ကျန်းမာရေးကိရိယာများ
သင့်ရဲ့ ဆီးချိုအကြိုအဆင့် ဖြစ်နိုင်ခြေ ကို အွန်လိုင်းကနေ စစ်ဆေးမယ်
နှလုံးခုန်နှုန်း ဘယ်လောက်ရှိသင့်လဲ ဆိုတာကို အွန်လိုင်းကနေ တွက်ချက်ခြင်း
အလွယ်ကူဆုံးနည်းလမ်းများနဲ့ အွန်လိုင်းကနေ ဆီးချိုထိန်းကြမယ်
သင် သုက်လွှတ်မြန်နေတာလား ဆိုတာကို အွန်လိုင်းကနေ စစ်ဆေးနည်း
ကိုယ်ဝန်ဆောင် ကိုယ်အလေးချိန် ကို အွန်လိုင်းကနေတွက်ချက်မယ်
ဆီးကျိတ်ရောဂါဖြစ်နိုင်ခြေ ကို အွန်လိုင်းကနေ စစ်ဆေးခြင်း
မှ အချက်အလက် စစ်ဆေးထားပါသည်။ Aye Thi Mon
သစ်တော်သီး ကြွပ်ကြွပ်လေးကို ဆားလေး၊ သကြားလေး၊ ငရုတ်သီးမှုန့် ပါးပါးလေးနဲ့နယ် သံပုရာသီးလေး ညှစ်ပြီး စားတာက တော်တော်လေး စားကောင်းပါတယ်။ ဒီလို စားကောင်းတဲ့ သစ်တော်သီးလေးက ကျန်းမာရေးကို ဘယ်လိုများ အထောက်အကူပြုပေးလဲဆိုတာကို ဆောင်းပါးလေးထဲမှာ ပြောပြပေးသွားပါမယ်။
သစ်တော်သီးလို့ ဆိုလိုက်ရင် ထွေထွေထူးထူး ပြောပြစရာ မလိုအောင်ကို မျက်စိထဲ မြင်မိမယ် ထင်ပါတယ်။ သစ်တော်သီးက အခွံညိုညိုလေးမှာ အညိုရင့်ရင့် အစက်လေးတွေ ပါနေပြီး အလယ်ချက်တိုင်လေးနဲ့ပါ။ အတွင်းသားက ဖြူဖြူကြွပ်ကြွပ်လေးနဲ့ ချိုချိုချဉ်ချဉ်လေးပါ။
စားလို့ကောင်းတဲ့ သစ်တော်သီး ကြွပ်ကြွပ်လေးမှာ အခုလို အာဟာရဓာတ်တွေ ပါဝင်နေပါတယ်။
ကြွပ်ကြွပ်လေးနဲ့ စားလို့ကောင်းပြီး ခံတွင်းရှင်းစေတဲ့ သစ်တော်သီးလေးက အခုလို ကျန်းမာရေး အကျိုးကျေးဇူးတွေကို ပေးစွမ်းနိုင်ပါတယ်။
သစ်တော်သီးမှာ အမျှင်ဓာတ် ပါဝင်နေတာကြောင့် အူတွေရဲ့ အာဟာရစုပ်ယူမှုကို ကောင်းမွန်စေသလို အူတွေရဲ့ လှုပ်ရှားမှုကို ကောင်းမွန်စေနိုင်ပါတယ်။ ဝမ်းမှန်စေသလို လေပွတာ၊ အစာမကြေတာမျိုး မဖြစ်စေဖို့ ကာကွယ်ပေးနိုင်ပါတယ်။
အကျိုးပြု ဘက်တီးရီးယားတွေကို ကျန်းမာစေပြီး အစာခြေစနစ်ပြဿနာတွေ ကင်းဝေးစေဖို့ အကောင်းဆုံး ထောက်ကူပေးနိုင်ပါတယ်။
သစ်တော်သီးမှာ ပျော်ဝင်လွယ်တဲ့ အမျှင်ဓာတ် ပါတာကြောင့် သွေးတွင်းက အကျိုးမပြု ကိုလက်စထရောတွေကို ကျဆင်းစေပါတယ်။ သွေးပေါင်ချိန်ကို ထိန်းညှိပေးသလို သွေးတွင်းအဆီတွေကို လျှော့ချပေးနိုင်မှုက နှလုံးရောဂါ မဖြစ်စေဖို့ ကာကွယ်ပေးသလို သွေးတိုးရောဂါ မဖြစ်စေဖို့လည်း ကာကွယ်ပေးနိုင်ပါတယ်။
အမျှင်ဓာတ် ကြွယ်ဝမှုက အဆာခံနိုင်စေပြီး အဝမလွန်အောင် ကာကွယ်ပေးနိုင်သလို ဝိတ်ကျစေဖို့လည်း ထောက်ကူပေးပါတယ်။ အူမကြီးက အဆိပ်အတောက်တွေကိုလည်း ဖယ်ရှားပေးနိုင်ပါတယ်။
သစ်တော်သီးမှာ ပါဝင်တဲ့ ပျော်ဝင်လွယ်တဲ့ အမျှင်ဓာတ်က အစာခြေ လုပ်ငန်းစဉ်ကို အချိန်ကြာကြာ လုပ်ဆောင်စေခြင်းဖြင့် သွေးတွင်းသကြားဓာတ်ကို ထိန်းညှိပေးနိုင်ပါတယ်။ အင်ဆူလင် တုံ့ပြန်မှုကို ကောင်းစေပြီး ရုတ်တရက် သွေးတွင်းသကြားဓာတ် မြင့်တက်တာမျိုး မဖြစ်စေဖို့ ကာကွယ်ပေးပါတယ်။
ကဲ…. သစ်တော်သီးလေး စားရင်း အခုပြောပြခဲ့တဲ့ ကျန်းမာရေး အကျိုးကျေးဇူးလေးတွေကို ရယူလိုက်ကြစို့နော်။
သစ်တော်သီးက ကျန်းမာရေးနဲ့ ညီညွတ်တယ်ဆိုပေမယ့် အများကြီး စားမယ်ဆိုရင် လေချုပ်တာမျိုးဖြစ်စေနိုင်တာကြောင့် အလွန်အကျွံ မစားမိဖို့ လိုပါမယ်။ ကလေးငယ်လေးတွေ၊ ကိုယ်ဝန်ဆောင်မိခင်တွေ၊ နို့တိုက်မေမေတွေကတော့ ဆရာဝန်နဲ့ တိုင်ပင်ပြီးမှာ စားသင့်ပါတယ်။ ရောဂါအခံ ရှိသူတွေ၊ ဆေးသောက်နေရသူတွေ အနေနဲ့လည်း ဆရာဝန်နဲ့ တိုင်ပင်ပြီးမှ စားတာ အကောင်းဆုံးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Aye Thi Mon
advertisementဤဆောင်းပါးက အကူအညီဖြစ်ပါသလား။
advertisementadvertisement
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။