backup og meta

ခေါင်းကိုက်ခြင်းကို သက်သာစေမယ့် အစားအစာများ


Eaindray Kha မှ ရေးသားသည်။ · 13/10/2021 တွင် အသစ်ဖြည့်စွက်ခဲ့သည်။

    ခေါင်းကိုက်ခြင်းကို သက်သာစေမယ့် အစားအစာများ

    ခေါင်းကိုက်တဲ့ ဝေဒနာဟာ အတော်လေးကို ခံစားရခက်ပါတယ်။ ဘယ်အရာကိုမှ အာရုံစိုက်လို့ မရဘဲ ကိုယ့်ရဲ့ လုပ်ငန်းဆောင်တာနဲ့ လူမှုရေးကိစ္စတွေကိုပါ လစ်ဟင်းစေပါတယ်။ ခေါင်းကိုက်တာ အချိန်ကြာလာရင် စိတ်ဖိစီးမှုတွေတောင် ဖြစ်လာနိုင်ပါတယ်။ ခေါင်းကိုက်တာ သက်သာဖို့အတွက် ဆေးတွေ မသောက်ချင်ဘူးဆိုရင်တော့ အရင်ဆုံး အစားအစာတွေ စားပြီး သက်သာအောင် လုပ်ကြည့်လို့ ရပါတယ်။

    ဟင်းနုနွယ်ရွက်

    သွေးဖိအား ကျခြင်းကြောင့် ခေါင်းကိုက်တာတွေ သက်သာစေဖို့အတွက်ဆိုရင်တော့ ဟင်းနုနွယ်ရွက်က အကောင်းဆုံး အစားအစာ တစ်မျိုးပါပဲ။ ဟင်းနုနွယ်ရွက်ကို ကြော်စားခြင်း၊ စွပ်ပြုတ်နဲ့ အသုပ်သုပ်တာတွေ လုပ်စားလို့ ရပါတယ်။

    ကော်ဖီ

    ကော်ဖီအများကြီး သောက်တာက ရေဓါတ်ခမ်းခြောက်ခြင်းကို ဖြစ်စေပြီး ခေါင်းကိုက်စေတယ်ဆိုပေမယ့် ကော်ဖီတစ်ခွက်လောက် သောက်တာကတော့ ခေါင်းကိုက်နေချိန်မှာ သွေးဖိအား ကျဆင်းခြင်းကို သက်သာစေနိုင်ပါတယ်။ ဒါကြောင့် သွေးဖိအားကျဆင်းလို့ ခေါင်းကိုက်တာဆိုရင် ကော်ဖီတခွက်လောက်တော့ သောက်နိုင်ပါတယ်။

    ဆန်လုံးညို

    ဆန်လုံးညိုမှာ ကာဗိုလ်ဟိုက်ဒရိတ်နဲ့ မဂ္ဂနီစီယမ်တွေ ပါဝင်ခြင်းက ခေါင်းကိုက်ခြင်းကို သက်သာစေနိုင်ပါတယ်။ ဆန်လုံးညိုဟာ တခြားဆန်တွေ ချက်တာထက်တော့ အချိန်အနည်းငယ် ပိုကြာနိုင်ပါတယ်။

    ဆယ်လ်မွန်ငါး

    ဆယ်လ်မွန်ငါးဟာ omega 3 fatty acid တွေ ပါဝင်ပြီး လေ့လာသူတွေကတော့ ဆယ်လ်မွန်ငါး စားခြင်းဟာ ခေါင်းကိုက်ခြင်းနဲ့ နာကျင်ခြင်းတွေကို သက်သာစေပါတယ်။

    အာလူး

    ခေါင်းကိုက်ခြင်းရဲ့ အဓိက ပြဿနာကတော့ ရေဓါတ်ခမ်းခြောက်ခြင်းပါပဲ။ ရေဓါတ်ပြန်လည် ပြည့်တင်းဖို့ဆိုရင်တော့ အာလူးစားပေးနိုင်ပါတယ်။ အာလူးမှာ ရေဓါတ်ကို ဖြည့်ပေးနိုင်တဲ့ electrolyte လိုမျိုး ပိုတက်စီယမ်တွေ ပါဝင်ပါတယ်။

    ကြက်ဥ

    ကြက်ဥမှာ Coenzyme Q10 ပါဝင်ပြီး ဒီဓါတ်ဟာ ရေဓါတ်ခမ်းခြောက်ခြင်းနဲ့ စိတ်ဖိစီးမှုတွေကြောင့် ဖြစ်တတ်တဲ့ ခေါင်းကိုက်ခြင်းကို ကာကွယ်ပေးမယ့် ခန္ဓါကိုယ်ဆဲလ်တွေကို ကောင်းမွန်စေပါတယ်။ ဒါကြောင့် ခေါင်းကိုက်တဲ့အခါမှ ကြက်ဥစားပေးနိုင်ပါတယ်။

    ငှက်ပျောသီး

    ခေါင်းကိုက်တတ်တယ်ဆိုရင်တော့ ငှက်ပျောသီးလေး ဆောင်ထားပါနော်။ ငှက်ပျောသီးဟာ ရုတ်တရက်ခေါင်းကိုက်ခြင်းကို သက်သာစေတဲ့ အကောင်းဆုံး အသီးတစ်မျိုးပါပဲနော်။ ငှက်ပျောသီးမှာ ပိုတက်စီယမ် များများ ပါဝင်ခြင်းဟာ ဦးနှောက်အတွက်လိုအပ်တဲ့ electrolyte ပမာဏကိုပါ ထိန်းညှိပေးပါတယ်။ ရေဓါတ်ခမ်းခြောက်ခြင်းကို ပြန်လည်ပြည့်စေပြီး အားအင်ပြည့်စေတာမို့ ခေါင်းကိုက်တယ်ဆိုရင်တော့ ငှက်ပျောသီးစားပေးမယ်ဆိုရင် ခဏလေးနဲ့ ပျောက်ကင်းမှာပါ။

    ဖရဲသီး

    ခေါင်းကိုက်ခြင်းကို အဖြစ်များစေတဲ့ အကြောင်းအရာကတော့ ရေဓါတ်လိုအပ်ခြင်းလို့ Stella Metsovas က ဆိုထားပါတယ်။ ဒီလိုမျိုး ခေါင်းအရမ်းကိုက်နေချိန်မှာ သက်သာစေဖို့အတွက် ဖရဲသီး အပါအဝင် ဖရဲသီးလိုမျိုး အရည်ရွှမ်းတဲ့ အသီးတွေ စားပေးပါ။ ဖရဲသီးမှာ ပါဝင်တဲ့ မဂ္ဂနီဆီယမ်လိုမျိုး သတ္တုဓါတ်တွေဟာ ခေါင်းကိုက်ခြင်းကို သက်သာစေနိုင်ပါတယ်။ ဖရဲသီးစိပ် ဒါမှမဟုတ် ဖရဲသီးဖျော်ရည်လေး သောက်ပေးပါ။

    Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။


    Eaindray Kha မှ ရေးသားသည်။ · 13/10/2021 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement