ကိုယ်လက်လေ့ကျင့်ခန်း ပြုလုပ်ခြင်းက သင့် ကြွက်သားနဲ့ အရိုးအဆစ်တွေကို တောင့်တင်းသန်မာစေပြီး အလိုက်သင့်လှုပ်ရှားရာမှာ ပိုမိုလွယ်ကူစေပါသလို သွေးလှည့်ပတ်မှုကိုလည်း ကောင်းမွန်စေပါတယ်။ လမ်းလျှောက်ခြင်း၊ စက်ဘီးစီးခြင်း၊ ရေကူးခြင်းစတဲ့ လေ့ကျင့်ခန်းတွေ ပြုလုပ်နိုင်သလို ယောဂကျင့်ခြင်းဟာလည်း သင့်အတွက် ကောင်းကျိုးရလဒ်တွေ ဖြစ်စေနိုင်ပါတယ်။
ကိုယ်လက်လေ့ကျင့်ခန်းကို တတ်နိုင်သမျှ ပုံမှန်ပြုလုပ်ပေးပါ။ လေ့ကျင့်ခန်းလုပ်ရာမှာ လုံခြုံစိတ်ချရပြီး ထိရောက်မှုရှိစေဖို့ သင့်တော်တဲ့ ရှူးဖိနပ်၊ အဝတ်အစား၊ စက်ဘီး စသည်တို့ကို အသုံးပြုပါ။
သက်ကြီးပိုင်းတွေအနေနဲ့ ကားကို လိုတာထက်ပိုပြီး မြန်မြန်မမောင်းသင့်ပါဘူး။ ကားမြန်မြန်မောင်းတဲ့အခါ ရုတ်တရက်ဖြစ်လာမယ့် အခြေအနေတွေကို ထိန်းသိမ်းကျော်လွှားဖို့ ခက်ခဲသလို မတော်တဆမှု ဖြစ်ခဲ့ရင်လည်း ထိခိုက်ပျက်စီးမှု ပိုများနိုင်ပါတယ်။ ဒါကြောင့် အရှိန်လျော့မောင်းခြင်းက အကောင်းဆုံးပါပဲ။
အိုမင်းခြင်းကို ဘယ်သူမှ မရှောင်လွှဲနိုင်ပါဘူး။ သက်ကြီးပိုင်းရောက်လာတဲ့အခါ ငယ်စဉ်ကလောက် ကောင်းကောင်းမမြင်နိုင်၊ ကောင်းကောင်းမလှုပ်ရှားနိုင်တော့တာ ဓမ္မတာပါပဲ။ အသက်ကြီးလာလေ ကားမောင်းရခက်ခဲလာလေဆိုပေမယ့် ဒီအချက်ကြောင့် ကားမောင်းခြင်းကို လုံးဝစွန့်လွှတ်ရမယ်လို့တော့ မဆိုလိုပါဘူး။ အထက်မှာဖော်ပြခဲ့တဲ့ နည်းလမ်းတွေအတိုင်း လိုက်နာမယ်ဆိုရင် အန္တရာယ်ကင်းရှင်းပြီး လုံခြုံစိတ်ချစွာ ကားမောင်းနိုင်မှာ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။