backup og meta

စိတ်ကျန်းမာရေးအတွက် လေ့ကျင့်ခန်းများ

မှ ဆေးပညာပိုင်းဆိုင်ရာ စစ်ဆေးထားပါသည်။ Dr. K Zin Thwe


Kyaw Thura Htun မှ ရေးသားသည်။ · 10/07/2020 တွင် အသစ်ဖြည့်စွက်ခဲ့သည်။

    စိတ်ကျန်းမာရေးအတွက် လေ့ကျင့်ခန်းများ

    စိတ်ဖိစီးမှုတွေနဲ့ စိုးရိမ်ကြောင့်ကြမှုတွေက သင့်ရဲ့ဘဝမှာ ဖြစ်နေကျပါ။ လေ့ကျင့်ခန်းတွေရဲ့ ကောင်းကျိုးက စိတ်ဖိစီးမှုပြေလျော့နိုင်ရုံသာမက စိုးရိမ်ကြောင့်ကြမှုတွေ၊ သူတို့နဲ့သက်ဆိုင်တဲ့ စိတ်ရောဂါတွေကိုပါ ဖြစ်မလာအောင် တားဆီးပေးပါတယ်။

    လေ့ကျင့်ခန်းလုပ်ခြင်းရဲ့ စိတ်ပိုင်းဆိုင်ရာအတွက် ကောင်းကျိုးများ

    လေ့ကျင့်ခန်းတွေက စိုးရိမ်ကြောင့်ကြမှုနဲ့ စိတ်ဖိစီးမှုကို လျှော့ပေးနိုင်ကြောင်း လေ့လာနေတဲ့ စိတ်ဆရာဝန်တွေက ၁၀မိနစ်လမ်းလျှောက်ခြင်းက ၄၅မိနစ် လေ့ကျင့်ခန်းလုပ်တာနဲ့တောင် ညီမျှနိုင်တယ်လို့ပြောပါတယ်။ တခြားလေ့လာမှုတွေအရ လေ့ကျင့်ခန်းတွေက လူတချို့ရဲ့ စိတ်ဖိစီးမှုကို ချက်ချင်းမြှင့်တင်ပေးတာ တွေ့ရပါတယ်။ ခဏတာ အကျိုးကျေးဇူးတွေအပြင် လမ်းမြန်မြန်လျှောက်ပေးခြင်းနဲ့ တခြားရိုးရှင်းတဲ့ လေ့ကျင့်ခန်းတွေက နာရီတော်တော်ကြာတဲ့အထိ သင့်ကိုကူညီပေးနိုင်ပါတယ်။ ဥပမာပေးရရင် ခေါင်းကိုက်မှုအတွက် အက်စပရင်သောက်ရသလိုမျိုးပေါ့။ လေ့လာမှုတွေအရ ရုပ်ပိုင်းဆိုင်ရာလှုပ်ရှားမှုများတဲ့လူတွေက သာမန်လူတွေထက် စိုးရိမ်ကြောင့်ကြခြင်းနဲ့စိတ်ကျခြင်း ဖြစ်နိုင်ချေနည်းပါတယ်လို့ သက်သေပြနိုင်ခဲ့ပါတယ်။

    လေ့ကျင့်ခန်းလုပ်ခြင်းက သင့်ဦးနှောက်ကို စိတ်ဖိစီးမှုတွေ စိုးရိမ်ကြောင့်ကြမှုတွေကို ပိုမိုထိန်းချုပ်စေနိုင်ခြင်းဖြင့် စိတ်ပိုင်းဆိုင်ရာကျန်းမာရေးမှာ ကူညီပေးပါတယ်။ လေ့လာမှုတစ်ခုမှာဆိုရင် လေ့ကျင့်ခန်းမှန်မှန်လုပ်တဲ့သူတွေက ပုံမှန်သူတွေထက် နောက်၅နှစ်အတွင်းစိတ်ဖိစီးမှုနဲ့ တခြားစိတ်ပိုင်းဆိုင်ရာရောဂါဖြစ်နိုင်ချေ ၂၅ရာခိုင်နှုန်းလျော့ကြောင်း တွေ့ရပါတယ်။ ဒါ့အပြင် လေ့ကျင့်ခန်းတွေသာမကတရားထိုင်ခြင်း ကုထုံးတွေက တချို့လူတွေအတွက် စိတ်ဖိစီးမှုနဲ့ စိုးရိမ်ကြောင့်ကြခြင်းဖြစ်နိုင်ချေကို လျှော့ချပေးတဲ့အပြင် ဒါကအကြာကြီးခံပါတယ်။ တက်ကြွတဲ့လေ့ကျင့်ခန်းတစ်ချိန်စာက သင့်ရဲ့ရောဂါလက္ခဏာတွေကို နာရီနဲ့ချီပြီး လျှော့ချထားပေးပြီး ဒီလိုလေ့ကျင့်ခန်းမှန်မှန်လုပ်နေခြင်းက ဒီလက္ခဏာတွေကို လျှော့ချချိန်ကြာလေပါဘဲ။

    လေ့ကျင့်ခန်းအတွက် အချက်လေးများ။

    တကယ်လို့သင်က လေ့ကျင့်ခန်းစလုပ်နေပြီဆိုရင် သေချာလုပ်ဖို့ကြိုးစားပါ။ မစရသေးဘူးဆိုရင်တော့ စလုပ်ဖို့အချက်လေးတွေ ပြောပြပေးသွားပါမယ်။

    • 5×30. လမ်းလျှောက်၊ အပြေး ဒါမှမဟုတ် ကခုန်ခြင်းကို တစ်ပတ်ကို ၃ကြိမ်မှ၅ကြိမ် မိနစ်၃၀လုပ်ပါ။
    • ပြည့်စုံတဲ့ လေ့ကျင့်ခန်းချိန်ကြီးအစား နေ့စဉ်လေ့ကျင့်ခန်းပန်းတိုင်လေးတွေကို ချထားပါ။ နေ့စဉ်၁၅မိနစ်ကနေ ၂၀မိနစ်အထိလမ်းလျှောက်ခြင်းက ဘာမှမလုပ်ဘဲ နောက်အပတ်နာရီလေ့ကျင့်ခန်းချိန်ကို စောင့်နေရတာထက်သာပါတယ်။
    • ပျော်စရာကောင်းတဲ့ လေ့ကျင့်ခန်းတွေကိုရှာပါ။ လူတွေကြားနေရတာကြိုက်တဲ့Extrovert လူတွေက လေ့ကျင့်ခန်းအတန်းတွေ၊အုပ်စုတွေကို ကြိုက်ကြပါတယ်။ တစ်ယောက်တည်းနေရတာကြိုက်တဲ့ introvert လူတွေက တစ်ယောက်တည်းလုပ်ရတဲ့လေ့ကျင့်ခန်းတွေကို ပိုနှစ်သက်ပါတယ်။
    • သီချင်းနားထောင်ပြီး လေ့ကျင့်ခန်းလုပ်ခြင်းက သင့်ကိုပိုပျော်ရွှင်စေပါတယ်။
    • အဖော်ရှာပါ။ သင်တစ်ယောက်ယောက်နဲ့ လေ့ကျင့်ခန်းလုပ်ခြင်းက သင့်ကိုပိုတိုးတက်စေပြီး အကျင့်လည်း ရစေပါတယ်။ သူငယ်ချင်း၊ ရည်းစား ဒါမှမဟုတ် လုပ်ဖော်ကိုင်ဖက်တွေလည်း ခေါ်နိုင်ပါတယ်။
    • •လေ့ကျင့်ခန်းအသစ်လုပ်တဲ့အခါ စိတ်ရှည်ပါ။ ထိုင်ရတာများတဲ့သူတွေက လေ့ကျင့်ခန်းတစ်ခုနဲ့ ကျင့်သားရဖို့ လေးပတ်ကနေရှစ်ပတ်ထိလိုပါတယ်။ ရုပ်ပိုင်းဆိုင်ရာလေ့ကျင့်ခန်းတွေက သင့်ရဲ့ကိုယ်အတွက် ကောင်းမွန်စေတဲ့ အကြောင်းပြချက်များစွာရှိပါတယ်။ဥပမာ – နှလုံးသွေးကြောစနစ်ကောင်းမွန်ခြင်း၊ သင့်အဆစ်နဲ့အရိုးတွေကိုကောင်းစေခြင်း။ ဒါ့အပြင် လေ့ကျင့်ခန်းတွေက စိတ်ပိုင်းဆိုင်ရာ ကျန်းမာရေးကို အထောက်အကူပြုပါတယ်။ အမှန်တကယ်တော့ လှုပ်ရှားနေဖို့ နည်းလမ်းအများကြီးရှိပါတယ်။ ဒါကြောင့်သင်နဲ့သင့်တော်မယ့် လေ့ကျင့်ခန်းကိုရွေးချယ်ပြီးစလုပ်ပါ။

     

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ ဆေးပညာပိုင်းဆိုင်ရာ စစ်ဆေးထားပါသည်။

    Dr. K Zin Thwe


    Kyaw Thura Htun မှ ရေးသားသည်။ · 10/07/2020 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement