ဒီ ကာဗိုဟိုက်ဒရိတ် လွန်စွာလျှော့ချထားတဲ့ Diet ပုံစံတွေ ကို မွေးရာပါ နှလုံးရောဂါ၊ နှလုံးခုန်နှုန်းမမှန်တဲ့ ရောဂါရှိတဲ့သူတွေ၊ အနေနဲ့ ဒီ diet ပုံစံ လုံးဝ လိုက်မလုပ်သင့်ပါဘူး။ အန္တရာယ်အရမ်းများပါတယ်။
ပုံမှန်ဝိတ်ချချင်ရင်တော့ Balance Diet Contribution နဲ့ စားသောက်ပြီး ဝိတ်ချတာကအကောင်းဆုံးပါ။
ဆိုလိုတာကတော့ ကာဗိုဟိုက်ဒရိတ် ကို ၄၅ ကနေ ၆၅ ရာခိုင်နှုန်း အထိ စားပေးလို့ရပါတယ်။ protein (အသားဓါတ်) ကို ၁၀ ရာခိုင်နှုန်းကနေ ၁၅ ရာခိုင်နှုန်းစားပေးပြီး အဆီဓါတ် ကတော့ ၃၀ ကနေ ၃၅ ရာခိုင်နှုန်းအထိ စားပေးတာကို balanced diet လို့ခေါ်ပါတယ်။
အဓိက ဝိတ်ချတော့မယ် ဆိုရင် အဓိက သော့ချက်ကတော့ စားနေတဲ့ပမာဏကိုလျှော့ချလိုက်ဖို့ပဲ ဖြစ်ပါတယ်။ အဲ့လို မဟုတ်ဘဲ အဆီတုံးတွေ စားတာ၊ ထောပတ် တွေ အများကြီးစားတာ ဟာ မှန်ကန်တဲ့ ဝိတ်ချနည်း မဟုတ်တဲ့ အပြင် သေချာ မပြင်ဆင်တတ်၊ အာဟာရ ဗဟုသုတ တိတိကျကျ မသိဘဲ လိုက်လုပ်မိပါက ပြည့်ဝဆီ saturated fat တွေ အရမ်းများလာနိုင်သလို အကျိုးဆက်အနေနဲ့ သွေးတွင်း ကိုလက်စထရော တက်ခြင်း၊ သွေးတိုးရောဂါ၊ ဆီးချိုရောဂါ စတာတွေ ပါ ဖြစ်တတ်ပါတယ်။
အကယ်၍ ကိုယ်တိုင်သေချာ တတ်ကျွမ်းလို့ ketogenic diet လိုမျိုး အဆီအရမ်းများတဲ့ အစားအစာတွေ ချက်စားရင်တောင်မှ ကောင်းကျိုးရှိတယ်ဆိုပြီး ပြောကြပေမယ့် ယခုအချိန်အထိ သဘောထားကွဲလွဲမှုတွေ ရှိနေသေးတဲ့အတွက် ကျွန်တော့် အနေနဲ့ တော့ တိတိကျကျ အဖြေမရမချင်း လိုက်မလုပ်ဘဲBalanced Diet ဝိတ်ချနည်းဖြင့်သာ ဝိတ်ချဖို့ တိုက်တွန်းချင်ပါတယ်။
လေးစားစွာဖြင့်
ဒေါက်တာ ညီညီကျော်
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။