ဈေးသက်သာပြီး ကျန်းမာရေးကို အထောက်အကူပြုတဲ့ အစားအစာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် နိုဝင်ဘာ 27, 2020 . 2 mins read
Share now

ကျန်းမာရေးနဲ့ညီညွတ်ဖို့အတွက် ငွေကုန်ကြေးကျခံပြီးစားသောက်ဖို့မလိုပါဘူး။ ကိုယ်နေ့စဉ်စားသုံးနေတဲ့ အစားအစာတွေထဲမှာတင် အာဟာရပြည့်ဝပြီး ကျန်းမာရေးအတွက်အကျိုးရှိစေတဲ့ အစားအစာတွေရှိနေပါတယ်။ ဘယ်လိုအစားအစာတွေလဲဆိုတာ တစ်ချက်လေ့လာကြည့်ပါဦး။

ကြက်ဥ – ကြက်ဥတွေက အာဟာရအရမ်းကြွယ်ဝပြီး ဈေးလည်းအတော်သက်သာပါတယ်။ ကြက်ဥတစ်လုံးမှာ ပျမ်းမျှ ပရိုတင်း ၆ ဂရမ်လောက်ပါဝင်ပြီး ဗီတာမင်နဲ့သတ္ထုဓာတ်တွေလည်း ပါပါသေးတယ်။ ဦးနှောက်ဖွံ့ဖြိုးဖို့ အရေးကြီးတဲ့ ကိုလင်း (Choline) ဓာတ်ကို ကြက်ဥစားသုံးပေးခြင်းဖြင့် ရနိုင်ပါတယ်။ ပြုတ်ပဲစားစား၊ ကြော်ပဲစားစား ဘယ်လိုစားစား အရသာရှိတဲ့ကြက်ဥကို သူ့ချည်းသက်သက် စားလို့ရသလို တခြားဟင်းလျာအမျိုးမျိုးနဲ့ တွဲဖက်စားသုံးရင်လည်း အရသာရှိနေမှာပါ။

ကြက်သွန်ဖြူ – အစားအစာတွေ အတော်များများ ချက်ပြုတ်တဲ့အခါမှာ ထည့်သုံးရတဲ့ ကြက်သွန်ဖြူဟာလည်း နှလုံးနဲ့သွေးကြောကျန်းမာရေးအတွက် အထောက်အကူပြုပါတယ်။ သွေးတိုးရောဂါ၊ သွေးတွင်းအဆီပိတ် ရောဂါနဲ့ သွေးကြောနံရံမာကြောတဲ့ရောဂါရှိသူတွေ ကြက်သွန်ဖြူမှန်မှန်စားသုံးပေးရင် သိသာတဲ့အကျိုးရလဒ် ရနိုင်တယ်ဆိုတာ သုတေသနအတော်များများမှာအတည်ပြုထားပါတယ်။ နောက်ပြီး ကြက်သွန်ဖြူက အားကောင်းတဲ့ သဘာဝပိုးသတ်ဆေးတစ်မျိုးလည်း ဖြစ်ပါတယ်။

ကြက်သွန်နီ – ဟင်းချက်လို့ ဆီသတ်ရင်ထည့်သုံးရတဲ့ ကြက်သွန်နီကဟင်းလျာတွေကို ပိုအရသာရှိစေ သလိုကျန်းမာရေးအတွက်လည်းကောင်းပါတယ်။ ကြက်သွန်နီစားသုံးခြင်းကြောင့် တချို့ကင်ဆာရောဂါတွေ ဖြစ်ပွားနိုင်ခြေကို လျှော့ချပေးပြီး အရေပြားနဲ့ဦးရေပြားကျန်းမာရေးကိုလည်းကောင်းမွန်စေတာ တွေ့ရှိထားပါတယ်။

ချင်း (ဂျင်း) – ချင်းထဲမှာပါတဲ့ ဓာတုဓာတ်တစ်မျိုးက အစာအိမ်လေပွခြင်း၊ ဝမ်းချုပ်ခြင်းတွေကို သိသိသာသာ သက်သာစေတဲ့အတွက် ဝမ်းပျော့ဆေး၊ အစာအိမ်လေဆေးတွေထုတ်လုပ်မှုမှာ ချင်းကိုထည့်သွင်း ထုတ်လုပ်တတ်ကြပါတယ်။ သုတေသနအချက်အလက်တွေအရလည်း ချင်းက အူမကြီးရောင်ရမ်းမှုကို ကာကွယ်ပေးပြီး ကြွက်သားနာကျင်ခြင်းကိုပါ သက်သာစေတယ်လို့ ဆိုထားတဲ့အတွက် ချင်းမကြာခဏစားသုံးပေးဖို့ မမေ့နဲ့နော်။

ကွေကာအုတ် – တခြားနိုင်ငံတွေလောက် ဒီမှာစားသုံးမှုမများသေးပေမဲ့ ကွေကာအုတ်ကကျန်းမာရေးကို အတော်လေးအထောက်အကူပေးတဲ့အစားအသောက်တစ်ခုပါ။ ၁၉၉၇ ခုနှစ်မှာ အမေရိကန်နိုင်ငံ အစား အသောက်နဲ့ဆေးဝါးအသင်းကြီးက ကွေကာအုတ်ပါဝင်တဲ့စားစရာတွေကနှလုံးကျန်းမာရေးကို အထောက်အကူ ပြုနိုင်ကြောင်းထုတ်ပြန်လိုက်ကတည်းက ကွေကာအုတ်စားသုံးမှုတဖြည်းဖြည်းများပြားလာလိုက်တာ အခုချိန်မှာဆို ကွေကာအုတ်ကို ပုံစံမျိုးစုံနဲ့ စားစရာပေါင်းစုံမှာမြင်တွေ့နေရပါပြီ။ ဘယ်လိုပဲပုံစံပြောင်းပြောင်း ကွေကာအုတ်ကိုဟိုးအရင်ကလိုရေနဲ့နူးညံ့အောင်ကျိုပြီး သစ်သီးတစ်ခုခုနဲ့ တွဲဖက်စားသုံးခြင်းက ကျန်းမာရေးအတွက် အကောင်းဆုံးဖြစ်နေဆဲပါ။ ကွေကာအုတ်စားသုံးခြင်းက သွေးတွင်းကိုလက်စထရောကို ကျဆင်းစေပြီး အမျှင်ဓာတ်ရရှိစေတဲ့အတွက်အစာခြေလမ်းကြောင်းအတွက်လည်းကောင်းမွန်စေပါတယ်။ ဒ့ါအပြင်ပိုတက်စီယမ်နဲ့ ဖောလစ်ဓာတ်တွေလည်း အများကြီးပါဝင်ပါသေးတယ်။

ကန်စွန်းဥ – ကန်စွန်းဥတွေကိုအလွယ်တကူဝယ်ယူလို့ရသလို ဈေးလည်းအတော်လေးသက်သာပါတယ်။ ကန်စွန်းဥတွေထဲမှာ ဗီတာမင် အေ၊ ဗီတာမင် စီ၊ မီတာမင် ဘီ၊ သံဓာတ်၊ ကယ်လ်စီယမ်ဓာတ်၊ ပရိုတင်းဓာတ်နဲ့ ပိုတက်စီယမ်ဓာတ်တွေအများကြီးပါဝင်တာကြောင့် မကြာခဏစားသုံးပေးသင့်တဲ့ အစားအစာတစ်ခုလို့ သတ်မှတ်နိုင်ပါတယ်။

နွားနို့ – သွားနဲ့အရိုးတွေကြံ့ခိုင်သန်မာဖို့ ကယ်လ်စီယမ်ဓာတ်အလုံအလောက်လိုပါတယ်။ ကယ်လ်စီယမ်ဓာတ် များများရချင်ရင်ဘာမှစဉ်းစားမနေပါနဲ့။ နွားနို့ကိုသာအားရပါးရသောက်ချလိုက်ပါ။ အရိုးကျန်းမာရေးကောင်းဖို့အပြင် သွေးပေါင်ချိန်မှန်ဖို့၊ ကြွက်သားလုပ်ဆောင်ရည်မှန်ကန်ဖို့နဲ့ နှလုံးခုန်နှုန်းမှန်ဖို့လည်း ကယ်လ်စီယမ်ဓာတ် လိုအပ်ပါတယ်။ နွားနို့ထဲမှာ ကယ်လ်စီယမ်ဓာတ်တင်မကဘဲ မဂ္ဂနီစီယမ်၊ ဗီတာမင်အေ၊ ဗီတာမင်ဘီဓာတ် တွေလည်းပါသေးတဲ့အတွက် ဈေးသက်သာပြီးကျန်းမာရေးအတွက်အကျိုးရှိတဲ့ စားစရာတစ်ခုလို့ သတ်မှတ်နိုင်ပါတယ်။

အာလူး – ဈေးသက်သာပြီးအလွယ်တကူဝယ်ယူရနိုင်တဲ့ စားစရာတစ်မျိုးပါ။ အာလူးကို အပြုတ်၊ အကြော်၊ အကင် စတဲ့ပုံစံမျိုးစံလုပ်စားလို့ရသလို ဗိုက်လည်းပြည့်လွယ်ပါတယ်။

အရိုး၊ နှလုံးနဲ့ အူလမ်းကြောင်း ကျန်းမာရေးတွေအတွက်အကျိုးရှိတဲ့ အာလူးကိုစားသုံးတော့မယ်ဆို တခြားနည်းလမ်းတွေထက်စာရင် အာလူးကိုပြုတ်ပြီး အာလူးထောင်းလုပ်စားတာက  ကျန်းမာရေးအတွက် ပိုသင့်တော်ကြောင်း ပြောချင်ပါတယ်။

တို့ဖူး – တို့ဖူးကိုပဲပုပ်ကနေပြုလုပ်တာဖြစ်ပါတယ်။ပဲပုပ်ဆိုတာ ကိုလက်စထရောလုံးဝမပါတဲ့ ပဲတစ်မျိုးဖြစ်ပြီး ပရိုတင်း၊သံဓာတ်နဲ့ ကယ်လ်စီယမ်ဓာတ်တွေ အရမ်းကြွယ်ဝတဲ့စားစရာတစ်ခုလည်း ဖြစ်နေပါတယ်။ ဒါ့ကြောင့် တို့ဖူးမှန်မှန်စားသုံးပေးရင် အရိုးပွခြင်းကို ကာကွယ်ပေးနိုင်ရုံတင်မကဘဲ သွေးတွင်းအချိုဓာတ်ကိုပါ လျော့ကျစေမှာပါ။

ခရမ်းချဉ်သီး – တောက်ပတဲ့အနီရောင်ကြောင့် ဟိုးအရင်က ခရမ်းချဉ်သီးကို အဆိပ်ရှိတဲ့အသီးလို့ လူတွေထင်မှတ်ခဲ့ကြပါတယ်။ နောက်ပိုင်းစားသုံးမှုများလာပြီး လေ့လာမှုတွေလည်း လုပ်လာတဲ့အခါကျမှ ခရမ်းချဉ်သီးဟာ ကျန်းမာတဲ့ စားသောက်မှုစနစ်အတွက် မပါမဖြစ်စားစရာတစ်ခုဖြစ်တယ်လို့ အားလုံးလက်ခံလာကြပါပြီ။

ခရမ်းချဉ်သီးထဲမှာ ဗီတာမင် အေ၊ဗီတာမင် စီနဲ့ ကိုယ်ဝန်ဆောင်တွေအတွက် မရှိမဖြစ် ဖောလစ်အက်စစ်တွေ အများကြီးပါဝင်ပါတယ်။ နောက်ပြီး အိုမင်းရင့်ရော်မှုကိုနှေးစေတဲ့ ဓာတ်တိုးဆန့်ကျင်ပစ္စည်းတွေလည်းပါဝင်သေးတဲ့အတွက် ခရမ်းချဉ်သီးစားသုံးဖို့ နှစ်ခါပြန်မစဉ်းစားပါနဲ့လို့ တိုက်တွန်းလိုက်ချင်ပါတယ်။

Dr. Htoo Tint

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အာလူးမှ အာလူး တမ်းတမ်းစွဲ ဖြစ်သွားစေမယ့် ကောင်းကျိုး ၇ ခု

တချို့တွေက အာလူးလေးတွေရဲ့ ကျန်းမာရေးအကျိုးကျေးဇူးကို မျက်စိလျှမ်းနေတတ်ပါတယ်။တကယ်တော့ အာလူးဟာ အကျိုးကျေးဇူးတွေ အမြောက်အများပေးနိုင်တဲ့ အစားအစာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဘေဘီလေးအတွက် လွယ်ကူတဲ့ ဗီတာမင် C စားစရာလေးတွေ ပြင်ဆင်ပေးကြမယ်။

ဗီတာမင် C က ဓာတ်တိုးပစ္စည်းတစ်ရပ် ဖြစ်တာကြောင့် ခန္ဓာကိုယ်ကို ဓာတ်တိုးပစ္စည်းတွေ အန္တရာယ်ကနေ ကာကွယ်ပေးပြီး ကျန်းမာစေတယ်။ ကိုယ်ခံအားဆဲလ်တွေကို အားဖြည့်ပေးတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အရိုးပွခြင်းကို ကာကွယ်နိုင်ဖို့ ဆင်ခြင်သင့်တဲ့ အစားအသောက်တွေ

ကျန်းမာကြံ့ခိုင်တဲ့အရိုးတွေပိုင်ဆိုင်ဖို့ စားသုံးရမဲ့အစားအသောက်တွေသိရှိရုံနဲ့မပြီးသေးပါဘူး။ အရိုးကိုတဖြည်းဖြည်းအားနည်းစေနိုင်တဲ့ အစားအသောက်တွေရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သွေးတွင်းအောက်ဆီဂျင်ဓာတ်တိုင်းတာမှုနည်းလမ်းများ

ကျွန်တော်တို့တွေ အသက်ရှူလိုက်တိုင်းအဆုတ်ထဲကိုအောက်ဆီဂျင်ဓာတ်တွေရောက်ရှိပြီး ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

သက်လတ်ပိုင်းမှာပေါက်တဲ့ ဝက်ခြံတွေ သက်သာစေဖို့ ဒါတွေစားပေးပါ။

သက်လတ်ပိုင်းမှာပေါက်တဲ့ ဝက်ခြံတွေ သက်သာစေဖို့ ဒါတွေစားပေးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 9, 2021 . 1 min read
လွယ်လည်းလွယ် အကုန်အကျလည်းမရှိတဲ့နည်းနဲ့ နှလုံးကျန်းမာရေး စစ်ဆေးကြည့်ရအောင်

လွယ်လည်းလွယ် အကုန်အကျလည်းမရှိတဲ့နည်းနဲ့ နှလုံးကျန်းမာရေး စစ်ဆေးကြည့်ရအောင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 6, 2021 . 2 mins read
ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဝက်ခြံရှိသူလေးတွေ လိုက်နာသင့်တဲ့ တစ်နေ့တာ နေထိုင်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 29, 2020 . 1 min read
Diet ဆိုပြီး မိနေတဲ့ ချင်း (ဂျင်း) များ

Diet ဆိုပြီး မိနေတဲ့ ချင်း (ဂျင်း) များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 24, 2020 . 3 mins read