backup og meta

အဖြစ်များသောအရေးပေါ်အခြေအနေများ(၁)

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 15/07/2022 တွင် အသစ်ဖြည့်စွက်ခဲ့သည်။

    အဖြစ်များသောအရေးပေါ်အခြေအနေများ(၁)

    ဖြစ်နိုင်သောအခြေအနေများ

    • နေပူထဲပြင်းထန်စွာ အလုပ်လုပ်ခြင်း။
    • ရေလုံလောက်စွာ မသောက်ဘဲ အလုပ်များများလုပ်ခြင်း။
    • ပူပြင်းသောပတ်ဝန်းကျင်တွင် လေ့ကျင့်ခန်းပြင်းထန်စွာ လုပ်ခြင်း။

    လက္ခဏာ

    • အလွန်အမင်းချွေးထွက်ခြင်း
    • အသားအရေဖြူဖပ်ဖြူရော်ဖြစ်ခြင်း
    • ရေငတ်ခြင်း၊ မောပန်းလွယ်ခြင်း
    • အသားအရေ စိုစွတ်အေးစက်ခြင်း
    • ပျို့အန်ခြင်း
    • ခေါင်းကိုက်ခြင်း၊ တခါတရံဝမ်းလျှောခြင်း
    • သွေးခုန်နှုန်းမြန်၍ အားနည်းခြင်း
    • သာမန်အပူချိန်ရှိခြင်း (သို့) သာမန်အပူချိန်ထက် အနည်းငယ်မျှသာတတ်နိုင်ခြင်း
    • ခန္ဓာကိုယ်မှ ရေနှင့်ဆားဓာတ်များ ဆုံးရှုံးခြင်း။

    ပြုစုခြင်း

    • ရေပတ်တိုက်ခြင်းဖြင့် အပူချိန်ကိုချပါ။
    • ရေအေးများများတိုက်ပါ။ (ဓာတ်ဆားဖျော်ရည်၊ အားဖြည့်အချိုရည်တိုက်ပါ။)
    • လူနာကို လေကောင်းလေသန့်ရသော အရိပ်ထဲတွင်ထားပါ။
    • လိုအပ်ပါက လူနာကို ဆေးရုံ၊ ဆေးခန်းသို့ပို့ပါ။

    အပူရှပ်ခြင်း

    လက္ခဏာ

    • အသားအရေနီမြန်းပြီး အလွန်အမင်းပူကာ ခြောက်သွေ့ခြင်း။
    • ချွေးမထွက်ခြင်း။
    • အဖျားကြီးခြင်း။ (ကိုယ်အပူချိန်အမြင့်ဆုံး ရောက်နိုင်သည်)
    • တခါတရံ သတိလစ်ခြင်း။

    ပြုစုခြင်း

    • လေကောင်းလေသန့်ရသော အခန်းတွင်း (သို့မဟုတ်) အရိပ်ရသောနေရာတွင် သက်တောင့် သက်သာ လဲလျောင်းထားပြီး ခြေထောက်ပိုင်းမြှင့်ပါ။
    • ရေအေး၊ ဓာတ်ဆားရည်တိုက်ပါ၊ ဆားခဲမပေးရပါ။
    • ထူထဲသောအဝတ်များကို ဖယ်ရှားပေးပါ။
    • ရေအေးပတ်တိုက်ပြုစုပြီး၊ ပန်ကာလေ (သို့) ယပ်ခပ်ပေးပါ။
    • မိနစ် ၃၀ အတွင်း လူနာအခြေအနေ တိုးတက်မှုမရှိပါက ရေဆွတ်ထားသော မျက်နှာသုတ်ပုဝါနှင့် ဖုံးအုပ်၍ ဆေးရုံ၊ ဆေးခန်းသို့ပို့ပါ။

    ကာကွယ်ရန်                                              

    • နေပူထဲထွက်လျှင် ထီး၊ ဦးထုပ်ဆောင်းပါ။
    • ချွေးအလွန်အမင်းထွက်ပါက ဓာတ်ဆားရည်သောက်ပါ။
    • နေပူထဲတွင် ပြင်းထန်စွာ အလုပ်လုပ်ခြင်းမှ ရှောင်ပါ။
    • အိုက်သောရာသီတွင် အရိပ်ရ၍ လေကောင်းလေသန့်ရသောနေရာတွင် နေပါ။
    • ရေအေးနှင့် ရေချိုးပါ။ ပါးလွှာချောင်ချိသော အဝတ်အစားဝတ်ဆင်ပါ။
    • နေပူထဲတွင် ပြင်းထန်စွာ အားကစားမလုပ်ရ။
    • ပူအိုက်သောရာသီတွင် အရက်၊ ဘီယာ၊ ဝိုင်မသောက်ရ။
    • ဆားခဲများမပေးရ။

    ဖြစ်စေတတ်သောအကြောင်းအရင်းများ

    • ငှက်ဖျား၊ တိုက်ဖွိုက်နှင့် အခြားအပူကြီးရောဂါများကြောင့်ဖြစ်နိုင်သည်။

    ပြုစုနည်း

    • လေကောင်းလေသန့်ရအောင် အခန်းတံခါးများ ဖွင့်ထားပါ။
    • ထူထဲသောစောင်များ ခြုံထားခြင်း၊ ထူထဲသောအဝတ်များဝတ်ခြင်းမှရှောင်ပါ။
    • အဖျားအပူရှိန်တက်ခြင်းကြောင့် ဖြစ်စေသောအကြောင်းရင်းကို စီစစ်ပါ။
    • ရေ (သို့) ရေခဲရေကို နဖူးပေါ်ကပ်ပေးပါ။ အပူပြင်းပါက တကိုယ်လုံးကို တိုက်ပေးပါ။
    • အပူကြီးသောသူသည် ရေငတ်၍ အာခြောက်သဖြင့် ရေများများတိုက်ပါ။ နို့စို့ကလေး ဖြစ်ပါက မိခင်နို့ များများတိုက်ပါ။
    • ဆေးရုံပို့ပါ။

    ရုတ်တရက် ကိုယ်အရေပြားယားယံခြင်းနှင့် အဖုအပိမ့်ပေါက်ခြင်း

    ဖြစ်စေသောအကြောင်းအရင်းများ –    

    • ထိုးဆေး၊ လူးဆေး၊ လိမ်းဆေး၊ သောက်ဆေး၊ ဆံပင်ဆိုးဆေး စသည်များ မတည့်သည့်အခါတွင် ဖြစ်တတ်ခြင်း။
    • မိမိနှင့်မတည့်သော ပန်းဝတ်မှုန်၊ ဖုန်၊ ဓာတုဗေဒအငွေ့စသည်တို့ ရှူရှိုက်မိခြင်းတို့ကြောင့် ရုတ်တရက် ယားယံခြင်း၊ အဖုအပိမ့်များပေါက်ခြင်း၊

    လက္ခဏာများ                            

    • မျက်လုံးများနီရဲ၍ မျက်ရည်ယိုထွက်ခြင်း၊
    • နှာရည်ယိုခြင်း၊
    • အချိန်မီဆေးစောင့်ရှောက်မှု မပေးနိုင်ပါက အသက်ရှူကျပ်ခြင်း၊
    • ချောင်းဆိုးခြင်း၊ အော့အန်ခြင်း၊
    • မူးမေ့ခြင်း အထိအခြေအနေဆိုးဝါးလာနိုင်ပါသည်။

    ပြုစုခြင်း

    • ယားယံခြင်းသက်သာစေသည့် ဆေးများ၊ ထိုးဆေး၊ လူးဆေး၊ လိမ်းဆေး၊ သောက်ဆေး စသည်တို့ကို တိကျစွာ စုံစမ်းပြီးပြုစုပါ။
    • လူနာကို အားပေးပါ။
    • ဆရာဝန်ထံရောက်သည့်အခါတွင် ရောဂါလက္ခဏာကို ပီပြင်စွာလေ့လာနိုင်စေရန် မလိုအပ်သော လိမ်းဆေးများ လိမ်းကျံခြင်း မပြုလုပ်ရ။
    • ဆေးရုံသို့ အမြန်ပို့ပါ။

    ရေးသားသူ-ဒေါက်တာမှူးခင်

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Aye Thi Mon


    Aye Thi Mon မှ ရေးသားသည်။ · 15/07/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement