ဆီးချိုဟာမျက်စိကိုအန္တရာယ်ပေးပါတယ်။ သူဟာမျက်စိရဲ့နောက်ပိုင်းမှာရှိတဲ့ အတွင်းမြင်လွှာ (retina)ကသွေးကြောငယ်လေးတွေကိုထိခိုက်စေပြီးဒီလိုဖြစ်ခြင်းကိုဆီးချိုကြောင့် အမြင်လွှာပျက်စီးခြင်းလို့ ခေါ်ပါတယ်။
ဆီးချိုကြောင့် အမြင်လွှာပျက်စီးခြင်းဆိုတာဆီးချိုရောဂါကြောင့် မျက်စိအတွင်းမြင်လွှာမှာဖြစ်တဲ့ ပြသနာအားလုံးကို ခြုံငုံခေါ်ဆိုတာ ဖြစ်ပါတယ်။ သိပ်ပြီးမမြန်ဆန်ဘူးဆိုရင် မျက်လုံးနောက်ပိုင်းကသွေးကြောငယ်လေးတွဟာ ကြီးလာပြီးအိတ်ကလေးတွေလိုဖောင်းလာပါတယ်။ အဲဒီကနေတဆင့် ရောင်ပြီးသွေးထွက်တာ ဖြစ်နိုင်ပါတယ်။ နောက်ပိုင်းမှာလျင်မြန်စွာ ကြီးထွားလာတတ်ပါတယ်။ ဒီလိုဖြစ်ခြင်းကြောင့် မျက်စိအတွင်းမြင်လွှာကသွေးကြောတွေပျက်စီးပြီးသွေးကြောသစ်တွေ ဖြစ်ပေါ်လာပါတယ်။ သွေးကြောသစ်တွေဟာအားပျော့ပြီးသွေးထွက်တတ်ပါတယ်။
ဆီးချိုကြောင့် မျက်စိအမြင်လွှာထိခိုက်ခြင်းဟာအသက် ၂၀ မှ ၇၄ နှစ်အရွယ်အတွင်းဆီးချိုဝေဒနာသည်တွေ မျက်စိကွယ်ရခြင်းရဲ့ အဓိကအကြောင်းရင်းတရပ် ဖြစ်ပါတယ်။ ဒီအခြေအနေဟာဆီးချိုအမျိုးအစား (၁) ရော (၂) မှာပါဖြစ်နိုင်ပါတယ်။ ဆီးချိုဖြစ်တာအချိန်ကြာလာလေလေသွေးတွင်းသကြားဓါတ်ကိုမထိန်းချုပ်နိုင်လေလေ၊ မျက်စိရောဂါဖြစ်လာနိုင်လေလေ ဖြစ်ပါတယ်။ ဆီးချိုရောဂါသည်ရဲ့ ၄၀ မှ ၄၅ ရာခိုင်နှုန်းလောက်မှာအမြင်လွှာပျက်စီးခြင်းဟာအတိုင်းအတာတခုအထိရှိပါတယ်။
ဖြစ်ခါစမှာတော့ လက္ခဏာတွေ မရှိနိုင်ပါဘူး။ အခြေအနေတဖြည်းဖြည်းဆိုးလာရင်တော့ အောက်ပါလက္ခဏာတွေ ပါဝင်လာပါတယ်။
ဆီးချီုကြောင့် အမြင်လွှာထိခိုက်ခြင်းဟာမျက်စိနှစ်ဖက်လုံးကိုထိခိုက်စေပါတယ်။
သင့်အနေနဲ့ အောက်ပါလက္ခဏာတွေ ကြုံလာရရင် (သို့) ပိုဆိုးလာရင် ဆရာဝန်ပြသင့်ပါတယ်။
သင့်ရဲ့သွေးထဲမှာသကြားဓါတ်များလာတာအချိန်ကြာလာတဲ့အမျှ အမြင်လွှာကိုထောက်ပံ့ပေးနေတဲ့ သွေးကြောငယ်လေးတွေကိုပိတ်ဆို့စေပြီးသွေးရာက်ရှိမှုကို ဖြတ်လောက်လိုက်ပါတယ်။ ရလာဒ်အနေနဲ့ကတော့ မျက်လုံးဟာသွေးကြောအသစ်တွေ ပေါ်ထွက်လာဖို့ ကြိုးစားရပါတယ်။ ဒါပေမယ့် အဲဒီသွေးကြောအသစ်တွေဟာကောင်းစွာမဖွံ့ဖြိုးဘဲပေါက်ပြဲလွယ်ပါတယ်။
ဆီးချိုကြောင့် အမြင်လွှာထိခိုက်ခြင်း (၂) မျိုးရှိပါတယ်။
ဖြစ်ပွားမှုမမြန်သောအမြင်လွှာပျက်စီးခြင်း(Non-proliferative Diabetic retinopathy)
ပိုအဖြစ်များတဲ့ ဒီအမျိုးအစားမှာသွေးကြောသစ်တွေဟာ ကြီးထွားတာနှေးပါတယ်။ ဒီပြဿနာကိုသင်ကြုံပြီဆိုရင် သင့်ရဲ့အမြင်လွှာကသွေးကြောလေးတွေနံရံဟာအားနည်းလာတတ်ပါတယ်။ ဒီသွေးကြောလေးတွေရဲ့ နံရံကနေအိတ်ကလေးတွေ ဖောင်းထွက်လာပြီးတခါတရံပေါက်ပြဲတဲ့အခါ အမြင်လွှာထဲကိုအရည်နဲ့ သွေးတွေ ဝင်ရောက်သွားတတ်ပါတယ်။ အမြင်လွှာရဲ့ ပိုကြီးတဲ့ သွေးကြောတွေဟာလည်းကျယ်ပြန့်လာပြီးသွေးကြောလုံးပတ်ဟာမညီမညာ ဖြစ်လာပါတယ်။ သွေးကြောတွေ ပိုပြီးပိတ်တာများလာရင်တော့ အမြင်လွှာပျက်စီးမှုဟာသိပ်မပြင်းထန်တဲ့ အခြေအနေကနေဆိုးရွားသွားတတ်ပါတယ်။
အမြင်လွှာထဲကအာရုံကြောတွေဟာလည်းဖောင်းလာပါတယ်။ တစ်ခါတရံအမြင်လွှာအလယ်ပိုင်းနေရာဟာရောင်လာတတ်ပြီးအဲဒီအခြေအနေဟာကုသဖို့ လိုအပ်ပါတယ်။
ဖြစ်ပွားမှုမြန်သောအမြင်လွှာပျက်စီးခြင်း(Proliferative Diabeteti)
အမြင်လွှာပျက်စီးခြင်းဟာဆိုးရွားတဲ့ ဒီအခြေအနေထိရောက်လာတတ်ပါတယ်။ ဒီအမျိုးအစားမှာပျက်စီးသွားတဲ့ သွေးကြောတွေဟာပိတ်ဆို့သွားပြီးပုံမှန်မဟုတ်တဲ့ သွေးကြောအသစ်တွေ ဖြစ်လာစေပါတယ်။ ဒီသွေးကြောတွေပေါက်သွားရင် မျက်လုံးအလယ်ပိုင်းကအရည်ကြည်တွေထဲစိမ့်ဝင်သွားနိုင်ပါတယ်။
တဖြည်းဖြည်းချင်းသွေးကြောအသစ်တွေ ကြီးထွားလာခြင်းကြောင့် အမာရွတ်ဖြစ်နေတဲ့ တစ်သျှူးစလေးတွေဟာအမြင်လွှာကိုမျက်လုံးအိမ်နောက်ပိုင်းမှာကွာကျလာစေပါတယ်။ သွေးကြောအသစ်များဟာမျက်လုံးအတွင်းကပုံမှန်အရည်စီးဆင်းမှုကိုဝင်ရောက်နှောင့်ယှက်တဲ့အခါ မျက်လုံးအိမ်အတွင်းဖိအားမြင့်တက်လာစေပါတယ်။ ဒီလိုဖြစ်ခြင်းဟာမျက်လုံးကနေဦးနှောက်ကိုပုံရိပ်တွေ ပို့ပေးနေတဲ့ အမြင်အာရုံကြောကိုပျက်စီးစေပြီးရေတိမ်ရောဂါ ဖြစ်ပေါ်စေပါတယ်။
မျက်လုံးအိမ်ကိုအကျယ်ချဲ့စစ်ဆေးခြင်းဖြင့် အကောင်းဆုံးအတည်ပြုနိုင်ပါတယ်။ ဒီလိုစစ်ဆေးဖို့အတွက် သူငယ်အိမ်ကျယ်လာစေတဲ့ မျက်စဉ်းခပ်ပြီးနောက်မျက်လုံးအတွင်းပိုင်းကိုကောင်းကောင်းမြင်ရတဲ့အခါ စမ်းသပ်စစ်ဆေးပါတယ်။ ဒီမျက်စဉ်းကြောင့် စမ်းသပ်ပြီးနာရီအတော်ကြာတဲ့အထိသင့်အမြင်အာရုံ ေဝဝါးနေတတ်ပါတယ်။
ဒါ့အပြင် သင်ရဲ့မျက်စိဆရာဝန်ဟာ-
ဒီစစ်ဆေးမှုဟာသင့်အနေနဲ့ ပုံမှန်မျက်လုံးပြနေကျ၊ မျက်မှန်အသစ်လဲနေကျ ပုံစံတွေနဲ့တော့ မတူနိုင်ပါဘူး။ သင့်မှာအမြင်အာရုံအပြောင်းအလဲရှိပြီး ဆရာဝန်သွားပြမယ်ဆိုရင် ဆီးချိုရှိနေကြောင်းပြောပြဖို့လိုအပ်ပါတယ်။
သင်ဖြစ်တာစောသေးရင်တော့ ကုသဖို့မလိုပါဘူး။ ဒါပေမယ့် ဆရာဝန်ဟာ သင့်မျက်လုံးအခြေအနေကိုအသေးစိတ်စောင့်ကြည့်ပါလိမ့်မယ်။
သင့်မျက်စိဆရာဝန်ဟာ သင့်အမြင်လွှာပိုင်းမှာသွေးကြောသစ်တွေ ပေါ်လာတာတွေ့ရင်၊ အမြင်လွှာအလယ်ပိုင်းမှာရောင်လာရင် သင့်အနေနဲ့ မျက်စိခွဲစိတ်မှု ခံယူဖို့လိုအပ်နေပါပြီ။ မျက်စိခွဲစိတ်ကုသခြင်းဟာအမြင်လွှာပျက်စီးခြင်းအတွက် အဓိကကုသမှုပါပဲ။
လေဆာရောင်ခြည်နဲ့ မျက်စိခွဲစိတ်ခြင်းဟာအမြင်လွှာအတွင်းမှာ ဖြစ်ပေါ်နေတဲ့ ပုံမှန်မဟုတ်တဲ့ သွေးကြောတွေကိုလောင်ကျွမ်းပစ်ပါတယ်။ ဒီဖြစ်ရပ်ကိုအလင်းပေး၍ခဲခြင်းလို့ ခေါ်ပါတယ်။ ဒီနည်းနဲ့ သွေးကြောတွေပေါက်ပြဲခြင်းကိုကာကွယ်ပါတယ်။ ပုံမှန်မဟုတ်တဲ့ သွေးကြောတွေကို ကျုံ့သွားစေပါတယ်။
မျက်လုံးအိမ်ထဲကိုသွေးယိုမယ်ဆိုရင်တော့ vitrectomyလို့ခေါ်တဲ့ ခွဲစိတ်မှု လိုအပ်ပါတယ်။ အမြင်လွှာကွာကျခြင်းကိုလည်း ပြန်လည်ပြုပြင်ဖို့ လိုပါတယ်။
ဆရာဝန်ဟာ ပုံမှန်မဟုတ်တဲ့သွေးကြောတွေ ကြီးထွားမလာအောင် မျက်လုံးအိမ်ထဲကိုဆေးထိုးနိုင်ပါတယ်။
အမြင်အာရုံကိုဘယ်လိုကာကွယ်ရမယ်ဆိုတဲ့ မျက်စိဆရာဝန်ရဲ့ အကြံပြုချက်ကိုလိုက်နာဖို့လိုပါတယ်။ မျက်စိစစ်ဆေးခြင်းကိုညွှန်တဲ့အချိန်အတိုင်းစစ်ဆေးမှုခံယူဖို့ လိုပါတယ်။ ၁နှစ်တခါ ၂နှစ်၁ခါလောက်တော့ စစ်ဆေးရတတ်ပါတယ်။
သင့်မှာဆီးချီုရှိပြီးသကြားဓါတ်အရမ်းများနေမယ်ဆိုရင် ဆရာဝန်ဟာ ဆေးအသစ်တွေပေးပြီးသကြားဓါတ်ကိုကျဆင်းစေပါလိမ့်မယ်။ တကယ်လို့ အမြင်လွှာပျက်စီးတာပါရှိရင် သကြားဓါတ်မြင့်မားစေဖို့ ဆေးများသောက်သုံးခြင်းကြောင့် အမြင်အာရုံပျက်စီးခြင်းဟာတခဏအတွင်းဆိုးရွားလာနိုင်ပါတယ်။
သင့်ရဲ့ ဆီးချိုရောဂါကုသခြင်းဟာအမြင်လွှာပျက်စီးခြင်းနဲ့ တခြားမျက်လုံးပြသနာတွေကိုအဖြစ်နှေးစေပါတယ်။ သင့်ရဲ့သွေးတွင်းသကြားဓါတ်ကိုအောက်ပါနည်းတွေနဲ့ ထိန်းသိမ်းနိုင်ပါတယ်။
ကုသခြင်းများဟာအမြင်အာရုံပျက်စီးခြင်းကိုလျှော့ချပေးပါတယ်။ သူတို့ဟာဆီးချိုကြောင့် အမြင်လွှာပျက်စီးခြင်းနဲ့ ပျက်စီးသွားပြီးသားအရာတွေကိုတော့ မကုပေးနိုင်တော့ပါဘူး။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။