အစိမ်းရောင်ရှိတဲ့ အသီးအရွက်တွေ၊ ဂျုံကြမ်း၊ အစေ့အဆန်တွေ၊ ပဲတောင့်ရှည်တို့လို အမျှင်ဓာတ် များတာတွေ စားပေးလို့ ရတယ်။ အမျှင်ဓာတ်တွေက အဆာခံပြီး ခဏခဏ မစားဖြစ်အောင် တားဆီးပေးနိုင်ပါတယ်။ ဗိုက်အဆီ ဆိုတာ ဗိုက်ခေါက်သက်သက်တင် မဟုတ်ပါဘူး။ အသည်း၊ ပန်ကရိယ နဲ့ ကျောက်ကပ် အပါအဝင် အရေးပါတဲ့ ကိုယ်တွင်းအင်္ဂါတွေ အနားတဝိုက်မှာ ရှိနေတာမို့ အန္တရာယ် များတဲ့ အဆီတွေ ဖြစ်ပါတယ်။
ကိုယ်က လေ့ကျင့်ခန်း ပုံမှန်မလုပ်နိုင်ဘူးဆိုရင်တောင် အထိုင်မများပါစေနဲ့။ လှုပ်လှုပ်ရှားရှားနေပါ။ ဆက်တိုက်မထိုင်ဘဲ မကြာခဏ ထပြီး လမ်းလျှောက်ပေးပါ။
ရေများများသောက်ပါ ဒါမှမဟုတ် ခုခေတ်စားနေတဲ့ Detox water ဆိုတာတွေလည်း သောက်လို့ရပါတယ်။ သူတို့တွေက တိုက်ရိုက်အဆီကျစေတယ်ဆိုတာထက် ဗိုက်ပြည့်သွားတော့ အစားအလွန်အကျွံ မစားဖြစ်တော့ဘူးပေါ့။ ဒါနဲ့အတူ အစားဆင်ခြင်တာနဲ့ ကိုယ်လက်လှုပ်ရှားမှု တွေတော့ တွဲရမှာပါ။
ဂျင်မ်သွားတာ၊ ယောဂ ကစားတာတွေ မလုပ်နိုင်ရင်တောင် ဖုန်းထဲမှာ workout ဗီဒီယိုလေးတွေ ကြည့်ပြီး အိမ်မှာ လေ့ကျင့်ခန်း နည်းနည်းလုပ်လို့ ရပါတယ်။ ကိုယ်နိုင်သလောက် စလုပ်ပါ။ အရေးကြီးတာက နည်းလမ်းမှန်မှန်နဲ့ ပုံမှန်လုပ်ဖြစ်ဖို့ပါ။
အိပ်စက်ချိန်မှာ ကိုယ်တွင်းက ဟော်မုန်းတွေကို ထိန်းညှိပေးတာကြောင့် ခန္ဓာကိုယ်ရဲ့ ဇီဝဖြစ်စဉ်တွေကို မှန်ကန်စေပါတယ်။ အိပ်ရေးမဝတဲ့အခါ၊ နောက်ကျမှ အိပ်တဲ့အခါ ဟော်မုန်းတွေ ကမောက်ကမ ဖြစ်စေတာကြောင့် ဗိုက်ပူတာ၊ အဝလွန်တာ ဖြစ်စေပါလိမ့်မယ်။
ဒီအချက်တွေ အတိုင်း လုပ်မယ်ဆို ဗိုက်ခေါက် ဆိုတာ ဘယ်ရှာရမှန်း သိမှာ မဟုတ်ပါဘူး။ အလှကြိုက်တဲ့ ပျိုမေတို့ ဗိုက်အဆီကင်းတဲ့ ဘော်ဒီရှိတ်လေးတွေ ပိုင်ဆိုင်နိုင်ကြပါစေနော်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။