အပူလောင်ခြင်းဆိုသည်မှာ အပူနှင့်ဓာတုဗေဒပစ္စည်းများကြောင့်ဖြစ်စေ၊ အရည်ပူလောင်ကျွမ်းခြင်းကြောင့်ဖြစ်စေ ခန္ဓာကိုယ်၏ အရေပြား (သို့) တစ်ရှူးအသားမျှင်တို့တွင် ဒဏ်ရာရခြင်းကို ခေါ်ပါသည်။
အပူလောင်ခြင်းဆိုသည်မှာ အပူနှင့်ဓာတုဗေဒပစ္စည်းများကြောင့်ဖြစ်စေ၊ အရည်ပူလောင်ကျွမ်းခြင်းကြောင့်ဖြစ်စေ ခန္ဓာကိုယ်၏ အရေပြား (သို့) တစ်ရှူးအသားမျှင်တို့တွင် ဒဏ်ရာရခြင်းကို ခေါ်ပါသည်။
အရည်ပူလောင်ခြင်းဆိုသည်မှာ ပူသောအရည်၊ အငွေ့များကြောင့် ခန္ဓာကိုယ်၏ အရေပြားတွင် ဒဏ်ရာ ရခြင်းကို ခေါ်ပါသည်။
အရေပြားသည် ခန္ဓာကိုယ်၏အရေးကြီးသော အစိတ်အပိုင်းတစ်ခုဖြစ်ပြီး အပြင်လွှာ (Epidermis) နှင့် အတွင်းလွှာ (Dermis) ဟူသော တစ်ရှူး (အသားမျှင်) (၂)လွှာဖြင့် တည်ဆောက်ထားပါသည်။ အပေါ်ယံ အရေပြား သည် အဆီလွှာပေါ်တွင်တည်ရှိပြီး ရေလုံစေပါသည်။ အတွင်းလွှာတွင် သွေးကြောများ၊ အာရုံကြောများ၊ ကြွက်သားများ၊ အဆီပြုဂလင်းများ၊ ချွေးဂလင်းများနှင့် မွေးညင်းမြစ်များပါရှိပါသည်။
အရေပြား၏ အဓိကလုပ်ငန်းစဉ်များမှာ
(၁) မီးလောင်ခြင်း
မီးတောက်၊ မီးတောက်နှင့် သက်ဆိုင်စေသည့် အကြောင်းရင်းများ၊ (ဖယောင်းတိုင်မီး)၊ ပွတ်တိုက်မှုကြောင့် အပူလောင်ခြင်း၊ ပေါက်ကွဲမှုကြောင့် အပူလောင်ခြင်း။
(၂) ပူသောအရည်အငွေ့
ရေနွေးငွေ့၊ ရေနွေးပူ၊ ပူသောအရည်များ (ဥပမာ-လက်ဖက်ရည်၊ ကော်ဖီ)
(၃) လျှပ်စစ်ဓာတ်
အိမ်သုံးဗို့အားနည်း၊ ဗို့အားကြီး၊ မိုးကြိုးပစ်ခြင်း၊ (သံ၊ သွပ်၊ ကြေးနီ၊ ရေ)
(၄) အအေးဓာတ်လောင်
နှင်းကိုက်ခြင်း၊ အေးခဲနေသော သတ္တုပစ္စည်းများနှင့် ထိတွေ့ ကျွမ်းခြင်း၊ ကျွမ်းခြင်း ခဲနေသာ အခိုးအငွေ့များနှင့် ထိတွေ့ခြင်း (သို့) အောက်ဆီဂျင် (သို့) နိုက်ထရိုဂျင် အရည်များ လောင်ကျွမ်းခြင်း။
(၅) ဓါတုဗေဒပစ္စည်းများ
စက်ရုံသုံးဓာတုဗေဒဆေးအရည်၊ အငွေ့၊ အိမ်သုံးဓာတုဗေဒဆေးရည်၊ လောင်ကျွမ်းခြင်း အိမ်သုတ်ဆေး ကော့စတစ်ဆိုဒါ။ ပြင်းထန်သော အက်စစ်နှင့် အဲလ်ကာလီ
(၆) နေရောင်ခြည်ကြောင့် နေပူလောင်ခြင်း
ခရမ်းလွန်ရောင်ခြည် အပြလွန်၍ လောင်ခြင်း၊ လောင်ကျွမ်းခြင်း ရေဒီယိုဓါတ်ရောင်ခြည်ထိတွေ့ခြင်း။
ဓာတုဗေဒဆေးရည်လောင်ကျွမ်းခြင်း
လက္ခဏာ
ပြုစုခြင်း
(၁) ထိခိုက်ဒဏ်ရာရထားသော နေရာအနီးတဝိုက်တွင် ဓာတုဗေဒဆေးရည် ကျန်ရှိခြင်း ရှိ/မရှိ ကြည့်ပါ။
(၂) လိုအပ်ပါက နေရာပြောင်းရွှေ့ပေးပါ။
(၃) ဒဏ်ရာနှင့် အနီးတဝိုက်ကို ရေဖြင့်စင်ကြယ်စွာ ဆေးကြောပါ။ (လက်အိတ်၊ ဖိနပ် ဝတ်ထားပါ။)
(၄) ဒဏ်ရာပေါ်တွင်ရှိသော အဝတ်များကို ရေလောင်းနေစဉ် ညင်သာစွာ ချွတ်ပေးပါ။
(၅) ဒဏ်ရာကို ခြောက်သွေ့သန့်စင်သော ပိတ်ပါးစအုပ်ပြီး ပတ်တီးဖွဖွစည်းခြင်းဖြင့် ပိုးမွှား မဝင်ရောက် စေရန် ကာကွယ်ပါ။
(၆) ဓါတ်ဆားရည်၊ လတ်ဆတ်သောသစ်သီးဖျော်ရည် (သို့) ရေအေးအေးကို ဖြည်းညှင်းစွာ မကြာခဏ တိုက်ပါ။
(၇) လူနာကို ချမ်းတုန်ခြင်းမဖြစ်ပေါ်စေရန် နွေးနွေးထွေးထွေးထားပါ။
(၈) သွေးဆုတ်၊ သွေးလန့်ခြင်းမှ ကာကွယ်ပါ။
(၉) ဓာတုဗေဒဆေးရည်အမည်သိရှိပါက ဆေးရည်အမည်နှင့် အတူဆေးရုံ၊ ဆေးခန်းသို့ပို့ပါ။
ထုံး (သို့) ဓာတုဗေဒပစ္စည်းသည် အမှုန့်ဖြစ်ပါက-
(၁) ဦးစွာရေမလောင်းရပါ။
(၂) ခန္ဓာကိုယ်ပေါ်မှ ဆေးမှုန့်များကို ဦးစွာဖယ်ရှားပါ။
(၃) အကာအကွယ်ပစ္စည်းသုံးပြီး ကိုင်တွယ်ဖယ်ရှားပါ။
(၄) ဆေးမှုန်များကို စင်ကြယ်စွာ ဖယ်ရှားပြီးမှ ရေလောင်းပြီး ဆေးကြောပါ။
ဓါတ်လိုက်ခြင်း(လျှပ်စစ်ဓါတ်လောင်ကျွမ်းခြင်း)
လက္ခဏာ
ပြုစုခြင်း
(၁) လျှပ်စစ်ခလုတ်ကို ပိတ်ပါ။
(၂) လူနာသတိလစ်နေပါက လေဝင်လမ်းကြောင်းအားဖွင့်ပါ။ အသက်ရှူ/မရှူစစ်ဆေးပါ။
(၃) အသက်ရှူအားကူနည်းနှင့် နှလုံးနှိုးဆွနည်းပြုလုပ်ပါ။
(၄) ခြောက်သွေ့သန့်ရှင်းသော၊ ပိုးသတ်ထားသော ပိတ်ပါးစအုပ်ပြီး ပိတ်ကျဲစဖြင့် ပြုလုပ်ထားသော ပတ်တီး ဖြင့် ဖွဖွစည်းပါ။
(၅) လိုအပ်ပါက ဒဏ်ရာရောင်ရမ်းမလာခင် လောင်ကျွမ်းသော အဝတ်အစားများကို ချွတ်ပေးပါ။
(၆) လူနာကို နွေးထွေးစွာထားပါ။
(၇) ဆေးရုံ၊ ဆေးပေးခန်းသို့ ပို့ပါ။
မျက်စိအပူလောင်ခြင်း
အက်စစ်၊ အယ်ကာလီ၊ ထုံး၊ ပိုးသတ်ဆေး စသည့် ဓာတုဗေဒဆေးရည်များ၊ အခြား အပူလောင်ခြင်းများ ဖြစ်သော ဆီပူလောင်ခြင်း၊ ဆေးလိပ်မီးလောင်ခြင်း၊ ဂဟေဆော်ရာတွင် အနီးကပ် ကြည့်မိခြင်းတို့သည် မျက်စိအား အပူလောင်ခြင်းနှင့် ပြင်းထန်စွာပျက်စီးမှုကို ဖြစ်ပေါ်စေပါသည်။ ၄င်းတို့အနက် ဓာတုဗေဒဆေးရည် လောင်ကျွမ်းပါက မျက်စိ၏ အပြင်ဖက် မျက်နှာပြင် ပျက်စီးခြင်း၊ အမြင်အာရုံဝေဝါးခြင်း၊ ကွယ်ခြင်းများကို ဖြစ်ပေါ် စေပါသည်။
လက္ခဏာ
ပြုစုနည်း
(၁) ပြုစုသူ၏ လက်ကိုလက်အိတ်စွပ်ပါ။
(၂) ဒဏ်ရာရသော မျက်စိအားစောင်း၍ ရေဘုံဘိုင်အောက်တွင် ရေဖြင့်ဆေးကြောပါ။
(၃) ဖြစ်နိုင်လျှင် အပေါ်မျက်ခွံ၊ အောက်မျက်ခွံတို့ကို လှန်၍ ဆေးကြောပါ။
(၄) အကယ်၍ မျက်ခွံပိတ်ပါက ညင်သာစွာ လှန်ပြီးဆေးကြောပါ။
(၅) ဒဏ်ရာမရှိသောမျက်စိ၊ နှာခေါင်းတို့အား ဓာတုဗေဒဆေးရည် မစင်စေရန် ဂရုပြုပါ။
(၆) သန့်စင်သော ပိတ်ပါးစခံ၍ ပတ်တီးစည်းပါ။
(၇) ဆေးရုံသို့ ပို့ဆောင်ပါ။
လေပြွန်လမ်းကြောင်းအပူလောင်ခြင်း
လက္ခဏာ
ပြုစုနည်း
(၁) လေဝင်လမ်းကြောင်းဖွင့်ပါ။
(၂) လည်ပင်းတဝိုက်ရှိ တင်းကျပ်နေသောအဝတ်အစားများကို လျှော့ပေးပါ။
(၃) သတိလစ်ပါက အသက်ရရှူ/မရှူ၊ သွေးခုန်/ မခုန်စစ်ဆေးပြီး လိုအပ်ပါက အသက်ရှူအားကူနည်း၊ နှလုံးနှိုးဆွနည်းပေးပါ။
(၄) စိတ်ချရသောဘေးစောင်း အနေအထားတွင် ထားပါ။
(၅) လူနာသတိရှိပါက ရေအေးအေးကို ဖြည်းညှင်းစွာတိုက်ပါ။
အအေးဓာတ်ကြောင့် လောင်ကျွမ်းခြင်း
(နှင်းကိုက်ခြင်း)
လက္ခဏာ
ပြုစုခြင်း
(၁) အေးသောနေရာမှ နွေးသောနေရာသို့ လျင်မြန်စွာ ရွှေ့ပြောင်းပါ။ နှင်းကိုက်သော အစိတ်အပိုင်းအား ညင်သာစွာ ကိုင်တွယ်ပါ။
(၂) တင်းကျပ်သောအဝတ်အစားများ လျှော့၊ ချွတ်ပစ်ပါ။
(၃) ထိခိုက်သော အစိတ်အပိုင်းကို နွေးအောင်ထားပါ။ ခန္ဓာကိုယ်၏ သဘာဝအပူနှင့် ထိကပ်ထားပါ။
ရေနွေးနွေးတွင် နီရဲလာသည်အထိ စိမ်ပါ။ ပူနွေး၍ ခြောက်သွေ့သောအဝတ်နှင့် ကပ်ပေးပါ။
(၄) လက်ချောင်း၊ ခြေချောင်းများ နှင်းကိုက်ခြင်းဖြစ်ပါက ၄င်းတို့၏ကြားတွင် ခြောက်သွေ့
(၅) သန့်စင်သောပိတ် ပါးစလေးများဖြင့် ညှပ်ထားပါ။
(၆) ခြောက်သွေ့သန့်ရှင်းသော ဆေးထည့်ပိတ်ပါးစဖြင့် ညင်သာစွာဖုံးအုပ်ပေးပြီး ပတ်တီးဖွဖွ စည်းပေးပါ။
(၇) နွေးထွေးသောနေရာတွင် ထားပါ။
လက္ခဏာ
ပြုစုခြင်း
(၁) နေရောင်အောက်မှ ဖယ်ရှားပါ။
(၂) လေဝင်လေထွက်ကောင်း၍ အရိပ်ရသောနေရာ (သို့) အခန်းတွင်းတွင်ထားပါ။
(၃) ရေလောင်းပါ။ ရေအေးတိုက်ပါ။
(၄) အရေပြားပျက်စီးပါက ဆရာဝန်ထံပြသပါ။
ရေးသားသူ-ဒေါက်တာမှူးခင်
Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။