အစာအဆိပ်သင့်ခြင်းအတွက် အရေးပေါ်ပြုစုနည်း

ဘယ်လိုလက္ခဏာတွေ ဖြစ်လာမလဲ

အစားအစာမှာပါလာတဲ့ရောဂါပိုးကိုမူတည်ပြီး လက္ခဏာတွေက ကွာခြားတတ်ပါတယ်။ အများစုမှာတော့ ဒီလက္ခဏာတွေခံစားရတတ်ပါတယ် –

အစာအဆိပ်သင့်ရင် စားပြီး နာရီပိုင်းအတွင်း လက္ခဏာစတတ်တယ်၊ ရက်ပိုင်း ဒါမှမဟုတ် ရက်သီတင်းပတ်ကြာမှ လက္ခဏာပေါ်လာတာတောင်ရှိတတ်ပါတယ်။ အစာအဆိပ်သင့်တဲ့ဝေဒနာကိုခံစားရတာကလည်း နာရီပိုင်းကနေ ရက်သီတင်းပတ်နဲ့ချီပြီး ကြာမြင့်နိုင်ပါတယ်။

အစားအစာပြင်ဆင်တဲ့အခါ၊ ချက်ပြုတ်တဲ့အခါ ကူးစက်နိုင်တဲ့ရောဂါပိုးမွှားတွေကပ်ငြိပါလာနိုင်ပါတယ်။ သန့်ရှင်းမှုမရှိတာ၊ မကျက်တကျက်ချက်ပြုတ်ထားတာ ဒါမှမဟုတ် မလတ်ဆတ်တာတွေက အစာအဆိပ်သင့်စေတဲ့ပိုးတွေကို ခန္ဓါကိုယ်ထဲ ဖိတ်ခေါ်နေပါတယ်။

နောက်ဆက်တွဲဖြစ်လာနိုင်တဲ့အရာ

ဒါဆို အစာအဆိပ်သင့်တဲ့လက္ခဏာ ကိုယ့်မှာ သို့မဟုတ် တခြားသူမှာဖြစ်လာခဲ့ရင်

• မအီမသာ၊ ပျို့အန်ခြင်းကို အရင်သက်သာအောင်လုပ်ပါ။

ဒါပေမယ့် ၃ ရက်အတွင်းမသက်သာလာခဲ့ရင် ဒါမှမဟုတ် အောက်ပါလက္ခဏာတွေဖြစ်လာရင်

• ဗိုက်အရမ်းအောင့်တာ
• အဖျားတက်တာ
• ဝမ်းသွားတဲ့အထဲသွေးပါတာ၊ ဝမ်းအမည်းတွေသွားတာ
• ဆက်တိုက် အန်နေတာ၊သွေးပါလာတာ
• ရေဓါတ်ခန်းခြောက်မှုလက္ခဏာတွေရှိလာတာ (အာခေါင်ခြောက်ခြင်း၊ ဆီးနည်းခြင်း၊ခေါင်းမူးခြင်း၊မောပန်းအားကုန်ခြင်း၊ အသက်ရှူမြန်၊ နှလုံးခုန်မြန်ခြင်း)
• အမြင်အာရုံမှုန်ဝါးလာတာ၊ ကြွက်သားအားနည်းလာတာ၊ လက်မောင်းမှာ ထုံကျဉ်လာတာလိုမျိုး အာရုံကြောပြဿနာတွြေဖစ်လာပြီဆို ဆရာဝန်အမြန်ဆုံးပြပါ။

ဒီအချက်တွေက ယေဘုယျအနေနဲ့ အကြံပြုထားတာတွေဖြစ်လို့ အစာအဆိပ်သင့်လက္ခဏာတွေရှိနေရင်ပြင်းထန်နေပြီ၊ ခံစားရမသက်သာဘူးဆိုဆေးရုံဆေးခန်းအရင်သွားပြီး စစ်ဆေးကုသမှုခံယူတာစိတ်အချရဆုံးပါပဲ။ အစာဆိပ်သင့်မှုရဲ့ပြင်းထန်မှုအတိမ်အနက်ကို မူတည်ပြီးမှ အန္တရာယ်ရှိမရှိ ကို သိနိုင်မှာမို့ မပေါ့ဆကြပါနဲ့။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။