၄။ မီးလောင်ဒဏ်ရာတွေကို သက်သာစေတယ်
ဒါလည်း ရိုးရာဆေးကုသနည်းတစ်မျိုးပါ။ ရှားစောင်းလက်ပပ်ကို မစားသုံးဘဲ အရေပြားပေါ်ပွတ်လိုက်ခြင်းက အသားအရေလှပစေတဲ့အပြင် နေလောင်ဒဏ်၊ မီးလောင်ဒဏ်ရာ၊ နဲ့အရေပြား အနာတချို့ကိုပါ သက်သာ စေတာကြောင့် ဟိုးအရင်ကတည်းက အာရှတိုက်နိုင်ငံတချို့နဲ့ အီဂျစ်နိုင်ငံမှာ ဆေးဖက်ဝင်အပင်တစ်မျိုးအဖြစ် အသုံးပြုခဲ့တဲ့ သက်သေတွေရှိပါတယ်။
၅။ သွားပြဿနာတွေကိုလည်း သက်သာစေတယ်
အဖြစ်များတဲ့ ကျန်းမာရေးပြဿနာတွေဖြစ်တဲ့ သွားပိုးစားခြင်းနဲ့ သွားဖုံးပြဿနာတချို့ကို ရှားစောင်းလက်ပပ်က လျှော့ချပေးနိုင်ပါတယ်။ သွားအပေါ်လွှာမှာ ဖြစ်လာတဲ့ bacterial biofilm တွေကနေ သွားနဲ့သွားဖုံးပြဿနာတွေ ဖြစ်လာတတ်ပါတယ်။ ရှားစောင်းလက်ပပ်အရည်နဲ့ မှန်မှန်ပလုပ်ကျင်းပေးရင် bacterial biofilm တွေဖြစ်ပေါ်စေတဲ့ Streptococcus mutans နဲ့ Candida albicans ပိုးတွေကိုသေစေတာကြောင့် သွားကျန်းမာ ရေးအတွက် အကျိုးရှိစေမှာပါ။
ဒါတွေက ရှားစောင်းလက်ပပ်ရဲ့ ကျန်းမာရေးအကျိုးကျေးဇူးတချို့ဖြစ်ပါတယ်။ သုတေသနတွေနဲ့ စမ်းသပ်မှုတွေ ပြုလုပ်ဖို့လိုအပ်နေသေးပေမဲ့ ရှားစောင်းလက်ပပ်မှာ တခြားကျန်းမာရေးအကျိုးကျေးဇူး တွေလည်းရှိသေးတာကိုတွေ့ရှိရပါတယ်။ အရေပြားနဲ့အလှအပဆိုင်ရာ အတွက်ရှားစောင်းလက်ပပ်ကို ကျယ်ကျယ်ပြန့်ပြန့်သုံးစွဲနေကြပြီး နောက်မကြာခင်အချိန်မှာလည်း တခြားရောဂါတွေအတွက် ရှားစောင်းလက်ပပ်ကထုတ်တဲ့ ဆေးဝါးတွေထွက်ပေါ်လာမယ်လို့ ယူဆရပါတယ်။
ဘေးထွက်ဆိုးကျိုးများ
ရှားစောင်းလက်ပပ်က ပုံမှန်အားဖြင့် အသုံးပြုဖို့ ဘေးကင်းပါတယ်။ ရေတိုမှာပေါ့။ ဒါပေမယ့် ရှားစောင်းလက်ပပ်ကို အခြားကျန်းမာရေးပြဿနာတွေအတွက် ဆေးသောက်နေရတာရှိရင် တွဲသောက်တာမျိုး မလုပ်ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။