ခေါင်းကိုက်စေရတဲ့ အကြောင်းအရင်းတွေက ဘာတွေများလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020
Share now

ခေါင်းကိုက်စေရတဲ့ အကြောင်းအရင်းတွေက ဘာတွေများလဲ

ခေါင်းကိုက်တာက အဖြစ်များတဲ့ ကျန်းမာရေးပြဿနာတွေထဲက တစ်ခုပါ။ လူတော်တော်များများကခေါင်းကိုက်တာကို သူတို့သက်တမ်းတလျှာက်မှာ မဖြစ်မနေကြုံဖူးကြမှာပါ။ခေါင်းကိုက်တာက အရွယ်သုံးပါးစလုံးတွေ့ကြုံရနိုင်တဲ့ ကျန်းမာရေးပြဿနာပါ။ အရွယ်ရောက်ပြီးသူတွေရဲ့ ထက်ဝက်နီးပါးလောက်ကခေါင်းကိုက်တဲ့ဝေဒနာကိုခံစားကြရပါတယ်၊လို့ ကမ္ဘာ့ကျန်းမာရေးအဖွဲ့ကြီး (WHO) ရဲ့ စာရင်းဇယားတွေအရ သိရပါတယ်။

ခေါင်းကိုက်ခြင်း

ခေါင်းကိုက်တာက စိတ်ဖိစီးမှုများနေတာ၊ စိတ်ပိုင်းဆိုင်ရာ ပင်ပန်းနွမ်းနယ်နေတာနဲ့ သောက်သုံးမှီဝဲနေရတဲ့ဆေးဝါးတွေကြောင့်ဖြစ်နိုင်ပါတယ်။ ဥပမာခေါင်းတစ်ခြမ်းကိုက်နေတာဆိုရင်သွေးတိုးနေတာကြောင့်ဖြစ်နိုင်သလို စိတ်ဓါတ်ကျနေတာ၊ စိုးရိမ်ပူပန်စရာအကြောင်းအရင်းတွေရှိနေတာကြောင့်လည်းဖြစ်နိုင်ပါတယ်။ အလုပ်ခွင်နဲ့ ပညာသင်ယူမှုအပိုင်းမှာ အခက်အခဲကြုံတွေ့နေရတဲ့အခါမျိုးမှာလည်းခေါင်းကိုက်ဝေဒနာကို ခံစားရနိုင်ပါတယ်။

ခေါင်းကိုက်တယ်ဆိုတာက ဦးခေါင်း ဒါမှမဟုတ် လည်ပင်းပိုင်းတစ်နေရာရာမှာ နာကျင်ထိခိုက်မိတာမျိုးရှိနေတဲ့ လက္ခဏာဖြစ်နိုင်ပါတယ်။ အရမ်းပြင်းထန်တဲ့ရောဂါတွေရဲ့ လက္ခဏာအနေနဲ့ ခေါင်းကိုက်တာကိုခံစားရတာမျိုးလည်းရှိနိုင်ပါတယ်။ ခဏခဏခေါင်းကိုက်နေရင်တော့ အလုပ်ခွင်မှာရော လူမှုဆက်ဆံရေးမှာပါထိခိုက်တာမျိုးတွေရှိလာနိုင်ပါတယ်။ ဒါကြောင့်ခေါင်းကိုက်တာမျိုးမဖြစ်အောင် ဘယ်လိုနေထိုင်ရမလဲဆိုတာကို သိရှိနိုင်စေဖို့အတွက်ခေါင်းကိုက်ရတဲ့အကြောင်းအရင်းတွေကိုပြောပြပေးချင်ပါတယ်။

ခေါင်းကိုက်ရတဲ့ အကြောင်းအရင်းတွေက

ခေါင်းကိုက်တယ်ဆိုတာက စိတ်ဖိစီးတာရဲ့ လက္ခဏာတစ်ရပ်ဖြစ်နိုင်သလို ကျန်းမာရေးအခြေအနေတစ်ရပ်ကြောင့်ခေါင်းကိုက်တာမျိုးလည်းဖြစ်နိုင်ပါတယ်။ သွေးတိုးတာ၊ စိတ်ဖိစီးတာ နဲ့ စိတ်ပူပန်တာတွေကြောင့်ခေါင်းတစ်ခြမ်းကိုက်တာမျိုး ဖြစ်နိုင်ပါတယ်။

သာမန်ခေါင်းကိုက်ခြင်း

ဒီအချက်တွေကြောင့်ခေါင်းကိုက်နေတာလားဆိုတာကို ဆန်းစစ်ပါ။

  • အရမ်းပင်ပန်းတာ
  • အိပ်ရေးပျက်တာ
  • စိတ်ဖိစီးတာ
  • ဆေးဝါးတစ်ခုခုရဲ့ဘေးထွက်ဆိုးကျိုးအနေနဲ့ခေါင်းကိုက်တာ
  • အစားအသောက်စားသောက်မှုပုံစံမမှန်တာ
  • တုပ်ကွေးလိုမျိုး ကူးစက်ရောဂါတစ်မျိုးမျိုးကြောင့်ခေါင်းကိုက်တာ
  • ဆူညံသံတွေကြောင့်ခေါင်းကိုက်တာ
  • အဖျားရှိနေတာ
  • အာသီးရောင်နေတာ
  • နားထဲပိုးဝင်တာ
  • အရမ်းအေးတဲ့ အစားအသောက်တွေဖြစ်တဲ့ရေခဲမုန့်၊ အအေးတို့လိုမျိုးအေးတဲ့ အစားအသောက်တွေစားသောက်တာ
  • အရက်နဲ့ဝိုင် အပါအဝင် အယ်လ်ကိုဟောပါဝင်တာတွေသောက်သုံးမိတာ
  • နိုက်ထရိတ်ပါဝင်နေတဲ့ပြုပြင်ထားတဲ့ အသားလိုမျိုးအရာတွေကို စားသုံးမိတာ
  • တဆင့်ခံဆေးလိပ်ငွေ့
  • အိမ်သန့်ရှင်းရေးသုံးပစ္စည်းတွေရဲ့ ပြင်းထန်တဲ့အနံ့တွေ
  • ပတ်ဝန်းကျင်ညစ်ညမ်းမှု
  • အနံ့အသက်တွေ
  • ရာသီဥတုပြောင်းလဲမှုတွေကြောင့်ခေါင်းကိုက်တာမျိုးဖြစ်နိုင်ပါတယ်။ ဒါတွေက သာမန်ခေါင်းကိုက်စေတဲ့ အကြောင်းအရင်းတွေဖြစ်တာကြောင့် စိုးရိမ်စရာ အရမ်းမရှိဘူးလို့ဆိုရပါမယ်။

ရောဂါ ဒါမှမဟုတ် အကြောင်းရင်းတစ်ခုခုကြောင့်ခေါင်းကိုက်ခြင်း

တစ်ခါတလေမှာခေါင်းကိုက်တာကရောဂါတစ်ခုခုရဲ့ရှေ့ပြေးလက္ခဏာဖြစ်နိုင်ပါတယ်။ တစ်ခုခုရောဂါခံစားနေရတာကြောင့်ဖြစ်တာမျိုးလည်းရှိနိုင်ပါတယ်။

  • အရက်သောက်တာများသွားတာကြောင့် အရက်နာကျတာ
  • ဦးနှောက်မှာ အကျိတ်ဖြစ်နေတာ
  • သွေးခဲနေတာ
  • ဦးနှောက်သွေးယိုတာ၊ ဦးနှောက် တဝိုက်မှာသွေးယိုစိမ့်နေတာ
  • အရမ်းအေးတာတွေကို စားတဲ့အခါ အပေါ်အာခေါင်ကို ကပ်မိတာ
  • ကာဗွန်မိုနောက်ဆိုဒ် အဆိပ်သင့်တာ
  • ဦးခေါင်းကို ထိခိုက်မိထားတာ
  • ရေဓါတ်မလုံလောက်တာ
  • မျက်လုံးရေတိမ်ဖြစ်တာ
  • ညအိပ်တဲ့အခါ သွားကြိတ်တတ်တာ
  • တုပ်ကွေးမိထားတာ
  • အကိုက်အခဲပျောက်ဆေးတွေ အသုံးများတာ
  • နာတာရှည်ရောဂါတစ်ခုခုခံစားနေရတာ
  • လေဖြတ်တာ

ခေါင်းကိုက်တာက ခဏတဖြုတ်ဖြစ်တာမျိုးမဟုတ်ဘဲ ခပ်စိတ်စိတ်ဖြစ်နေတာ၊ တာရှည်ခံစားနေရတာဆိုရင်ပြင်းထန်တဲ့ရောဂါတစ်မျိုးမျိုး ခံစားနေရတာဖြစ်နိုင်တာကြောင့် ဆရာဝန်နဲ့ပြသကြည့်ဖို့လိုပါမယ်။

ဘယ်လိုစောင့်ရှောက်မှုပေးမလဲ

ခေါင်းကိုက်မှုဖြစ်ရတဲ့အကြောင်းအရင်းပေါ် မူတည်ပြီး ကုသစောင့်ရှောက်မှုက ကွဲပြားပါတယ်။ခေါင်းကိုက်ရင် အများဆုံးလုပ်ဖြစ်တာက အနားယူတာပါ။ အကိုက်အခဲပျောက်ဆေးတစ်မျိုးမျိုးသောက်တာမျိုးလည်းရှိပါတယ်။နောက်တစ်ခုကရေအေးအေးလေးနဲ့ နဖူးကိုကပ်ပေးတာဖြစ်ဖြစ်လုပ်ပေးလိုက်ပါ။ရေနွေးအိတ်ကပ်ပေးလို့ရသလိုရေခဲဝတ်ကပ်ပေးလို့လည်းရပါတယ်။ အပူချိန်နဲ့အအေးဓါတ်အရမ်းမများဖို့ သတိရပါ။ အစားအသောက်တွေကို ပုံမှန်စားသုံးပေးပါ။ရေဓါတ်ဆုံးရှုံးစေနိုင်တဲ့ ကဖင်းဓါတ်ပါတဲ့သောက်စရာတွေကို အတတ်နိုင်ဆုံး နည်းနည်းပဲသောက်ပါ။ရေများများသောက်ပေးပါ။သွေးတွင်း အချိုဓါတ်နည်းတဲ့အခါခေါင်းမကြည်တာမျိုးဖြစ်နိုင်တာကြောင့် အချိုဓါတ်စားသုံးပေးတာမျိုးလုပ်လို့လည်းရပါတယ်။ခေါင်းကိုက်နေတဲ့အခါ သံပုရာရည်ေသာက်တာ၊ လိမ္မော်သီးစားပေးတာ၊ ဂရိတ်ဖရု နဲ့ မဂ္ဂနီဆီယမ်ပါဝင်တဲ့အစားအသောက်တွေစားသောက်စေလို့လည်းရပါတယ်။ရေနွေးနွေးလေးနဲ့ရေချိုးပေးတာ၊ချွေးထွက်အောင် လှုပ်ရှားမှုလေးတွေ လုပ်ပေးတာ၊နေ့စဉ်ပုံမှန် ကိုယ်လက်လှုပ်ရှားမှုလုပ်ပေးတာ၊ အိပ်စက်ချိန်ပြည့်ဝအောင်အိပ်စက်ပြီး အနားယူတာတွေလုပ်ပေးပြီးခေါင်းကိုက်ဝေဒနာကို သက်သာအောင်လုပ်လို့ရပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ကိုယ်အလေးချိန်လျှော့ချခြင်းနဲ့ စိတ်ဝေဒနာ

စိတ်ပိုင်းဆိုင်ရာ၊ ဝိတ်ချ၊ ထိခိုက်ခံစားရမှု၊ အစားအသောက်၊ စိတ်ဓာတ်ကျတာ၊ စိတ်ဖိစီးတာ၊ atypical anorexia၊ eating disordered behavior၊ ကိုယ်အလေးချိန်တိုး၊

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

ဗီတာမင် B12 ဟာ ဘေးထွက်ဆိုးကျိုးတွေ ဖြစ်စေသလား

ဗီတာမင် B12 အစားအစာ ကိုယ်ခန္ဓာ အူလမ်းကြောင်း ကိုယ်ဝန်ဆောင်အမျိုးသမီး ခေါင်းကိုက်ခြင်း ဗီတာမင် C ဘေးထွက်ဆိုးကျိုး သွေးပြန်ကြော

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သံဓာတ်များပြီး အဆိပ်သင့်ခြင်း

သံဓာတ် ကိုယ်ခန္ဓာ အဆိပ်သင့်ခြင်း အစာအိမ်အူလမ်းကြောင်း ရေဓာတ်ခန်းခြောက်ခြင်း သွေးပေါင်ချိန်ကျခြင်း အသည်းပျက်စီးခြင်း အစာခြေလမ်းကြောင်း ခေါင်းကိုက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ဖောလိတ် ချို့တဲ့ခြင်းအကြောင်း

ဖောလိတ် ဖောလစ်အက်ဆစ် အရက်သောက်ခြင်း သွေးအားနည်းခြင်း ကိုယ်ဝန်ဆောင်အမျိုးသမီးတွေ အစားအသောက် ဘယ်လိုကာကွယ်မလဲ ဆေးဝါးများ မျိုးရိုးဗီဇ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သင့်အတွက် ရွေးချယ်ထားသည်

အမျိုးသားတိုင်း ကျင့်သုံးသင့်တဲ့ ကျန်းမာတဲ့ စားသောက်မှုပုံစံ

အမျိုးသားတိုင်း ကျင့်သုံးသင့်တဲ့ ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020
အမျိုးသားတိုင်း စားပေးသင့်တဲ့ အစားအစာများ

အမျိုးသားတိုင်း စားပေးသင့်တဲ့ အစားအစာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020
ကိုယ်ဝန်ဆောင်ချိန် လေပွ၊ လေထခြင်းအတွက် အိမ်တွင်းကုထုံးများ

ကိုယ်ဝန်ဆောင်ချိန် လေပွ၊ လေထခြင်းအတွက် အိမ်တွင်းကုထုံးများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 21, 2020
အလွန်အေးတာတွေ စားမိရင် ကြုံရတတ်တဲ့ Brain Freeze ဝေဒနာ

အလွန်အေးတာတွေ စားမိရင် ကြုံရတတ်တဲ့ Brain Freeze ဝေဒနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် မေ 18, 2020