ရုတ်တရက်ကြီး မဖြတ်ချနိုင်ရင်တောင် ကိုယ်သောက်နေကျ ပမာဏထက် တစ်နေ့ကို နည်းနည်းစီ ဖြတ်တာမျိုး လုပ်ပေးနိုင်ပါတယ်။
၂။ ညဘက်ကို စောစောပြန်အိပ်နိုင်အောင် အကျင့်ပြန်မွေးပါ။
လူငယ်ဘဝတုန်းက ညဘက်တွေ နောက်ကျအိပ်တာ၊ ညနဲ့ မနက်မှားအိပ်လည်း ဘာမှ မဖြစ်ခဲ့ဘူးလို့ ထင်ရပေမယ့် အသက်ကြီးလာရင်တော့ ဒါတွေက နောက်နေ့မှာ ကောင်းကောင်းဒုက္ခပေးနိုင်ပါတယ်။ အရွယ်လည်း ကျလာနိုင်သလို ရုပ်ရည် အိုမင်းရင့်ရော်လာနိုင်တယ်။
ကိုယ်ခံအားတွေ ကျလာပြီး လူက ပိန်သွားတတ်တယ်။ အလုပ်ကောင်းကောင်း မလုပ်နိုင်တော့ဘဲ မောပန်းနေတတ်ပါတယ်။ ဒါကြောင့် တစ်နေ့အိပ်ချိန်ကို အနည်းဆုံး ၇ – ၈ နာရီ ရအောင် အိပ်စက်အနားယူပါ။ နေ့လယ်နေ့ခင်း တစ်ရေးတမော အိပ်စက်ခြင်းဟာ ပြည့်ဝတဲ့အိပ်စက်ခြင်းအတွက် အထောက်အကူ မဖြစ်ပါဘူး။
၃။ လေ့ကျင့်ခန်းကို နေ့တိုင်းပုံမှန်လုပ်ပါ။
အသက်ကြီးလာတာနဲ့အမျှ ကိုယ့်ရဲ့ ကြွက်သား၊ အရိုးအဆစ်တွေက အားနည်းလာနိုင်ပါတယ်။ အထူးသဖြင့် အသက် ၃၀ အရွယ်တွေဟာ လူငယ်တွေထက် ပိုပြီး အထိုင်များတတ်ပါတယ်။ ဒါကြောင့် ကိုယ်လက်လေ့ကျင့်ခန်း တစ်ခုခု သို့မဟုတ် အားကစားလိုက်စားတဲ့ အကျင့်ကို ပြန်မွေးဖို့ လိုအပ်လာပါပြီ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။