အမှတ်တမဲ့လုပ်မိနေတဲ့ ကျောက်ကပ်ထိခိုက်စေနိုင်တဲ့ အမူအကျင့်များ

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar.

ခန္ဓာကိုယ်ရဲ့ အစိတ်အပိုင်းတစ်ခုစီက သူ့နေရာနဲ့သူ အရေးပါကြတာချည်းပါပဲ။ ခန္ဓာကိုယ်တစ်ခုလုံးက ကောင်းမွန်စွာလည်ပတ်လုပ်ဆောင်နေမှ ကျန်းမာပျော်ရွှင်တဲ့ ဘဝကိုပိုင်ဆိုင်နိုင်မှာပါ။ ခန္ဓာကိုယ်ရဲ့ အစိတ်အပိုင်းတွေကို ထိခိုက်စေတဲ့ အပြုအမူတွေရှိနေသလို တစ်ခါတလေမှာ အစားအသောက်တွေကြောင့် လည်းခန္ဓာကိုယ်မှာထိခိုက်တာတွေရှိနေပါတယ်။ အခုတစ်ခေါက်တော့ ဘာရယ်မဟုတ်ဘဲထင်ပြီး လုပ်မိနေတဲ့ အပြုအမူတွေကြောင့် ကျန်းမာပျော်ရွှင်တဲ့ဘဝလေးပိုင်ဆိုင်ဖို့အတွက်ရာမှာ အရေးပါတဲ့ကျောက်ကပ်ကို ထိခိုက်မိစေတဲ့ အပြုအမူလေးတွေအကြောင်းပြောပြပေးမယ်နော်။

ကျောက်ကပ်ကို ထိခိုက်စေနိုင်တဲ့ အမှတ်တမဲ့အပြုအမူတွေက 

ဆီးသွားချင်တာကို အောင့်ထားတာ – ဆီးသွားချင်တဲ့အခါ အလုပ်မအားလို့။ လုပ်လက်စလေးပြီးပြတ်သွားအောင်လုပ်ချင်လို့၊ ပျင်းလို့၊ အပြင်ရောက်နေလို့ဆိုတဲ့ အကြောင်းပြချက်အမျိုးမျိုးနဲ့ ဆီးအောင့်ထားတတ်ကြမယ်ထင်ပါတယ်။ ဒီလိုအပြုအမူရှိတယ်ဆိုရင် ပြင်ဆင်လိုက်ပါ။ ဒီအပြုအမူက ဘာမှမဟုတ်ဘူးထင်ရပေမယ့် ဆီးအိမ်ထဲမှာ ဆီးတွေအကြာကြီးရှိနေတာက ဘက်တီးရီးယားတွေကို အလွယ်တကူပေါက်ဖွားစေနိုင်ပြီး ကျောက်ကပ်ကို ထိခိုက်စေနိုင်ပါတယ်။

ဆားအများကြီးစားမိတာ – မြန်မာလူမျိုးတွေဆိုရင်တော့ ဆားတင်မဟုတ်ပါဘူး။ ငံပြာရည်၊ငါးပိ၊ငါးခြောက်တွေကိုပါရှောင်ဖို့လိုပါမယ်။ လူတစ်ယောက်ဟာ တစ်နေ့ကို အငန်ဓာတ် ၅.၈ ဂရမ်ပဲစားသုံးပေးသင့်တာပါ။ အစားအစာတွေထဲမှာ အငန်ဓာတ်ဓာတ်အရမ်းများတာက ကျောက်ကပ်ကို ထိခိုက်စေနိုင်တာကြောင့် အငန်လျှော့စားပါ။

အသားတွေအများကြီးမစားပါနဲ့အသားတွေအရမ်းစားတဲ့အခါ ခန္ဓာကိုယ်မှာ ပရိုတင်းတွေများလာတာကြောင့် ကျောက်ကပ်ကိုထိခိုက်စေနိုင်ပါတယ်။ ဒါကြောင့် အနီရောင်အသားတွေလျော့စားပါ။ ပရိုတင်းအရမ်းများတာတွေမစားပါနဲ့။

ကဖင်းဓာတ်အလွန်အကျွံစားသုံးတာ – တစ်ခါတလေအိပ်ရေးပျက်လို့ဖြစ်ဖြစ်၊ အာရုံမလန်းလို့ဖြစ်ဖြစ် ကော်ဖီသောက်တာ၊ လက်ဖက်ရည်သောက်တာနဲ့ ကဖင်းပါဝင်နေတဲ့ အားဖြည့်အချိုရည်တွေသောက်သုံးတာမျိုးရှိနိုင်ပါတယ်။ တစ်ခွက်လောက်က ပြဿနာမဖြစ်ပေမယ့် ၃ ခွက်ထက်ကျော်ပြီးသောက်မယ်ဆိုရင်တော့ ကဖင်းဓာတ်ကအလွန်အကျွံပမာဏဖြစ်နေပါပြီ။

ရေသောက်နည်းတာ – ကျောက်ကပ်က လုပ်ငန်းဆောင်တာတွေကောင်းကောင်းလုပ်ဆောင်နိုင်ဖို့ဆိုရင် ရေဓာတ်ပြည့်ဝနေဖို့က မဖြစ်မနေလိုအပ်မှာပါ။ တကယ်လို့ရေသောက်ပျင်းမယ်။ရေသောက်နည်းမယ်ဆိုရင် သွေးထဲမှာ အဆိပ်တွေစုလာပြီး ကျောက်ကပ်က စွန့်ထုတ်စစ်ထုတ်နိုင်မှုကျဆင်းသွားမှာပါ။ ဒါကြောင့် တစ်နေ့ကို ရေ ၁၂ ခွက်လောက်သောက်ပေးပါ။ ရေလုံလောက်အောင်သောက်၊မသောက်ကို သေသေချာချာသိရှိနိုင်မှာက ဆီးရဲ့ အရောင်ပါ။ ဆီးသွားတဲ့အခါ ဆီးက ဝါနေမယ်ဆိုရင်တော့ ရေသောက်နည်းနေပါပြီ။ ကျောက်ကပ်က မနိုင်ဝန်ထမ်းနေရပြီဆိုတာကိုလည်း သတိပြုပါ။

ကူးစက်ရောဂါကို သေချာကုသမှုမခံယူတာဖျားနာတာ၊ တုပ်ကွေးဖြစ်တာလိုမျိုး ကူးစက်ရောဂါတွေခံစားရရင် သေချာကုသမှုခံယူပါ။ ဒီရောဂါတွေကို သေချာမကုသရင် ရလာမယ့်နောက်ဆက်တွဲပြဿနာက ကျောက်ကပ်ကို ထိခိုက်စေပါလိမ့်မယ်။ ဖျားနာတာ၊တုပ်ကွေးဖြစ်တာတွေခံစားရချိန်မှာ ပြည့်ပြည့်ဝဝအနားယူဖို့ကိုလည်း မမေ့ပါသင့်ပါဘူး။ လုံလောက်တဲ့အနားယူမှုက ခန္ဓာကိုယ်ကို ပြန်လည်ကျန်းမာလာအောင် အားဖြည့်ပေးပါလိမ့်မယ်။

အကိုက်အခဲပျောက်ဆေးတွေကို မလိုအပ်ပဲ သောက်တာ – ဆေးက လိုအပ်ချိန်မှာ သောက်ရင်ကောင်းပေမယ့် မလိုအပ်ဘဲသောက်ရင်တော့ ကောင်းတာထက် ဆိုးတာပဲဖြစ်လာမှာပါ။ ဒါကြောင့် အကိုက်အခဲပျောက်ဆေးတွေကို တကယ်လိုအပ်မှသောက်ပါ။ မလိုအပ်ဘဲသောက်သုံးမိရင် ခန္ဓာကိုယ်မှာထိခိုက်မှုတွေဖြစ်လာပါလိမ့်မယ်။

အရက်အလွန်အကျွံသောက်သုံးတာ – အရက်မှာပါတဲ့ အဆိပ်အတောက်က အသည်းကိုတင်ပျက်စီးစေတာမဟုတ်ပါဘူး။  ကျောက်ကပ်ကိုပါ ထိခိုက်ပျက်စိးစေနိုင်ပါတယ်။ ဒါကြောင့် အရက်ကို အလွန်အကျွံသောက်သုံးမှုမလုပ်ပါနဲ့။

ဆေးလိပ်သောက်သုံးခြင်း ဆေးလိပ်သောက်သုံးမှုက အချိန်ကြာလာနဲ့အမျှ သွေးကြောတွေကို တောင့်တင်း ကျဉ်းမြောင်းလာစေပြီး ခန္ဓာကိုယ်ရဲ့ အရေးပါတဲ့ အစိတ်အပိုင်းတွေဆီ သွေးစီးဆင်းရောက်ရှိမှုကို နည်းသွားစေပါတယ်။ ဒီလိုမျိုး သွေးပို့လွှတ်ရောက်ရှိမှုနည်းသွားတဲ့ အစိတ်အပိုင်းထဲမှာ ကျောက်ကပ်လည်းပါပါတယ်။ သွေးစီးဆင်းရောက်ရှိမှုနည်းသွားတဲ့အခါ ကျောက်ကပ်ကအလုပ်ကောင်းကောင်းမလုပ်နိုင်တော့ပါဘူး။

ကိုယ်လက်လှုပ်ရှားမှုနည်းတာ – ကိုယ်လက်လှုပ်ရှားမှုလုပ်ဆောင်တာက ကျောက်ကပ်တွေကို ကာကွယ်ပေးနိုင်တဲ့ နည်းလမ်းကောင်းတစ်ရပ်ပါ။ ကိုယ်လက်လှုပ်ရှားမှုဖြစ်စေတဲ့ လေ့ကျင့်ခန်းတွေပုံမှန်လုပ်ဆောင်ပေးတာက ကျောက်ကပ်မှာ ကျောက်တည်နိုင်ခြေကို ၃၁ ရာခိုင်နှုန်းအထိလျှော့ချပေးနိုင်ပါတယ်။ ကျန်းမာရေးနဲ့ညီညွတ်တဲ့ ကိုယ်အလေးချိန်ကို ထိန်းထားနိုင်တာက ကျောက်ကပ်ကျန်းမာစေဖို့ အထောက်အကူဖြစ်စေမှာပါ။

အိပ်ရေးပျက်ခံတာများတာ – လူတော်တေ်ာများများက အိပ်ရေးဝဝအိပ်ဖို့လိုတယ်ဆိုတာကို မေ့ထားတတ်ကြပါတယ်။ အခုလိုမျိုးတိုးတက်လာတဲ့ ခေတ်မှာ ဖုန်းသုံးတာ၊ ဂိမ်းဆော့တာတွေလုပ်ဆောင်ရင်း အိပ်ချိန်တွေက တဖြည်းဖြည်းနောက်ကျလာခဲ့ပါပြီ။ ဒါကြောင့်တစ်နေ့ကို အိပ်ချိန် အနည်းဆုံး ၆ နာရီကနေ ၈ နာရီထားပေးပါ။ လူတစ်ယောက်က လုံလောက်စွာအိပ်စက်မှုမရတဲ့အခါ ဇီဝတွင်းဖြစ်စဉ်က ထိခိုက်လာပြီး ကိုယ်တွင်းအင်္ဂါတွေ ထိခိုက်ပျက်စီးလာပါလိမ့်မယ်။

လိုအပ်တဲ့ ဆေးဝါးကုသမှုခံယူခြင်းမရှိတာ – သွေးတိုးရောဂါခံစားနေရတာ၊ အမျိုးအစား -၂ ဆီးချိုရောဂါခံစားနေရတာတွေရှိမယ်ဆိုရင် လိုအပ်တဲ့ ဆေးဝါးကုသမှုတွေကို ခံယူပါလို့ပြောပါရစေ။ ဒီဝေဒနာတွေခံစားနေရပြီး လိုအပ်တဲ့ဆေးဝါးကုသမှုကို ခံယူတာမျိုးမလုပ်ဘဲနေမယ်ဆိုရင် နောက်ဆက်တွဲအနေနဲ့ ခံစားရမယ့် ပြဿနာက ကျောက်ကပ်ထိခိုက်တာပါ။

သွေးပေါင်ချိန်ကို ထိန်းညှိတာမျိုးမရှိတာ သွေးတိုးတာက ကျောက်ကပ်ကို ပျက်စီးစေနိုင်တဲ့ အဓိကအကြောင်းအရင်းတစ်ခုပါ။ ဒါကြောင့်နေ့စဉ် သွေးပေါင်ချိန်ကိုတိုင်းတာပြီး အရမ်းများနေရင် အစားအသောက်ဆင်ခြင်ပြီး သွေးပေါင်ချိန်ကျအောင်လုပ်ဆောင်တာမျိုးလုပ်ဆောင်ဖို့လိုပါမယ်။ သွေးပေါင်ချိန်ကို ပုံမှန် အပေါ်သွေး ၁၄၀ အောက်သွေး ၉၀ ဖြစ်အောင်ထိန်းထားပေးပါ။

ခုပြောပြခဲ့တဲ့ အပြုအမူလေးတွေရှိရင် ဒီနေ့ကစပြီး ပြင်ဆင်လိုက်ပါနော်။ ဒါမှကျန်းမာတဲ့ ကျောက်ကပ်လေးပိုင်ဆိုင်နိုင်မှာပါ။

Read also:

မျှဝေမည်

တည်းဖြတ်သည့်နေ့ ဩဂုတျ 30, 2018 | နောက်ဆုံးတည်းဖြတ်ခြင်း ဩဂုတျ 30, 2018

ရင်းမြစ်များ
ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။