၄။ အမျှင်ဓာတ်နည်းခြင်း
အမျှင်ဓာတ်ကို ဟင်းသီးဟင်းရွက်၊ အသီးအနှံကနေ အများဆုံးရရှိပြီး အစာခြေစနစ်ကို အထောက်အကူပေးပါတယ်။ ဒီလိုဟင်းသီးဟင်းရွက်တွေကို နည်းနည်းပဲ စားပြီး အသားတွေပဲ စားတဲ့အခါ အစာအိမ်က အစာချေဖျက်နှုန်းနှေးသွားစေတဲ့အတွက် ဗိုက်မဝသေးဘူးအထင်နဲ့ ထပ်ကာတလဲလဲ အစာတွေ စားမိတတ်ပါတယ်။
၅။ အစားကို အာရုံစိုက်မစားခြင်း
အစာစားနေတဲ့အချိန် ရုပ်ရှင်ကြည့်တာ၊ ဖုန်းသုံးတာတွေ လုပ်နေရင် ကိုယ်စားနေတဲ့အစာကို သေချာအာရုံစိုက်ပြီး မဝါးနိုင်ဘဲ ဒီအတိုင်းမျိုချတတ်တာမျိုး လုပ်ဖူးကြမှာပါ။ အဲ့လိုမျိုး ကိုယ်စားတဲ့ အစားအစာကို စိတ်အာရုံနှစ်ပြီး မစားဘူးဆိုရင်လည်း ခဏလည်း ဗိုက်ပြန်ပြန်ဆာတာ၊ စားပြီး ဗိုက်မဝတာမျိုး ဖြစ်တတ်ပါတယ်။
၆။ လေ့ကျင့်ခန်းလုပ်လွန်းလို့
လေ့ကျင့်ခန်း၊ အားကစားအပြင်းအထန်လုပ်တဲ့သူတွေမှာ ကယ်လိုရီလောင်ကျွမ်းမှုနဲ့ ဇီဝကမ္မပြောင်းလဲမှုဖြစ်စဉ် ပိုများပါတယ်။ တစ်ကိုယ်လုံးမှာရှိတဲ့ ကြွက်သားတွေက ပိုပြီးအလုပ်လုပ်ရတဲ့အတွက် အားအင်ကုန်ခမ်းပြီး ရေဓာတ်ဆုံးရှုံးမှုပိုများပါတယ်။ အဲ့လို ကုန်ဆုံးသွားတဲ့အားအင်တွေကို ပြန်လည်ဖြည့်တင်းပေးဖို့အတွက် ကိုယ်ခန္ဓာက ပုံမှန်ထက်ပိုပြီး အစာစားချင်စိတ်ကို ဖြစ်ပေါ်စေပါတယ်။
၇။ အရက်သောက်နေကျမို့လို့
ညဆိုရင် တစ်ခွက်တစ်ဖလား မော့ပြီးမှ အိပ်တတ်တဲ့အကျင့်ရှိသူတွေမှာ ပုံမှန်ထက် အစားပိုစားတတ်ပြီး စားပြီးတိုင်းလည်း ဗိုက်က ပြည့်ဝသွားတယ်ဆိုတဲ့ ခံစားချက်မျိုး မရဘဲ တစ်ခုမဟုတ်တစ်ခု ဗိုက်ထဲထည့်နေရမှ ကျေနပ်နေတတ်ပါတယ်။
၈။ စိတ်ဖိစီးမှုများနေလို့
အကြောင်းအမျိုးမျိုးကြောင့် စိတ်ဖိစီးမှုများတဲ့သူတွေမှာ ခံတွင်းပျက်ပြီး ဘာမှမစားနိုင် မသောက်နိုင်တာမျိုးလည်း ရှိသလို မျက်စိထဲမြင်တာ အကုန်လျှောက်ရှာပြီး ပါးစပ်ထဲ ထည့်တတ်တဲ့အကျင့်တွေလည်း ဖြစ်လာနိုင်ပါတယ်။ အဓိကကတော့ စိတ်ဖိစီးမှုကို ပြေလျော့သွားစေဖို့ စိတ်က အစားဘက်ကို အာရုံလွှဲပြောင်းပေးလိုက်တဲ့ သဘောပါပဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။