backup og meta

စီစဉ်ထားခြင်းမရှိဘဲ ညစာအပြင်ထွက်စားသည့်အလေ့အထ

မှ အချက်အလက် စစ်ဆေးထားပါသည်။ Dr. Thurein Hlaing Win


Dr. Ye Pyae Hein မှ ရေးသားသည်။ · 21/06/2022 တွင် အသစ်ဖြည့်စွက်ခဲ့သည်။

    စီစဉ်ထားခြင်းမရှိဘဲ ညစာအပြင်ထွက်စားသည့်အလေ့အထ

    ညစာကိုအပြင်စားသောက်ဆိုင်များတွင်စားခြင်းသည် ပျော်ရွှင်ဖွယ်ကောင်းသကဲ့သို့အပေါင်းအသင်းများနှင့်လည်း တွေ့ဆုံနိုင်သည့်အပြင်သင်ကိုယ်တိုင်က ဂရုစိုက်ပါက ကျန်းမာရေးနှင့် ညီညွတ်မျှတ၍ ကိုယ်အလေးချိန်ကျအောင်ရွေးချယ်စားသောက်နိုင်ပါသည်။

    ကျွန်ုပ်အနေဖြင့်ညစာကို သေချာစွာပြင်ဆင်စားဖြစ်သည့်အတွက် မကြာခဏအပြင်ထွက်မစားဖြစ်ပါ။ ကျန်းမာ၍ကိုယ်ခန္ဓါကျစ်လျစ်ရန်အစားအစာကို ကိုယ်တိုင်ပြင်ဆင်သင့်သည်ဟုကျွန်ုပ်ကယုံကြည်ပါသည်။ သို့သော်လည်း Saigon ကဲ့သို့မြို့ကြီးများတွင်များပြားသောစားသောက်ဆိုင်များတည်ရှိသည့်အတွက်လူမှုရေးအရသော်လည်းကောင်းသူတို့၏အစားအသောက်များကို စားသောက်မှသာသင့်တော်ပေလိမ့်မည်။

    ထို့ကြောင့်ညစာကိုအပြင်ထွက်စားဖြစ်သည့်အခါကျန်းမာရေးနှင့်လည်းညီအောင်၊ အရသာရှိ၍ ကယ်လိုရီများစွာလည်းမစားမိအောင် အောက်ပါအချက် (၈) ချက်ကိုလိုက်နာသင့်ပါသည်။

    (၁) ဆီပြင်းပြင်းနှင့်ကြော်ထားသော အစားအစာမပါသည့်ဟင်းလျာများကိုရွေးချယ်ပါ

    ဆီနှင့်ထပ်ခါထပ်ခါကြော်ထားသော အစားအစာများသည ် ပြည့်ဝဆီပါဝင်မှုနှင့်ကယ်လိုရီများပြားသည့်

    အတွက်ကျန်းမာရေးအတွက်မသင့်တော်ပါ။ ပြည့်ဝဆီများကို ဆီနှင့်ကြော်ရာမှထွက်လာသောအဆီဓါတ်များသည်လူကိုဒုက္ခများစွာပေးတတ်ပါသည်။ ထို့ပြင် ဆီပြင်းပြင်းနှင့်ကြော်ထားသောအစားအစာများတွင်အာဟာရဓါတ်များလည်းကုန်ခမ်းသွားသဖြင့်

    နာတာရှည်ကျန်းမာရေးပြဿနာများဖြစ်နိုင်ပါသည်။

    (၂) ဆီကြော်များကိုမေ့ထားလိုက်ပါ

    ဆီကြော်အစားအစာများနေရာတွင်လတ်ဆတ်သော ဟင်းသီးဟင်းရွက်ဟင်းလျာတစ်ခုကို စားသုံးပေးပါ။ အထူးသဖြင့်အစိမ်းရောင်ခြယ်ဟင်းသီးဟင်းရွက်များသည်စွမ်းအင်မြင့်တက်စေနိုင်သည့်အပြင်ခန္ဓါကိုယ်မှအဆိပ်အတောက်များကိုဖယ်ရှားပေးသည်။ ထို့ကြောင့်အစားအစာတစ်ခုစားတော့မည်ဆိုလျှင်ဟင်းသီးဟင်းရွက်က အဓိကအခရာပါသင့်ပါသည်။

    (၃) အချိုမှုန့်နှင့်အဆီများသော ဟင်းရည်များကိုရှောင်ပါ

    အာရှတိုက်သားများအနေဖြင့်အချိုမှုန့်နှင့်သကြားဓါတ်၊ အဆီဓါတ်ကဲ့သောအစားအစာများကိုရှောင်ရန်ခက်ခဲပေလိမ့်မည်။ ထိုဟင်းလျာများသည် ရောင်ရမ်းခြင်းကိုဖြစ်စေသည့်အပြင်ဦးနှောက်၏လုပ်ငန်းဆောင်တာများကို ကျဆင်းစေနိုင်သည့်အတွက်မရွေးချယ်သင့်ပါ။

    (၄) အချိုဓါတ်ကဲသော အချဉ်ရည် အစား လိမ္မော် (သို့မဟုတ်) သံပရာရည်ကိုသုံးပါ

    အချိုဓါတ်ကဲလွန်းသော တို့စားစရာအချဉ်ရည်များ အစား လိမ္မော် (သို့မဟုတ်) သံပရာရည် သင်ကြိုက်နှစ်သက်သလို အသုံးပြုနိုင်ပါသည်။

    (၅) သရေစာများရှောင်ပါ

    သရေစာများတွင်အဆီဓါတ်နှင့် အချိုဓါတ်အပြင် အငန်ဓါတ်ပါသည့်အတွက် သင့်ကိုရေဆာစေပေလိမ့်မည်။ အစားအစာအတွက်ငွေကြေးအကုန်အကျ ခံရသည်ဖြစ်ရာ ထိုအာဟာရမဖြစ်သောအစားအစာများကိုစား၍ ဗိုက်ပြည့်နေခြင်းမဖြစ်အောင် ရှောင်ပါ။

    (၆) မဖြစ်မနေအချိုပွဲစားရမည်ဟုမတွေးပါနှင့်

    ထမင်းစားပြီးအချိုတည်းရန် မုန့်အချိုများအစား ဗီတာမင်နှင့်သတ္ထုဓါတ်များပါဝင်သောအသီးအနှံတစ်မျိုးမျိုးကိုစားပေးပါ။ သင်၏အစား စားပြီးအချိုတည်း လိုသောအာသာဆန္ဒကိုဖြည့်စွမ်းပေးမည့်အပြင်အမျှင်ဓါတ်နှင့် ဓါတ်တိုးဆန့်ကျင်သတ္တိများကိုပါ ရရှိစေပါသည်။

    (၇) အချိုရည်၊ အရက်နှင့်ဘီယာသောက်သုံးခြင်းကိုရှောင်ပါ

    ဝိုင်တစ်ခွက်တွင်ကယ်လိုရီ ၁၅၀ မှ၂၀၀ အထိပါဝင်သည်။ ဆိုဒါတစ်ခွက်တွင်သကြား ၁၀ ဇွန်းစာ ပါဝင်သည်။ ဘီယာသည် တစေးကိုအချဉ်ဖောက်၍ထုတ်လုပ်ထား ခြင်းဖြစ်ရာ အစာအိမ်မှ အဆီများ ချေဖျက်ခြင်း ကိုတားဆီးသော အာနိသင်လည်းရှိသည်။

    အချိုရည်များကို များများသောက်သော်လည်း ဗိုက်ပြည့်သည်ဟုမခံစားရသည့်အတွက် ကယ်လိုရီများစွာရရှိစေပြီး လွန်ကဲစွာစားသုံးခြင်းဖြစ်စေသည်။ အရက်သောက်ခြင်းကြောင့်အိပ်စက်ခြင်း ဖြစ်စဉ်ကိုထိခိုက်နိုင်ပြီး ကိုယ်တွင်းအင်္ဂါများ၏စနစ်များကမောက်ကမဖြစ်ခြင်း၊ အဆီကိုပိုမိုသိုလှောင်ခြင်း တို့ဖြစ်စေပါသည်။

    (၈) ဖြည်းညင်းစွာ ဝါး၍မြိုချပါ။

    အစာစားခြင်းမြန်နှုန်းနှင့်ကိုယ်အလေးချိန်အညွှန်းကိန်း (BMI) သည်ဆက်စပ်လျက်ရှိပါသည်။ မြန်မြန်စားလေ BMI တက်လေဖြစ်သည်။ အစာကိုလောကြီးစွာမြန်မြန်စားခြင်းသည်ဆိုးကျိုးများဖြစ်စေ တတ်ပြီး အဝလွန်သူများတွင်တွေ့ရတတ်သောအလေ့အထဖြစ်သည်။ အစားအစာကိုဖြည်းညင်းစွာ ကျေညက်အောင်ဝါးစားပါက အစားကိုတင်းတိမ်စေနိုင်သည့်အတွက ်ကိုယ်အလေးချိန်လျှော့ချရာတွင် ကူညီပေးသည်။

    သင့်အနေဖြင့်ကိုယ်အလေးချိန်လည်းမတက်စေလို၊ အပြင်တွင်ညစာထွက်စားရသည့်အကျင့်ကိုလည်း နှစ်သက်တတ်သူဖြစ်လျှင်မည်သည့်နေရာတွင်စားမည်၊ မည်သည့်အစားအစာကိုစားမည်၊ မည်သို့ပုံစံနှင့်စားမည်ကို အရင်စဉ်းစားပါ။ အထက်ပါအချက်များကိုသင်ကျင့်သုံးလျှင် ကျန်းမာခြင်းနှင့်တကွ ပျော်ရွှင်ခြင်းကိုပါသင်ရရှိပေလိမ့်မည်။

    Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Dr. Ye Pyae Hein မှ ရေးသားသည်။ · 21/06/2022 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement