Bubble Tea သောက်ခြင်းနှင့် ကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 13, 2020 . 2 mins read
Share now

Bubble Tea ကို အိမ်နီးချင်းနိုင်ငံတွေမှာ ဆယ်စုနှစ်များစွာ စွဲစွဲလန်းလန်း သောက်သုံးခဲ့ပြီးနောက် ဒီခေတ်ရေစီးကြောင်းက ကျွန်တော်တို့ မြန်မာနိုင်ငံဆီကိုပါ ရောက်လာခဲ့ပါပြီ။ Bubble Tea နဲ့ ပတ်သက်ပြီး ကြိုက်တဲ့သူတွေကလည်း ကြိုက်သလို ကျန်းမာရေးအရ မကောင်းဘူး၊ ကောင်းတယ်ဆိုပြီး အငြင်းပွားတဲ့သူတွေလည်း များလာတယ်။ ဒီဆောင်းပါးမှာတော့ Bubble Tea က ကျန်းမာရေးအပေါ် ဘယ်လို သက်ရောက်မှုရှိစေနိုင်လဲ ဆိုတာနဲ့ ပတ်သက်ပြီး ပြောပြပေးချင်ပါတယ်။

Bubble Tea အကြောင်း

ပုံမှန်အားဖြင့်တော့ Bubble Tea ကို အမျိုးအစားခွဲရင် လက်ဖက်ရည်နဲ့ ပုလဲဆိုပြီး ယေဘုယျအားဖြင့် ထွက်လာပါတယ်။ လက်ဖက်ရည်ကတော့ မြန်မာလက်ဖက်ရည်မျိုးမဟုတ်ဘဲ တခြားသော လက်ဖက်ခြောက်တွေကို စစ်ပြီး အချိုကဲထားတဲ့ နွားနို့၊ ခရင်မ်၊ ချိစ်တွေနဲ့ ရောမွှေထားပါတယ်။ ဒီအတိုင်း လက်ဖက်ရည်သီးသန့်မျိုး ရောင်းတာလည်း ရှိပါတယ်။

ပုလဲလို့ခေါ်တဲ့ Bubble အလုံးလေးတွေဆိုတာ ပီလောပီနံကနေ လုပ်ထားတာဖြစ်ပြီး ကစီဓာတ် ပါဝင်မှုအလွန်များပါတယ်။ အရသာအားဖြင့် မရှိပေမဲ့ ဝါးစားလို့ကောင်းတဲ့အတွက် သောက်တဲ့သူအများစုက ကြိုက်ရခြင်း ဖြစ်ပါတယ်။

Bubble Tea က အာဟာရဖြစ်စေလား။

Bubble Tea မှာ ကျန်းမာရေးအရ ကောင်းကျိုးပေးနိုင်တဲ့ ဗီတာမင်၊ အာဟာရဓာတ်တွေ မပါဝင်ပါဘူး။ ဒီအတွက် ကျန်းမာရေးအတွက်ထက်စာရင် ကိုယ်ကြိုက်လို့ အပျော်သောက်တဲ့ အအေးလို့ဆိုရင် ပိုမှန်ပါတယ်။ ကစီဓာတ် ပါဝင်မှုများတဲ့အတွက် ကိုယ်အလေးချိန်ကို ပိုတက်စေနိုင်သလို ဒီကစီဓာတ်က ကိုယ်ခန္ဓာအတွက် သိပ်ပြီးအကျိုးမပြုတဲ့ ကစီဓာတ်တစ်မျိုးဖြစ်ပါတယ်။

အမျှင်ဓာတ် လုံးဝမပါဝင်လို့ စားသုံးမှုများရင် ဝမ်းချုပ်တာ၊ အစာမကြေတာ၊ ရင်ပြည့်တာမျိုး ဖြစ်စေနိုင်ပါတယ်။ လက်ဖက်ရည်ကိုယ်တိုင်က ရေဓာတ်ဖြည့်ပေးတယ်ဆိုပေမယ့် Bubble Tea သောက်ပြီးသွားရင်တော့ အာခြောက်စေတဲ့အတွက် ရေပိုပြီး သောက်ချင်စိတ် ဖြစ်စေပါတယ်။

ပါဝင်ပစ္စည်းပေါ်မှာလည်း မူတည်ပါတယ်။

သမားရိုးကျ Bubble Tea တွေမှာတော့ လက်ဖက်ရည်၊ အချိုကဲထားတဲ့ နို့၊ ခရင်မ်တွေနဲ့ ပုလဲတွေသာ ပါဝင်လို့ အာဟာရတန်ဖိုး များများစားစား မရှိပါဘူး။ နောက်ပိုင်းမှာတော့ ကျန်းမာရေးရှုထောင့်ကနေ ပုံစံပြောင်းပြီး သစ်သီးတွေ ရောကျိတ်ပြီး လုပ်ထားတဲ့ Smoothies မှာ ပုလဲထည့်ထားတာ၊ ခရင်မ်၊ နို့ကို သကြားလျှော့သုံးပြီး အချို အဆိမ့်ပေါ့အောင် လုပ်တာ၊ သစ်သီးကို လှီးစိတ်ပြီး ထည့်ပေးထားတာမျိုးတွေလည်း ရှိပါတယ်။

Bubble Tea သောက်လို့ ကျန်းမာရေးအန္တရာယ် ရှိနိုင်လား။

ကျန်းမာရေးအရ အကျိုးကျေးဇူး သိပ်မရှိတဲ့တိုင်အောင် အန္တရာယ်ပေးနိုင်တဲ့ အရာတွေထဲမှာတော့ မပါပါဘူး။ သတိထားဖို့ လိုတာက Bubble ပုလဲတွေဟာ သေချာကြေညက်အောင် မဝါးစားဘဲ မျိုချမိရင်တော့ လည်ချောင်းထဲမှာ နင်တာ၊ အစာရေမျိုလမ်းကြောင်းနဲ့ အာသီးကို ထိခိုက်ပွန်းပဲ့စေတာမျိုး ဖြစ်နိုင်ပါတယ်။ အထူးသဖြင့် ကလေးတွေဆိုရင်တော့ ပုလဲမပါဝင်တဲ့ ရိုးရိုးအအေးပဲ တိုက်တာ ပိုကောင်းပါတယ်။

တန်ဆေး၊ လွန်ဘေးကို မမေ့ဖို့။

ဘယ်အရာမဆို တန်ဆေး၊ လွန်ဘေးပါပဲ။ ကျန်းမာရေးအတွက် ကောင်းကျိုးရှိသည်ဖြစ်စေ၊ မရှိသည်ဖြစ်စေ Bubble Tea ကြိုက်တဲ့သူတွေကတော့ ဆက်ပြီး သောက်နေဦးမှာပါပဲ။ သောက်တာက ပြဿနာမရှိတဲ့တိုင်အောင် နေ့စဉ်ရက်ဆက် သောက်ရင်တော့ အဆင်မပြေပါဘူးနော်။ တစ်ရက်ကို တစ်ကြိမ်ထက် ပိုမသောက်ဖို့၊ နေ့တိုင်း မသောက်ဖို့ကိုတော့ သတိထားပေးပါ။

Bubble Tea မှာတဲ့အခါ အချိုလုံးဝမပါတာ ဒါမှမဟုတ် အချိုလျှော့တာ၊ သို့မဟုတ် သစ်သီးဖျော်ရည်ပုံစံမျိုးကို မှာယူတာက ကျန်းမာရေးအတွက် ပိုကောင်းနိုင်ပါတယ်။ ပုလဲပါမှ သောက်ရတာ အားရတဲ့သူတွေအနေနဲ့ အအေးထဲက ပုလဲကို မဝါးဘဲ မျိုချလိုက်မိတာမျိုး မဖြစ်စေအောင် သေချာဂရုစိုက်ပြီး သောက်သုံးပေးပါ။ Bubble Tea သောက်ပြီးတိုင်း ရေများများ သောက်ပေးပါ။

Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာ ကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲ နိဂုံးချုပ်လိုက်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

လူသိနည်းတဲ့ အိမ်မြှောင်တွေရဲ့ ကျန်းမာရေးအန္တရာယ်

အိမ်မြှောင် ကျန်းမာရေး ကလေး လူကြီး နေအိမ် အင်းဆက်ပိုးမွှား သစ်သီးဝလံ ရေချိုးခန်း ကြမ်းပြင် နံရံ မစင် အညစ်အကြေး Salmonella ပိုးသတ်ဆေး ခြင်ဆေး စားစရာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကိုယ့်ရဲ့ နေအိမ်ဝန်းကျင် သန့်ရှင်းသပ်ရပ်နေတဲ့အခါ…

နေအိမ် အိမ်သန့်ရှင်းရေး အမှိုက် ဖုန်တက် လေ့ကျင့်ခန်း အိပ်ရာ မီးဖိုချောင် အိမ်သာ ရေချိုးခန်း ရောဂါပိုးမွှား ကိုဗစ် ကပ်ဘေး ဖျားနာ စိတ်ဖိစီး ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ဗီတာမင်ဒီဟာ ကိုဗစ် ကာကွယ်ရေးမှာရော ကုသရေးမှာပါ ကောင်းကျိုးရှိတယ်လို့ လုံလောက်တဲ့ သက်သေပြချက် မရှိသေးပါဘူး။ ဒါကြောင့် ချိန်ဆပြီး သောက်ဖို့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 21, 2020 . 2 mins read

သွားတွေ ဘာကြောင့် ဝါသလဲ၊ သွားမဝါအောင် ဘယ်လိုလုပ်ကြမလဲ

မျက်နှာရဲ့ အလှအပကို ပေါ်လွင်စေမယ့် သွားတွေ ဝါကျင်ကျင်ဖြစ်နေတာကို မြင်ဖူးကြတယ်မဟုတ်လား။ သွားဝါတာမျိုးမဖြစ်အောင် ဘယ်လိုလုပ်ရမလဲဆိုတာကို ပြောပြသွားမှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

Gym ကစားခြင်းနှင့် လူသိမှားနေသေးသော ဂျင်းတချို့…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 2 mins read

အမျိုးသားများ ရင်သား နို့ထွက်နိုင်သလား…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read
အသက် ၅၀ ကျော်လာချိန်မှာ ဘယ်လို ကိုယ်အလေးချိန်လျှော့ချကြမလဲ

အသက် ၅၀ ကျော်လာချိန်မှာ ဘယ်လို ကိုယ်အလေးချိန်လျှော့ချကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read

စမတ်ဖုန်း အလွန်အကျွံသုံးစွဲခြင်းရဲ့ နောက်ဆက်တွဲပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 25, 2020 . 2 mins read