ဆေးယဉ်ပါးဆိုတာ ပိုးသတ်ဆေးကို မဆင်မခြင်သောက်ရာက အဓိကဖြစ်လာတာပါ။ ဒါကြောင့်
-ပိုးသတ်ဆေးကို မလိုအပ်ဘဲ မသောက်ပါနဲ့။ လိုမလိုသိရအောင် ဆရာဝန်နဲ့ပြသပါ။
-နေမကောင်းဖြစ်တိုင်း ပိုးသတ်ဆေးမသောက်ပါနဲ့။
-ဆေးတွေကို သူများကို မျှဝေမပေးပါနဲ့။
-ဆေးတွေကို သိမ်းထားပြီး နေမကောင်းတဲ့အခါတိုင်း ပြန်ပြန်မသောက်ပါနဲ့။
-ဆေးဆိုင်က စပ်ဆေးတွေ အလွယ်တကူဝယ်မသောက်ပါနဲ့။
-ပိုးသတ်ဆေးသောက်မယ်စဉ်းစားတိုင်း ဆရာဝန်နဲ့ တိုင်ပင်ပါ။
-ဆရာဝန်က လိုအပ်လို့ သောက်ခိုင်းတဲ့အခါ ဆေးပတ်လည်အောင် သောက်ပါ။ သောက်ရမယ့် ပမာဏ၊ အကြိမ်ရေ၊ ရက် အတိအကျသောက်ပါ။ နေပြန်ကောင်းသွားလို့ ပိုးသတ်ဆေးကို ရက်မပြည့်သေးဘဲ ရပ်လိုက်တာမျိုး လုံးဝမလုပ်ပါနဲ့။
-တိရစ္ဆာန်အစာနဲ့ စိုက်ပျိုးရေးလုပ်ငန်းတွေမှာ ပိုးသတ်ဆေးတွေ အလွန်အကျွံ သုံးတာကိုလည်း ဥပဒေတစ်ခု ပြဌာန်းပြီး ထိန်းချုပ်ရပါမယ်။
ဆေးယဉ်ပါးပြဿနာဟာ ကမ္ဘာ့ကျန်းမာရေးပြဿနာ ဖြစ်တဲ့အတွက် လူတိုင်းပါဝင်ရပါမယ်။ ခုဆိုရင် ဒီပြဿနာအတွက် ဆရာဝန်တွေသာမကဘဲ မွေးမြူရေး ပညာရှင်တွေ၊ စိုက်ပျိုးရေး ပညာရှင်တွေ၊ ပတ်ဝန်းကျင်ထိန်းသိမ်းရေး ပညာရှင်တွေနဲ့ တခြားတခြားသော ပညာရှင်တွေက ပူးပေါင်းပြီး အဖြေရှာနေကြပါပြီ။
ဒါတွေက superbugsတွေကြောင့် လူသားမျိုးနွယ် မပျက်သုဉ်းရေး အတွက်ပါပဲ။ ဆေးယဉ်ပါးပြဿနာ လျော့နည်းလာဖို့အတွက် သင့်မှာလည်း တာဝန်ရှိပါတယ်။ စွမ်းနိုင်တဲ့ဘက်က ကူညီပြီး ဆေးယဉ်ပါး ပြဿနာကို လျှော့ချဖို့ တိုက်တွန်းလိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။