မျက်နှာပေါ်က အဆီဖုတွေကြောင့် စိတ်ညစ်နေရလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020
Share now

မျက်နှာမှာ ဝက်ခြံ၊ တင်းတိပ်၊ ဆားဝက်ခြံနဲ့ အရေးအကြောင်းတွေ ရှိတတ်ကြပါတယ်။ ဒါ့အပြင် အဆီဖုတွေလည်း ရှိနေတတ်ပါတယ်။ ဆားဝက်ခြံနဲ့ ဝက်ခြံတွေက ညှစ်ထုတ်ပစ်လိုက်လို့ ရပေမယ့် အဆီဖုတွေက ညှစ်ဖို့အတွက်လည်း ခက်ခဲပါတယ်။ အဆီဖုလေးတွေဟာ နဖူး၊ မျက်လုံးအောက်ဘက်နဲ့မေးစေ့တွေမှာ အဖြစ်များပါတယ်။ အဆီဖုလေးတွေဟာ ပုံမှန်အားဖြင့်တော့ယောင်ရမ်းတာတွေ၊ ယားယံတာတွေမရှိပါဘူး။ အဆီဖုလေးတွေရှိနေတာကြောင့် မျက်နှာချောချောမွေ့မွေ့ မဖြစ်လို့ စိတ်ညစ်နေရတယ်ဆိုရင်တော့ဖြစ်ရတဲ့အကြောင်းရင်း၊ ဘယ်လိုကုသမလဲဆိုတဲ့ နည်းလမ်းလေးတွေ လိုလာပါပြီ။

အဆီဖုဖြစ်ပွားရတဲ့ အကြောင်းအရင်း

အဆီဖုက လူတိုင်းနီးပါးတော့ မဖြစ်ကြပါဘူး။နေရောင်ခြည်ဒဏ်အထိများခြင်း၊ ပိုးမွှားဝင်ရောက်ခြင်း၊ မိတ်ကပ်မဖျက်ဘဲ ညအိပ်ရာဝင်ခြင်းတွေကြောင့် အဖြစ်များပါတယ်။နောက်ထပ်အကြောင်းရင်းကတော့ မျိုးရိုးကြောင့်ပါ။

အဆီဖု အမျိုးအစား

(၁) မျက်စိအောက်ဘက်မှာ ထွက်တတ်တဲ့ အဆီဖု အမျိုးအစားကတော့ အသက်အရွယ်ကြီးရင့်လာတာနဲ့အမျှဖြစ်နိုင်ချေ များပါတယ်။ မျက်စိအောက်ဘက်မှာပေါက်တဲ့ အဆီဖုတွေကတော့ ပရိုတင်းဓါတ်လိုတာကြောင့်ဖြစ်နိုင်ပါတယ်။ အကယ်လို့ မျက်လုံးတဝိုက်မှာ အဆီဓါတ်များနေမယ်ဆိုရင်လည်း အဆီဖုတွေဖြစ်နိုင်ပါတယ်။ မျက်လုံးနားတဝိုက်က အဆီဖုတွေဟာ လွယ်လွယ်လည်း မပေါက်နိုင်သလို လွယ်လွယ်နဲ့လည်း မပျောက်ကင်းနိုင်ပါဘူး။

(၂) မေးစေ့အောက်ဘက်မှာ ထွက်တဲ့အဆီဖုအမျိုးအစားကတော့ ထိပ်ဘက်မှာ အဖြူအဆံလိုမျိုးလေး ရှိနေတတ်ပါတယ်။ မျက်နှာပေါ်မှာချွေးပေါက်တွေ ပိတ်နေခြင်း၊ ဘက်တီးရီးယားတွေ ရှိနေခြင်းကြောင့်ဖြစ်နိုင်ပြီး နဖူးနဲ့မေးရိုးတစ်လျှောက်မှာလည်းပေါက်နိုင်ပါတယ်။

(၃) ပါးပေါ်မှာပေါက်တဲ့ အဆီဖုတွေကတော့ မျက်နှာပေါ်က အမွှေးအမျှင်တွေကို ဖယ်ရှားတဲ့အခါမှာသေချာ သန့်ရှင်းအောင် မပြုလုပ်တာကြောင့်ပါ။ ဒီလိုမျိုး မသန့်ရှင်းခြင်းနဲ့ နည်းလမ်းမှန်မှန် အမွှေးအမျှင်တွေကို မဖယ်ရှားတာက ယားယံခြင်းကိုဖြစ်စေပြီးနောက်ဆက်တွဲအနေနဲ့ အဆီဖုအဖြစ်ပြောင်းလဲသွားတာပါ။

ကာကွယ်ရမယ့် နည်းလမ်းများ

  • မျက်နှာကို အပျော့စားဆပ်ပြာနဲ့ တစ်နေ့နှစ်ကြိမ် သစ်ပါ။
  • ညအိပ်ရာဝင်တဲ့အခါမှာ မိတ်ကပ်တွေ ဖျက်ပါ။
  • ရေများများသောက်ပါ
  • မိတ်ကပ်လိမ်းတဲ့အခါမှာ အဆီများတဲ့ မိတ်ကပ်မလိမ်းဘဲနဲ့ရေဓါတ်များများ ပါတဲ့ မိတ်ကပ်ကိုသာရွေးချယ်ပါ။
  • ဆေးလိပ်သောက်ခြင်းရှောင်ကြဉ်ပါ
  • အသီးအရွက်၊ အသားငါး မျှတအောင် စားသုံးပါ။

ကုသရန်နည်းလမ်းကောင်းများ

ပျားရည်

ပျားရည်မှာ ပါဝင်တဲ့ အမိုင်နိုအက်ဆစ်ဟာ အစိုဓါတ်ကို ထိန်းသိမ်းပေးတဲ့အပြင် အရေပြားခြောက်သွေ့ခြင်းကနေလည်း ကာကွယ်ပေးပါသေးတယ်။ အဆီဖုတွေကို သက်သာစေတဲ့ သဘာဝပစ္စည်းပါ။ ပျားရည်ကို ဘာနဲ့မှ မရောဘဲ အဆီဖုလေးတွေအပေါ်မှာ လိမ်းထားပေးတာမျိုး လုပ်နိုင်ပါတယ်။ မိနစ်(၂၀)လောက် ထားပြီးမှရေဆေးချပါ။ တစ်ပတ်ကို (၄) ကြိမ်လောက် လုပ်ပေးတယ်ဆိုရင် သိသိသာသာလေးကောင်းမွန်လာမှာပါ။

မုန့်ဖုတ်ဆိုဒါ

မုန့်ဖုတ်ဆိုဒါကလည်း အဆီဖုတွေကို သက်သာစေပါတယ်။ မုန့်ဖုတ်ဆိုဒါကိုရေနည်းနည်းလေးနဲ့ရောပြီး ခပ်ပျစ်ပျစ်အနေအထားဖျော်လိုက်ပါ။နောက်တော့ အဆီဖုထွက်တဲ့နေရာတွေမှာ လိမ်းပါ။နောက်မှရေနွေးနွေးလေးနဲ့ မျက်နှာသစ်ပါ။ တစ်ပတ်ကို (၂) ကြိမ်လောက် လုပ်ရုံနဲ့ သက်သာလာမှာပါ။

သံပရာသီး

သံပရာသီးမှာ ပါဝင်တဲ့ citric acid ကချွေးပေါက်တွေ၊ ပိုလျှံတဲ့အဆီနဲ့ ဆဲလ်သေတွေကို ဖယ်ရှားပေးနိုင်ပါတယ်။ ဒါကြောင့် အဆီဖုတွေ ထပ်မထွက်အောင် ကာကွယ်ပေးနိုင်ပါတယ်။ သံပရာရည်ကို ဂွမ်းစလေးထဲကို ညှစ်ပြီး အဆီဖုရှိတဲ့နေရာတွေမှာ တို့ထိပေးပါ။ မိနစ်(၂၀)လောက်ကြာအောင် ထားပြီးပြီဆိုမှရေနွေးလေးနဲ့ မျက်နှာသစ်လိုက်ပါ။ တစ်ပတ်ကို တစ်ကြိမ်လောက် လုပ်ပေးမယ်ဆိုရင် လုံလောက်ပါပြီ။

မျက်နှာမှာ အဆီဖုတွေ ရှိနေတာကြောင့် စိတ်ညစ်နေရတယ်ဆိုရင်တော့ ကြိုတင်ကာကွယ်တဲ့ နည်းလမ်းနဲ့ ကုသလို့ရမယ့် အိမ်တွင်းနည်းလမ်းလေးတွေကို လိုက်နာကြည့်ဖို့ အကြံပြုလိုက်ပါတယ်နော်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

သံပုရာသီးကပေးတဲ့ ကျန်းမာရေး

မုန့်ဟင်းခါး အာဟာရဓာတ် သံပုရာသီး ဗီတာမင် B6 မဂ္ဂနီဆီယမ် ကျန်းမာရေး ဓာတ်တိုးဆန့်ကျင်အာနိသင် နာတာရှည်ရောဂါ ဓာတ်တိုးပစ္စည်းတွေ ရောင်ရမ်းမှု ကော်လာဂျင် အသားအရေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

အဆီဖု၊အဆီခဲတွေကို လျော့နည်းသက်သာအောင် ဘယ်လို ပြုလုပ်ကြမလဲ။

အရေပြား ချွေးပေါက်တွေ ရေနွေးငွေ့ နေလောင်ကာခရင်မ်   ဗီတာမင်အေ Peeling Rose water ပျားရည် ညင်သာစွာချေးချွတ်ပါ ညှစ်တာ ဝက်ခြံ အသားအရေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

သဘာဝအလျောက် အစာခြေအင်ဇိုင်းပါဝင်သော အသီးအနှံများ

အစားအစာတွေ အာဟာရဓာတ် အူလမ်းကြောင်း အစာခြေအင်ဇိုင်း နာနတ်သီး ထောပတ်သီး ဂျင်း ကီဝီသီး ငှက်ပျောသီး ပျားရည် သရက်သီး သင်္ဘောသီး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

အမျိုးသား တွေရဲ့ မျက်နှာအဆီပြန်ခြင်း ပြဿနာ ဒီလိုဖြေရှင်းပါ

အမျိုးသား အမျိုးသားအသားအရေ အလှအပ အဆီပြန်ခြင်း မျက်နှာအသားအရေ အမျိုးသားကျန်းမာရေး အရေပြား ချွေးပေါက်ကျယ်ခြင်း အသားအရေထိန်းသိမ်းခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

မေးစေ့ အောက်က အဆီ ဘယ်လို ကျအောင် လုပ်ရမလဲ

မေးစေ့ အောက်က အဆီ ဘယ်လို ကျအောင် လုပ်ရမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မေ 27, 2020

ခြေထောက်ပေါ်က သဲကြိုးရာ ဒီလိုဖျောက်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 21, 2020
လေဒီလေးတို့ သိထားသင့်တဲ့ Baking Soda Scrub အကြောင်း

လေဒီလေးတို့ သိထားသင့်တဲ့ Baking Soda Scrub အကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 15, 2020
ချိုင်းမွှေးတွေကို သဘာဝနည်းလမ်းလေးတွေ သုံးပြီး ဖယ်ရှားကြရအောင်

ချိုင်းမွှေးတွေကို သဘာဝနည်းလမ်းလေးတွေ သုံးပြီး ဖယ်ရှားကြရအောင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 15, 2020