ကန်စွန်းကြီးရွက် စားသင့်တဲ့ အကြောင်းရင်း (၈) ချက်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 24, 2020 . 2 mins read
Share now

ကန်စွန်းကြီးရွက် ဆိုတာ ကန်စွန်းဥပင်ရဲ့ အရွက်တွေပါ။ ငါးဆုပ် သို့မဟုတ် ပုစွန်တို့နဲ့ ချဉ်ရည်ချက်စားရင် နူးနူးညံ့ညံ့လေးနဲ့ သိပ်စားကောင်းတဲ့ အရွက်ပေါ့။ ကန်စွန်းရွက်ထက် ပိုနူးညံ့သလို ကျန်းမာရေး အကျိုးကျေးဇူးလည်း မနည်းတဲ့ အသီးအရွက် ဖြစ်ပါတယ်။

ဝယ်ရတာ ရှားနေသလား။ အိမ်မှာ ကန်စွန်းဥတစ်ဥလောက် စိုက်ထားရုံနဲ့ တစ်အိမ်လုံး စားလောက်တဲ့ အထိ အပင် ဖြစ်ထွန်းလွယ်ပါတယ်။ ကြာလာရင် အော်ဂန်းနစ် ကန်စွန်းဥတောင် စားရလိမ့်ဦးမယ်။

ကန်စွန်းကြီးရွက်ရဲ့ ကျန်းမာရေး အကျိုးကျေးဇူးလေးတွေ ကြည့်လိုက်ရအောင်…

(၁) ဓာတ်တိုးဆန့်ကျင် အစွမ်းအာနိသင်ပေးတယ်

ကန်စွန်းကြီးရွက် လတ်လတ်ဆတ်ဆတ်လေး တွေမှာ ဓာတ်တိုးဆန့်ကျင်ပစ္စည်းတွေ ကြွယ်ဝတဲ့ အတွက် free radicals တွေကြောင့် ဖြစ်ရတဲ့ ထိခိုက်ပျက်စီးမှုတွေကို ကာကွယ်တားဆီးပေးပါတယ်။ ဒါ့ကြောင့် အရွယ်တင်စေတာ၊ ကင်ဆာ ကာကွယ်နိုင်တာ၊ အဆစ်ရောင်ရောဂါ သက်သာစေတာ၊ ပန်းနာရင်ကျပ် သက်သာစေတာ စတဲ့ အကျိုးကျေးဇူးတွေ ရရှိနိုင်ပါတယ်။

(၂) ရောင်ရမ်းမှု ကို သက်သာစေတယ်

ကန်စွန်းကြီးရွက်မှာ ပါတဲ့ အရောင်ကျစေတဲ့ ဒြပ်ပေါင်းတွေကြောင့် ဂေါက်ရောဂါ၊ အဆစ်နာရောဂါ၊ ပန်းနာရင်ကျပ် စတဲ့ ရောဂါရှိသူတွေအတွက် ဆေးတစ်ခွက်ပါပဲ။ သူ့ကို ကြာကြာ ချက်ပြုတ်ထားတဲ့ အရည် (အနီးစပ်ဆုံးက ချဉ်ရည်ဟင်း) က အကိုက်အခဲပျောက်ဆေး လို ထိုက်သင့်သလောက် စွမ်းဆောင်ပေးနိုင်ပါတယ်။

(၃) အစာချေဖျက်နိုင်စွမ်း ပိုကောင်းစေတယ်

အမျှင်ဓာတ် ပါဝင်မှု မြင့်မားတဲ့ အတွက် အစာခြေစနစ် ရဲ့ လုပ်ဆောင်ချက် တွေကို ကူညီထောက်ပံ့ပေးပြီး ဝမ်းချုပ်ခြင်းကို ကာကွယ် ဖြေရှင်းပေးနိုင်ပါတယ်။ အစာအိမ် အူလမ်းကြောင်း ပြဿနာတွေ အပြင် အူမကြီးကင်ဆာ ကိုပါ ကာကွယ်ပေးပါလိမ့်မယ်။

(၄) သွေးတွင်းသကြား ကို ထိန်းညှိပေးတယ်

ကာဗိုဟိုက်ဒရိတ် နည်းပါးပြီး အမျှင်ဓာတ် များတဲ့ ကန်စွန်းကြီးရွက်က ဆီးချိုသွေးချို ရောဂါရှိသူတွေ အတွက်လည်း အကျိုးပြုဓာတ်စာ တစ်မျိုး ဖြစ်ပါတယ်။ လတ်ဆတ်တဲ့ ကန်စွန်းကြီးရွက်က ခန္ဓာကိုယ်ထဲမှာ အင်ဆူလင်နဲ့သွေးတွင်းသကြားဓာတ်တို့ကို ထိန်းညှိပေးနိုင်စွမ်း ရှိပါတယ်။

(၅) နှလုံး ကျန်းမာစေတယ်

ကန်စွန်းကြီးရွက်က ပိုတက်စီယမ်ဓာတ်လည်း ကြွယ်ဝသလို စိတ်ပူပန်မှုနဲ့ စိတ်ဖိစီးမှုတွေကို ထိန်းချုပ်ပေးနိုင်တာမို့ သွေးတိုးကိုလည်း ကျစေနိုင်ပါတယ်။

အမျှင်ဓာတ်ကြွယ်ဝတာကြောင့် နှလုံးသွေးကြောတွေထဲမှာ အဆီတွေ စုပုံခြင်းကို တားဆီးပေးပြီး သွေးကြောပိတ်ဆို့ခြင်းကို ကာကွယ်ပေးပါတယ်။

(၆) ရာသီလာချိန် နာကျင်ကိုက်ခဲမှုတွေကို သက်သာစေတယ်

ကန်စွန်းကြီးရွက်က ဗီတာမင် ကေ ပါဝင်မှုကြောင့် အမျိုးသမီးတွေမှာ ရာသီမလာခင်နဲ့ ရာသီလာချိန် နာကျင်ကိုက်ခဲမှုတွေကို သက်သာလျော့ပါးစေနိုင်ပါတယ်။ ဗီတာမင် ကေ ချို့တဲ့ခြင်းက ရာသီလာချိန် ခံစားရတဲ့ လက္ခဏာတွေကို ပိုဆိုးစေနိုင်ပါတယ်။

(၇) မျက်စိ အားကောင်းစေတယ်

ကန်စွန်းကြီးရွက်မှာ ဘီတာကယ်ရိုတင်း ကြွယ်ဝတာကြောင့် ဗီတာမင် အေ တွေ ရရှိနိုင်တယ်လေ။ ဒါကြောင့် မျက်စိကျန်းမာရေး အတွက် အကျိုးကျေးဇူးတွေ ရနိုင်တာ အဆန်းတော့ မဟုတ်ပါဘူး။

ဗီတာမင် အေ ချို့တဲ့မယ် ဆိုရင် မျက်စိအားနည်းတာ၊ အမြင်အာရုံမကြည်လင်တော့တာ၊ မျက်ရိုးကိုက်တာ စတဲ့ အမြင်အာရုံပြဿနာတွေ ဖြစ်လာနိုင်ပါတယ်။ ကန်စွန်းကြီးရွက်၊ ကန်စွန်းဥ တို့လို ဘီတာကယ်ရိုတင်း ကြွယ်ဝတဲ့ အစားအစာတွေ စားပေးရင် ဒီပြဿနာတွေ ကာကွယ်နိုင်ပါလိမ့်မယ်။

(၈) သွားဖုံး ကျန်းမာစေတယ်

သွားနဲ့ သွားဖုံးပြဿနာတွေက ဗီတာမင် ကေ၊ ဗီတာမင် ဒီ၊ ဗီတာမင် အေ နဲ့ ဗီတာမင် စီ တို့ ချို့တဲ့ရင် ဖြစ်တတ်ပါတယ်။ ဒီအာဟာရဓာတ်တွေ ပါတဲ့ အစားအသောက်တွေကို စားမယ်ဆိုရင် သွားနဲ့ သွားဖုံး ကျန်းမာစေပါတယ်။

ကန်စွန်းကြီးရွက်မှာ ပါတဲ့ ဗီတာမင် ကေ က တခြားဗီတာမင်နဲ့ သတ္တုဓာတ်တွေနဲ့ ပေါင်းစပ်ပြီး သွားကြွေလွှာ ပျက်စီးခြင်းကို ကာကွယ်ပေးနိုင်ပါတယ်။

အရသာရှိပြီး ဒီလိုအာဟာရ ပြည့်တဲ့ ကန်စွန်းကြီးရွက်ကို ကြော်စားစား၊ ချက်စားစား ကြိုက်တဲ့နည်းနဲ့ စားကြည့်လိုက်ပါတော့။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မုယော ရဲ့ကျန်းမာရေး အာနိသင်

မုယော (malt) လို့ ပြောလိုက်ရင် အရင်ဆုံး ပြေးမြင်တာ ဘာလဲ။ malted milk လား။ မုယော အားဖြည့်အချိုရည်တွေလား .......................................

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်

အုန်းလက်၊ အုန်းမြစ် တို့ကလည်း ဆေးဖက်ဝင်ပါတယ်။ အုန်းသီးကတင် စားလို့ရပြီး ဆေးဖက်ဝင်တာ မဟုတ်ပါဘူး။ အုန်းလက်၊ အုန်းမြစ်တွေကရော ဘယ်လို ဆေးဖက်ဝင်တာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကင်ဆာပြန်မဖြစ် အောင် ဘယ်လို ဆင်ခြင်နေထိုင်သင့်သလဲ

ကင်ဆာပြန်မဖြစ် အောင် ကာကွယ်လို့ ရလား။ ကင်ဆာပြန်မဖြစ်စေဖို့ ဘယ်လို စားသောက်နေထိုင်မှု ပုံစံတွေကို လိုက်နာသင့်သလဲဆိုတာ ပြောပြပေးပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကင်ဆာရောဂါများ, အခြားကင်ဆာများ ဖေ‌ဖော်ဝါရီ 23, 2021 . 3 mins read

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 11, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read