ပေါက်ပေါက်ဆုပ်က ဒီစာရင်းထဲပါဝင်လာမယ်လို့ သင်ထားမှာမဟုတ်ပါဘူး ဒါပေမဲ့တကယ် ပါဝင်လာပါတယ်။ အသီးအနှံတွေ စားရမှာပျင်းတယ် သရေစာလိုအရာမျိုးပဲစားချင်တယ် ကျန်းမာရေးနဲ့လည်းအထိုက်အလျောက် ညီညွှတ်ချင်တယ်ဆိုရင်တော့ ပေါက်ပေါက်ဆုပ်က ရွေးချယ်ချင်စရာပါပဲ။
အချိုတွေ အပိုထပ် topping ထည့်ထားတာမျိုး မပါဝင်တဲ့ ပေါက်ပေါက်ဆုပ်တွေမှာဆိုရင် ကယ်လိုရီပါဝင်မှု နည်းပါးပါတယ်။ ဒါကြောင့် ဆီ သို့မဟုတ် ထောပတ် မရောထားတဲ့ ပေါက်ပေါက်တွေကို ဝိတ်တက်မှာစိုးရိမ်စရာမလိုဘဲ စိတ်ချလက်ချစားနိုင်ပါပြီ။
၄ – ဒိန်ချဉ်
ဒိန်ချဉ်တွေမှာ ကယ်လိုရီပါဝင်မှုနည်းပြီး ပရိုတိန်းလို့ခေါ်တဲ့ အသားဓာတ်တွေလည်း ကြွယ်ဝစွာပါဝင်ပါတယ်။ ဒိန်ချဉ်ထဲမှာပါတဲ့ ကယ်လ်ဆီယမ်ဓာတ်က ဦးနှောက်ကို ကောင်းသောသက်ရောက်ခြင်းတွေ ဖြစ်ပေါ်စေပြီး ညဘက်ကို ကောင်းစွာအိပ်စက်စေနိုင်ပါတယ်။
ဒိန်ချဉ်ကြီးသက်သက် မစားချင်ရင်လည်း အချိုတွေဖြည့်မယ့်အစား စတော်ဘယ်ရီလို အသီးအနှံလေးတွေ အပေါ်ကဖြူးပြီး အလှဆင်စားမယ်ဆိုရင် အရသာလည်းပိုရှိ ကျန်းမာရေးနဲ့လည်းပိုညီညွှတ်မှာပါ။
၅ – မြေပဲယိုသုပ်ပေါင်မုန့်
ငယ်ငယ်ထဲက သင်အရမ်းကြိုက်ခဲ့တဲ့ သရေစာလေးက ကျန်းမာရေးနဲ့သင့်တော်တဲ့ ညလယ်စာဖြစ်နေမယ်လို့ ဘယ်သူထင်မှာလဲ။ မြေပဲယိုတွေမှာ tryptophan လို့ခေါ်တဲ့အိပ်စက်ခြင်းကို အားပေးတဲ့အရာတွေပါဝင်ပါတယ်။ ပေါင်မုန့်က ကစီဓာတ်တွေကလည်း ဦးနှောက်ကို tryptophan တွေကိုပိုပြီးအသုံးချနိုင်အောင် အားပေးပါတယ်။
မဂ္ဂနီဆီယမ်နဲ့ အမိုင်နိုအက်စစ်တွေ ပြည့်ဝစွာပါဝင်တဲ့ ဖရုံစေ့တွေကလည်း ညမအိပ်ခင်စားဖို့ သင့်တော်တဲ့ အစားအစာတွေထဲမှာပါဝင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။