• နိုင်ငံပေါင်း ၁၁၈ နိုင်ငံမှာ အိုင်အိုဒင်းချို့တဲ့မှုက ကျန်းမာရေးပြဿနာကြီးတစ်ရပ်လိုတောင်ဖြစ်နေတာပါ။
• ကမ္ဘာ့လူဦးရေရဲ့ ၁.၅ ဘီလျံက အိုင်အိုဒင်းချို့တဲ့မှုကိုခံစားနေကြရပါတယ်။
• အိုင်အိုဒင်းဆား မစားသုံးတဲ့နေရာတွေ၊ အိုင်အိုဒင်းရှားပါးတဲ့နေရာတွေမှာ အိုင်အိုဒင်းချို့တဲ့မှုခံစားနေကြရပါတယ်။
• အရှေ့အလယ်ပိုင်းဒေသကလူဦးရေ သုံးပုံတစ်ပုံဟာ အိုင်အိုဒင်းချို့တဲ့မှုကို ခံစားနေကြရတာပါ။
• အာဖရိက၊ အာရှ၊ လက်တင်အမေရိကနဲ့ ဥရောပနိုင်ငံတွေမှာလည်း အိုင်အိုဒင်းချို့တဲ့မှုကိုခံစားနေရတာပါ။
• ကိုယ်ဝန်ဆောင်အမျိုးသမီးတွေ၊ နို့တိုက်မိခင်တွေက အိုင်အိုဒင်းချို့တဲ့နိုင်ခြေများတဲ့သူတွေဖြစ်ပြီး အိုင်အိုဒင်းများများစားသုံးပေးဖို့လိုပါမယ်။
• သတ်သတ်လွတ်စားတဲ့သူတွေက အိုင်အိုဒင်းချို့တဲ့နိုင်ခြေပိုများပါတယ်။
အိုင်အိုဒင်းချို့တဲ့နေတယ်ဆိုတာကို သိနိုင်မယ့် လက္ခဏာများ
အိုင်အိုဒင်းချို့တဲ့မှုက ကြီးမားတဲ့ ကျန်းမာရေးပြဿနာတွေကိုခံစားရနိုင်ပါတယ်။
- လည်ပင်းကြီးရောဂါလို့ခေါ်တဲ့ လည်ပင်းကပုံမှန်ထက်ပိုကြီးလာတာကို ခံစားရနိုင်ပါတယ်။
- သိုင်းရွိုက်ဂလင်းပြဿနာခံစားရနိုင်ပါတယ်။
- သိုင်းရွိုက်ဟော်မုန်းထွက်ရှိမှုနည်းသွားတာကြောင့် ဆဲလ်တွေကျန်းမာမှုအားနည်းသွားနိုင်ပါတယ်။
- ကြီးထွားဖွံ့ဖြိုးမှုထိခိုက်နိုင်ပါတယ်။
- ဆံပင်ကျွတ်တာ၊ ပင်ပန်းနွမ်းနယ်တာ၊ ကိုယ်အလေးချိန်တိုးလာတာ၊ အသားအရေခြောက်သွေ့တာ၊ အအေးမိဖျားနာလွယ်တာ၊ အအေးဒဏ်မခံနိုင်တာမျိုးတွေခံစားရနိုင်ပါတယ်။
- ကိုယ်ဝန်ဆောင်မိခင်တွေနဲ့ ကလေးငယ်တွေမှာ အိုင်အိုဒင်းချို့တဲ့မယ်ဆိုရင် ကလေးငယ်မှာ ဦးနှောက်ဖွံ့ဖြိုးမှု ထိခိုက်တာ စိတ်ပိုင်းဆိုင်ရာ ချို့ယွင်းမှုတွေဖြစ်နိုင်ပါတယ်။
- ကိုယ်ဝန်ဆောင်ချိန်မှာ အိုင်အိုဒင်းချို့တဲ့မယ်ဆိုရင် ကိုယ်ဝန်ပျက်ကျတာမျိုးဖြစ်နိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။