ထောပတ်သီးမှာ ကျန်းမာရေးအတွက် အထောက်အကူပြုတဲ့ အဆီဓာတ်တွေ ပါဝင်ပါတယ်။ အဆိုပါအဆီဓာတ်များဟာ အသားအရေရဲ့ စိုပြည်မှုကို ထိန်းသိမ်းပေးပါတယ်။ ဒါ့အပြင် ထောပတ်သီးမှာပါဝင်တဲ့ ဓာတ်ပစ္စည်းများဟာ နေရောင်ခြည်ထိတွေ့မှုများလို့ ဖြစ်တတ်တဲ့ အသားအရေပျက်စီးမှုကို သက်သာစေပါတယ်။ ဗီတာမင် E လည်း ပါဝင်တာမို့ အရေပြားကျန်းမာရေးကို အထောက်အကူဖြစ်စေပါတယ်။
သစ်ကြားသီးမှာ လူ့ကိုယ်ခန္ဓာကနေ မထုတ်လုပ်နိုင်တဲ့အဆီဓာတ်တွေ ပါဝင်ပါတယ်။ အဆိုပါ အဆီဓာတ်များဟာ အရေပြားကို တင်းရင်းလှပဖို့ အထောက်အကူပြုပါတယ်။ အထူးသဖြင့် Omega 3 ပါဝင်ပါတယ်။
ဒါ့အပြင် သစ်ကြားသီး တစ်အောင်စမှာ ဇင့်ဓာတ် တစ်နေ့တာလိုအပ်ချက်ရဲ့ ၈ ရာခိုင်နှုန်း ပါဝင်ပါတယ်။ အရေပြားကျန်းမာရေးကို ကောင်းစေတဲ့ ဗီတာမင် E နဲ့ ဆီလီနီယံလည်း ပါဝင်ပါသေးတယ်။
အခွံမာသီးများ၊ အစေ့အဆန်များမှာ အရေပြားအတွက် အကျိုးပြုတဲ့ အာဟာရဓာတ်တွေ ပါဝင်ပါတယ်။ အထူးသဖြင့် နေကြာစေ့မှာ ဖြစ်ပါတယ်။ နေကြာစေ့တစ်အောင်စမှာ ဗီတာမင် E တစ်နေ့တာလိုအပ်ချက်ရဲ့ ၄၉ ရာခိုင်နှုန်း၊ ဆီလီနီယံ တစ်နေ့တာလိုအပ်ချက်ရဲ့ ၄၁ ရာခိုင်နှုန်း၊ ဇင့်ဓာတ် တစ်နေ့တာလိုအပ်ချက်ရဲ့ ၁၄ ရာခိုင်နှုန်း စသဖြင့် အသီးသီးပါဝင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။