အနေအထားကို ခဏမေ့အောင်ဆိုပြီး အရက် သောက်တာကစလို့ မူးယစ်ဆေး အမျိုးမျိုးကို ပုံစံ အမျိုးမျိုးနဲ့ သုံးစွဲတတ်ကြပါတယ်။

လူအများစု ဆေးစွဲတာက စိတ်ထွက်ပေါက်ရှာတဲ့ အနေနဲ့ပါ။ ပင်ပနးလွန်းတာ၊ ရင်ဖွင့်တိုင်ပင်နိုင်မှု ကင်းမဲ့လွန်းတာနဲ့ စိတ်ဒဏ်ရာတွေကို ဖြေဖျောက်ဖို့ တစ်ခေါက်တလေဆိုတာကနေ ထွက်ပေါက်မတွေ့တော့ဘဲ တဝဲလည်လည် ဖြစ်နေကြတာပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အစာရေမျိုကင်ဆာ ဒီလိုကာကွယ်ပါ

ကင်ဆာတွေက ကာကွယ်လို့ရပါတယ်။ ဒီတစ်ခေါက်တော့ အဖြစ်နည်းပေမယ့်လည်း ကာကွယ်ထားရင် မမှားတဲ့ ကင်ဆာ အမျိုးအစားတစ်ခုဖြစ်တဲ့ အစာရေမျို ကင်ဆာလေးအကြောင်း ပြောပြပေးပါရစေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြွက်သားတွေ နာကျင်ကိုက်ခဲတာကို သက်သာစေဖို့

ကြွက်သားတွေ နာကျင်ကိုက်ခဲတာက အရွယ်ရောက်ပြီးသူတွေမှာရော၊ လူကြီးတွေရောနဲ့ ကလေးတွေမှာပါမကျန် ကြုံတွေ့ခံစားရနိုင်တဲ့ ကျန်းမာရေးပြဿနာတစ်ခုပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုဗစ်ကာလမှာ ဘေဘီလေးတို့ရဲ့ ခံစားချက်ကို အလေးဂရုပြုပါ

Stay at Home မှာ ဘေဘီလေးရဲ့ ခံစားချက်ကို ဂရုစိုက်ပေးပါ။ ဘေဘီလေးတွေက ရုပ်ပိုင်း စိတ်ပိုင်း ဘေးကင်းလုံခြုံရေးအားလုံးကို မိဘတွေအပေါ်မှာ မှီခိုနေရလို့ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ပင်ပန်းနွမ်းနယ်နေတာကို သက်သာစေဖို့

ခေါင်းထဲကပဲ ကိုက်နေသလိုလို၊ ခြေလက်တွေပဲ ညောင်းကိုက်နေသလိုလို၊ မကြည်မလင်နဲ့ ညီးစီစီဖြစ်နေလို့ နေရထိုင်ရ မသက်မသာဖြစ်နေပြီလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

မိုဘိုင်းလ်ဖုန်းကို လက်ကမချနိုင်ဖြစ်နေတာ ဘာကြောင့်လဲ

မိုဘိုင်းလ်ဖုန်းကို လက်ကမချနိုင်ဖြစ်နေတာ ဘာကြောင့်လဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 31, 2020 . 2 mins read

FDA ခွင့်ပြုချက်ရသွားပြီဖြစ်တဲ့ ကိုဗစ်အတွက်ဆေး ‘Remdesivir’

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 29, 2020 . 2 mins read
ကိုဗစ်ဆေးရုံ တွေကို ဆေးလိပ်တွေ၊ အရက်တွေ ခိုးသယ်လာကြတဲ့အခါ

ကိုဗစ်ဆေးရုံ တွေကို ဆေးလိပ်တွေ၊ အရက်တွေ ခိုးသယ်လာကြတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 21, 2020 . 3 mins read
အိပ်ကောင်းကောင်းနဲ့ အကြာကြီးအိပ်နေမိတဲ့အခါ

အိပ်ကောင်းကောင်းနဲ့ အကြာကြီးအိပ်နေမိတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read