ကဖင်းဓါတ်အလွန်အကျွံစားသုံးတာ –တစ်ခါတလေအိပ်ရေးပျက်လို့ဖြစ်ဖြစ်၊ အာရုံမလန်းလို့ဖြစ်ဖြစ်ကော်ဖီသောက်တာ၊ လက်ဖက်ရည်သောက်တာနဲ့ ကဖင်းပါဝင်နေတဲ့ အားဖြည့်အချိုရည်တွေသာက်သုံးတာမျိုးရှိနိုင်ပါတယ်။ တစ်ခွက်လောက်ကပြဿနာမဖြစ်ပေမယ့် ၃ ခွက်ထက်ကျော်ပြီးသောက်မယ်ဆိုရင်တော့ ကဖင်းဓါတ်ကအလွန်အကျွံပမာဏဖြစ်နေပါပြီ။
ရေသောက်နည်းတာ – ကျောက်ကပ်က လုပ်ငန်းဆောင်တာတွေကောင်းကောင်းလုပ်ဆောင်နိုင်ဖို့ဆိုရင်ရေဓါတ်ြပည့်ဝနေဖို့က မဖြစ်မနေလိုအပ်မှာပါ။ တကယ်လို့ရေသောက်ပျင်းမယ်။ ရေသောက်နည်းမယ်ဆိုရင်သွေးထဲမှာ အဆိပ်တွေစုလာပြီးကျောက်ကပ်က စွန့်ထုတ်စစ်ထုတ်နိုင်မှုကျဆင်းသွားမှာပါ။ ဒါကြောင့် တစ်နေ့ကိုရေ ၁၂ ခွက်လောက်သောက်ပေးပါ။ရေလုံလောက်အောင်သောက်၊မသောက်ကိုသေသေချာချာသိရှိနိုင်မှာက ဆီးရဲ့ အရောင်ပါ။ ဆီးသွားတဲ့အခါ ဆီးက ဝါနေမယ်ဆိုရင်တော့ရေသောက်နည်းနေပါပြီ။ကျောက်ကပ်က မနိုင်ဝန်ထမ်းနေရပြီဆိုတာကိုလည်း သတိပြုပါ။
ကူးစက်ရောဂါကိုသေချာကုသမှုမခံယူတာ – ဖျားနာတာ၊ တုပ်ကွေးဖြစ်တာလိုမျိုး ကူးစက်ရောဂါတွေခံစားရရင်သေချာကုသမှုခံယူပါ။ ဒီရောဂါတွေကိုသေချာမကုသရင် ရလာမယ့်နောက်ဆက်တွဲပြဿနာကကျောက်ကပ်ကို ထိခိုက်စေပါလိမ့်မယ်။ ဖျားနာတာ၊တုပ်ကွေးဖြစ်တာတွေခံစားရချိန်မှာပြည့်ပြည့်ဝဝအနားယူဖို့ကိုလည်း မမေ့ပါသင့်ပါဘူး။ လုံလောက်တဲ့အနားယူမှုက ခန္ဓါကိုယ်ကိုပြန်လည်ကျန်းမာလာအောင် အားဖြည့်ပေးပါလိမ့်မယ်။
အကိုက်အခဲပျောက်ဆေးတွေကို မလိုအပ်ပဲသောက်တာ –ဆေးက လိုအပ်ချိန်မှာသောက်ရင်ကောင်းပေမယ့် မလိုအပ်ဘဲသောက်ရင်တော့ကောင်းတာထက် ဆိုးတာပဲဖြစ်လာမှာပါ။ ဒါကြောင့် အကိုက်အခဲပျောက်ဆေးတွေကို တကယ်လိုအပ်မှသောက်ပါ။ မလိုအပ်ဘဲသောက်သုံးမိရင် ခန္ဓါကိုယ်မှာထိခိုက်မှုတွေဖြစ်လာပါလိမ့်မယ်။
အရက်အလွန်အကျွံသောက်သုံးတာ – အရက်မှာပါတဲ့ အဆိပ်အတောက်က အသည်းကိုတင်ပျက်စီးစေတာမဟုတ်ပါဘူး။ကျောက်ကပ်ကိုပါ ထိခိုက်ပျက်စိးစေနိုင်ပါတယ်။ ဒါကြောင့် အရက်ကို အလွန်အကျွံသောက်သုံးမှုမလုပ်ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။