သင့်ခန္ဓာကိုယ်ဟာ မူးယစ်ဆေး၊ အရက် စတာတွေကို စွဲလန်းနေရင် အင်မတန်ဖြတ်ရခက်ပါတယ်။ မိမိကိုယ်ကို ထိန်းချုပ်နိုင်ခြင်း မရှိပါဘူး။ သုတေသနများအရ တရားထိုင်တဲ့အခါ အာရုံစူးစိုက်ခြင်း၊ မိမိကိုယ်ကို သတိကပ်ထိန်းချုပ်နိုင်ခြင်း စတဲ့ အကျိုးကျေးဇူးတွေရလာတာကြောင့် ဆေးဖြတ်၊ အရက်ဖြတ်ရာမှာ အထောက်အကူပြုပါတယ်။ အရက်စွဲသူများကို လေ့လာခဲ့တဲ့ သုတေသနတခုမှာ တရားထိုင်ခြင်းအားဖြင့် အရက်ဖြတ်ရာမှာ အထောက်အကူပြုကြောင်း ဆိုထားပါတယ်။ မူးယစ်ဆေးနဲ့ အရက်တင် မကပါဘူး။ အစားအစာများကို စွဲလန်းစွာ စားသောက်နေချင်စိတ်ကိုလည်း လျှော့ချပေးနိုင်ပါတယ်။
အိပ်ရေးပျက်ခြင်းဟာ ကိုယ်ခံစွမ်းအားကျစေပြီး ရောဂါမျိုးစုံကို ဖိတ်ခေါ်နေပါတယ်။ စိတ်ဖိစီးမှု၊ စိုးရိမ်ပူပန်မှု စတာတွေဟာ အိပ်မပျော်ရခြင်းရဲ့ အကြောင်းအရင်းဖြစ်ပါတယ်။ တရားထိုင်ခြင်းကြောင့် ကိုယ်ရောစိတ်ပါ ဖိစီးမှုများ လျော့နည်းစေပြီး ကောင်းစွာအိပ်စက်နိုင်စေပါတယ်။ တရားထိုင်ခြင်းကြောင့် စိတ်ရဲ့အတွေးများ ယောက်ယက်ခတ်ခြင်းကို ထိန်းချုပ်နိုင်စေပါတယ်။ နှစ်ခြိုက်စွာ အိပ်ပျော်နိုင်စေဖို့ မခဲယဉ်းသလို အချိန်ကြာကြာလည်း အိပ်စက်နိုင်စေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။