Myotonic dystrophy (ကြွက်သားများချို့ယွင်းခြင်း) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အဓိပ္ပါယ်ဖွင့်ဆိုချက်

Myotonic dystrophy (ကြွက်သားများချို့ယွင်းခြင်း) ကဘာလဲ။

ကြွက်သားများချို့ယွင်းခြင်းဆိုသည်မှာ ကြွက်သားများတဖြည်းဖြည်း အားနည်းလာခြင်းသေးလာခြင်းကိုခေါ်သည်။ ထိုအခြေအနေနှင့် ကြွက်သားများတင်းအားများ(ကြွက်သားများအသုံးပြုပြီးနောက် အနားမယူနိုင်တော့ခြင်း)နှင့်တွဲဖြစ်တတ်သည်။ ဥပမာ တခါးလက်ကိုင်အား ဆုပ်ကိုင်ပြီးပြန်မလွှတ်နိုင်တော့ခြင်း။ ခဏတာ ပါးစပ်စေ့၍မရတော့ခြင်းနှင့် အသံမပီခြင်းများလဲဖြစ်တတ်သည်။

Myotonic dystrophy (ကြွက်သားများချို့ယွင်းခြင်း) က ဘယ်လောက်အဖြစ်များသလဲ

ကြွက်သားမျာချို့ယွင်းခြင်းသည် လူကြီးများတွင်ဖြစ်တတ်သောအခြေအနေတခုဖြစ်သည်။ ထပ်မံသိလိုသည်များအတွက်ဆရာဝန်နှင့်တိုင်ပင်ပါ။

လက္ခဏာများ

Myotonic dystrophy (ကြွက်သားများချို့ယွင်းခြင်း) ရဲ့လက္ခဏာတွေကဘာတွေလဲ

အသက်နှစ်ဆယ်နှင့် သုံးဆယ်အစပိုင်းတွင်ကြွက်သားများအားနည်းလာပြီး ကြွက်သားချို့ယွင်းခြင်းကိုစတင်ခံစားရတတ်သည်။ ဤသို့ဖြစ်ခြင်းသည် ခြေထောက် လက် လည်ပင်းနှင့်မျက်နှာတို့တွင်ဖြစ်တတ်သည်။ ကြွက်သားများတောင့်တင်းခြင်းများလည်းခံရတတ်ပြီး ကြွက်သားများအသုံးပြုပြီး ပြန်အားဖျော့ရန်ကြာတတ်သည်။ လက်ဆွဲနှုတ်ဆက်ပြီးသို့မဟုတ် တံခါးလက်ကိုင်ကိုင်ပြီးပြန်မလွှတ်ခြင်းသည်ထိုအခြေအနေ၏ ဥပမာတခုဖြစ်သည်။

ထိုထက်မက ကြွက်သားများချို့ယွင်းခြင်းရောဂါခံစားရသူများတွင် မျက်လုံးတွင်တိမ်ဖုံးခြင်း နှင့်နှလုံးခုန်မမှန်တော့ခြင်းများလည်းဖြစ်တတ်သည်။

ကြွက်သားများချို့ယွင်းခြင်းခံစားနေရသောယောက်ျားလေးများတွင် ထိပ်ပြောင်ခြင်းနှင့် တခါတရံတွင်ကလေးမ၇သည်အထိဖြစ်နိုင်သည်။

ဤရောဂါလက္ခဏာများဖြင့်မွေးဖွားလာသောကလေးငယ်များအား မွေးရာပါကြွက်သားများချို့ယွင်းသည်ဟုခေါ်သည်။ ကြွက်သားများအားနည်းခြင်းကြောင့် အသက်ရူခြင်း ဖွံဖြိုးမှုအားနည်းခြင်း(ဥပမာ ဦးနှောက်ဖွံဖြိုးမှုအားနည်းခြင်းအထိ) ဖြစ်စေတတ်သည်။ တခါတရံ ရောဂါပြင်းထန်ခြင်းကြောင့်သေသည်အထိဖြစ်နိုင်သည်။

အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်ဆီမှာအထက်ဖော်ပြပါ ရောဂါလက္ခဏာတွေထဲကတစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာမတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကိုသင့်ဆရာဝန်နဲ့ တိုင်ပင်တာကအကောင်းဆုံးပါပဲ။

အကြောင်းရင်းများ

Myotonic dystrophy (ကြွက်သားများချို့ယွင်းခြင်း) ကိုဘာတွေကဖြစ်စေသလဲ

ကြွက်သားများချို့ယွင်းခြင်းသည် မျိုးရိုးလိုက်သောရောဂါတစ်ခုဖြစ်ပြီး ကြွက်သားပုံမှန်အလုပ်လုပ်နိုင်သောဗီဇပြောင်းလဲသွားခြင်းကြောင့်ဖြစ်သည်။ လွှမ်းမိုးသောဗီဇ တခုမကောင်းသည်နှင့်ရောဂါဖြစ်တတ်သည်။ ကလေးတိုင်းတွင် ဖြစ်နှုန်း ၅၀ရာခိုင်နှုန်းရှိသည်။ မိဘ နှစ်ဦးလုံးရောဂါမဖြစ်က ကလေးတွင်မဖြစ်နိုင်ပါ။

ဖြစ်နိုင်ခြေများ

ငါ့ဆီမှာ Myotonic dystrophy (ကြွက်သားများချို့ယွင်းခြင်း) ဖြစ်နိုင်ခြေကိုဘာ်တွေက မြင့်တက်စေသလဲ

အသေးစိတ်သိရှိလိုပါက ဆရာဝန်နှင့် တိုင်ပင် ဆွေးနွေးဖို့ လိုအပ်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Myotonic dystrophy (ကြွက်သားများချို့ယွင်းခြင်း) ကို ဘယ်လိုအတည်ပြုပါသလဲ

ရောဂါသေချာစေရန်စမ်းသက်မှုများပြုလုပ်မည်။ စမ်းသက်မှုများပြုလုပ်ခြင်းဖြင့် ကြွက်သားများ အားနည်းခြင်း သေးခြင်း တောင့်တင်းခြင်းရှိမရှိကို သိနိုင်သည်။ ရောဂါရှိသူတွင် မြင်သာသော မျက်နှာပုံသဏာန်(မေးရိုးနှင့် လည်ပင်းရှိကြွက်သားများသေး၍အားနည်းနေခြင်း)ရှိတတ်သည်။ ယောကျာ်းလေးများတွင် ထိပ်ပြောင်ခြင်းများရှိတတ်သည်။

ရောဂါသေချာစေရန် ပြုလုပ်နိုင်သော ဓါတ်ခွဲခန်းဆိုင်ရာ စမ်းသက်မှုများရှိပါသည်။ လျပ်စစ်ဖြင့်ကြွက်သားအလုပ်လုပ်မှုစမ်းသပ်ခြင်းတွင် အပ်အားကြွက်သားအတွင်းသို့ထိုးထည့်သည်။ ထိုသို့ထိုးထည့်ခြင်းဖြင့် ကြွက်သားအတွင်းရှိလျပ်စစ်စွမ်းအားအားလည်းလေ့လာနိုင်သည်။ များသောအားဖြင့် သိသာသောလက္ခဏာပြတတ်သည်။

ရောဂါသေချာစေသောနည်းမှာ မျိုးရိုးဗီဇလေ့လာခြင်းပါသည်။ သွေးယူ၍ သွေးဖြူဥအတွင်းရှိဗီဇပြောင်းလဲနေသောအရာကိုလေ့လာသည်။CNBPဗီဇပြောငိးလဲပါက(type 1)နှင့် DMPKပြောင်းလဲပါက (type 2) ဟုခေါ်သည်။ ဒီအန်နေ ပုံမမှုန်မှုကြောင့် ဆဲလ်လုပ်ဆောင်မှုများလဲ ပုံမမှန်ဖြစ်စေသည်။ ကြွက်သားနှင့် အခြားတစ်သျူးရှိ ဆဲလ်များကောင်းမွန်စွာမလုပ်နိုင်သောကြောင့် ဤရောဂါကိုဖြစ်စေသည်။

Myotonic dystrophy (ကြွက်သားများချို့ယွင်းခြင်း) ကို ဘယ်လိုကုသပါသလဲ

ယခုလောလောဆယ်တွင် ကုသမှုနည်းလမ်းများမရှိသေးပါ။ ခြေထောက်နှင့်ခြေကျင်းဝတ်အားထောက်ပံ့ပေးခြင်းဖြင့် ကြွက်သားအားလျော့မှုပိုမဆိုးလာအောင်ထိန်းနီုင်သည်။ ကြွက်သားတောင့်တင်းခြင်းကိုသက်သာစေသော ဆေးနည်းများလည်းရှိပါသည်။ ကြွက်သားချို့ယွင်းခြင်းကြောင့်ဖြစ်လာသည့် နှလုံးနှင့်ဆိုင်သောပြဿနာ မျက်စိနှင့်ဆိုင်သောပြဿနာ(တိမ်ကွယ်ခြင်း)များအားကုသ၍ ရနိုင်သည်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ကြွက်သားချို့ယွင်းခြင်းကိုကုသရာမှာဘယ်လိုအထောက်အကူပြုနိုင်မလဲ။

အကယ်၍သင့်မှာမေးခွန်းတွေရှိမယ်ဆိုရင် သင့်အတွက်သင့တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

တည်းဖြတ်သည့်နေ့ ဖေ‌ဖော်ဝါရီ 23, 2018 | နောက်ဆုံးတည်းဖြတ်ခြင်း မတ် 15, 2018

ရင်းမြစ်များ
သင်ဒါလည်း နှစ်သက်နိုင်ပါတယ်။