Keratosis pilaris (ကြာဆူး)

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

အဓိပ္ပာယ်ဖွင့်ဆိုချက်

ကြာဆူးဆိုတာ ဘာလဲ

Keratosis pilaris (ကြာဆူး) ဆိုတာ လက်၊ခြေထောက်နဲ့တင်ပါးတို့မှာ အသားခြောက်ပြီး ခပ်ကြမ်းကြမ်းအဖုလေးတွေဖြစ်လာတတ်တဲ့ အန္တရာယ်မရှိတဲ့အရေပြားပြဿနာတစ်ခုဖြစ်ပါတယ်။ မွေးညင်းပေါက်လေးတွေမှာ ကြက်သီးထသလို ခပ်မာမာ အဖုချွန်ချွန်လေးတွေဖြစ်လာတတ်ပေမယ့် တစ်ခါတလေ အနည်းငယ်ယားယံတာကလွဲလို့ ပိုဆိုးလာတာ၊ ထိခိုက်နာကျင်စေတာမျိုးမရှိပါဘူး။

ကြာဆူးဟာ အန္တရာယ်မရှိတဲ့ သာမန်အရေပြားပြဿနာဖြစ်ပြီး အထူးတလည်ကုသစရာမလိုပါဘူး။ အရေပြားမခြောက်သွေ့အောင် moisturizer နဲ့ cream လေးတွေသုံးပေးရင်သက်သာပျောက်ကင်းနိုင်ပါတယ်။ ကလေးတွေနဲ့ ဆယ်ကျော်သက်တွေမှာ အဖြစ်များပြီး အသက်ကြီးလာတဲ့အခါပျောက်ကင်းသွားတတ်ပါတယ်။

လက္ခဏာများ

ကြာဆူးရဲ့လက္ခဏာတွေက –
  • ကြမ်းတမ်းခြောက်သွေ့ပြီး ခပ်စူးစူး အဖုလေးတွေဖြစ်လာခြင်း
  • အရေပြားမှာ ကြက်သီးထသလို ဖြစ်လာခြင်း
  • ဆောင်းတွင်း သို့မဟုတ် ခြောက်သွေ့တဲ့ရာသီဥတုမှာ ပိုသိသာလာခြင်း
  • အနည်းငယ် ယားယံခြင်း တို့ဖြစ်ပါတယ်။

တချို့တွေမှာတော့ သိသာထင်ရှားတဲ့အဖုလေးတွေအစုလိုက်ဖြစ်လာပြီး အရေပြားအနီကွက် အပျဉ်လိုက်ဖြစ်နေတတ်ပါတယ်။

အကြောင်းရင်းများ

အရေပြားမှာ ရောဂါပိုးဝင်ခြင်းနဲ့တခြားထိခိုက်မှုတွေမဖြစ်အောင်ကာကွယ်ပေးတဲ့ keratinပရိုတင်းတွေများပြားစုပုံလာမှုကြောင့် ကြာဆူးဖြစ်လာတာပါ။ ဒီပရိုတင်းအစုက မွေးညင်းပေါက်ကိုပိတ်ဆို့စေတာဖြစ်ပါတယ်။ ဒါပေမယ့် ပိတ်ဆို့ရတဲ့အကြောင်းရင်းကို အတိအကျမသိသေးပါဘူး။

ကိုယ်ကအသားအရေခြောက်သွေ့တတ်သူဖြစ်ရင် ကြာဆူးပိုဖြစ်လွယ်နိုင်ပါတယ်။ ကြာဆူးက  လေထုတွင်းစိုထိုင်းမှုနည်းတဲ့ ဆောင်းတွင်းမှာ ပိုသိသာတတ်ပြီး နွေရာသီမှာပျောက်ကင်းတတ်ပါတယ်။ ကြာဆူးက အသားအရေခြောက်သွေ့မှု၊ ဗီတမင် A နဲ့ ခန္ဓာကိုယ်အတွက်လိုအပ်တဲ့ fatty acid တို့ချို့တဲ့မှုနဲ့လည်း ဆက်နွှယ်နေပါတယ်။

ဖြစ်နိုင်ခြေများစေသောအချက်များ

ဘယ်သူတွေမှာ ကြာဆူးဖြစ်နိုင်ခြေပိုများသလဲ

ကိုယ့်မှာ ဒီအချက်တွေရှိနေရင် ကြာဆူးဖြစ်တတ်တာများပါတယ် –

  • ကြာဆူးဖြစ်လေ့ရှိတဲ့သူတွေ ဆွေမျိုးရင်းချာထဲမှာရှိနေရင်
  • ပန်းနာရင်ကျပ်ရောဂါ
  • ခြောက်သွေ့တဲ့အသားအရေရှိသူဖြစ်ရင်
  • နှင်းခူနာ
  • ပန်းဝတ်မှုန်ကြောင့်ဖျားနာခြင်း (Hay fever)
  • ကိုယ်အလေးချိန်များနေသူဖြစ်ရင်
  • Ichthyosis vulgaris (အသားအရမ်းခြောက်သွေ့စေတဲ့ အရေပြားရောဂါ)
  • Melanoma အရေပြားကင်ဆာရှိနေပြီး ကင်ဆာဆေးသုံးစွဲနေရသူဖြစ်ရင်။

ရောဂါအဖြေရှာခြင်းနှင့် ကုသမှု

ရောဂါအဖြေရှာခြင်း

ပုံမှန်အားဖြင့် ကြာဆူးအတွက် ဆရာဝန်ပြပြီး ရောဂါရှာဖွေစစ်ဆေးမှုခံယူဖို့မလိုအပ်ပါဘူး။ဆရာဝန်ပြမယ်ဆိုရင်လည်း ဒီလိုဖြစ်နေတဲ့အရေပြားကို ဆရာဝန်က ကြည့်ပြီးစစ်ဆေးပေးမှာပါ။ ဆေးစစ်ဖို့၊ရောဂါရှာဖွေဖို့အထိ လိုအပ်မှာမဟုတ်ပါဘူး။

ကုသမှု

ကြာဆူးဖြစ်ခြင်းအတွက် ကုသမှုသီးသန့်မရှိပါဘူး။ ဒါပေမယ့် ကိုယ်အသားအရေအတွက် ခြောက်သွေ့မှုမဖြစ်စေဖို့ အစိုဓာတ်ထိန်းတဲ့လိုးရှင်းတွေ၊ ခရင်မ်တွေ လူးပေးရုံနဲ့ သက်သာနိုင်ပါတယ်။ အတော်များများက ဆေးဆိုင်မှာအလွယ်တကူဝယ်ယူရရှိနိုင်ပေမယ့် ပိုပြင်းထန်တဲ့အခြေအနေတွေအတွက်တော့ ဆရာဝန်ညွှန်ကြားချက်နဲ့ဝယ်လိမ်းပါ။

ကြာဆူးဖြစ်လာရင် ဘယ်လိုလုပ်ရမလဲ

မဖြစ်အောင် ကြိုတင်ကာကွယ်လို့မရနိုင်ပေမယ့် ဖြစ်လာရင်တော့ အသားအရေကို ကိုယ်တိုင်ဂရုစိုက်ပေးရင် သက်သာပျောက်ကင်းနိုင်ပါတယ်။ကြာဆူးဖြစ်လာရင် –

  • အဖုလေးတွေကို မကုတ်ပါနဲ့။ အရေပြားကို ခပ်ကြမ်းကြမ်းမပွတ်တိုက်ပါနဲ့။
  • ရေချိုးရင် ရေနွေးနဲ့မချိုးပါနဲ့။ ရေနွေးနဲ့ချိုးတာ၊ ရေအကြာကြီးချိုးတာတွေက အရေပြားပေါ်ကအဆီတွေကို ပါသွားစေနိုင်ပါတယ်။ ဒါ့ကြောင့် ရေချိုးချိန်ကို ကန့်သတ်ပါ။
  • အစိုဓာတ်ထိန်းပါ။ ရေချိုးပြီးရင် အရေပြားမစိုမခြောက်အနေအထားမှာ Vaseline၊ glycerin  သို့မဟုတ် lanolin ပါဝင်တဲ့  moisturizer တစ်မျိုးကိုလူးပေးပါ။ moisturizer ပျစ်ရင် ပိုကောင်းပါတယ်။ ကြာဆူးဖြစ်တဲ့နေရာမှာ မကြာခဏလူးပေးနိုင်ပါတယ်။
  • တင်းကျပ်တဲ့အဝတ်အစားတွေနဲ့မပွတ်တိုက်အောင်ဂရုစိုက်ပါ။ ကြာဆူးဖြစ်နေတဲ့ အရေပြားကို အဝတ်အစားကျပ်ပြီး မပွန်းမိအောင်ဂရုစိုက်ပါ။
  • အဆီဓာတ်ပါတဲ့ဆပ်ပြာကိုသုံးပါ။
  • အိမ်ထဲမှာ လေထုစိုထိုင်းဆကိုထိန်းပေးတဲ့ humidifier သုံးပေးပါ။
  • အသားအရေကို ထိတွေ့မှုညင်သာပါ။ အနံ့ပြင်းတဲ့၊ အာနိသင်ပြင်းတဲ့ကိုယ်တိုက်ဆပ်ပြာတွေမသုံးပါနဲ့။ အရေပြားဆဲလ်သေတွေကို ကိုယ်တိုက်အဝတ်စနုနုလေးနဲ့အသာအယာဖယ်ရှားပါ။ ကြေးတွန်းတဲ့အခါ အကြမ်းပရမ်းပွတ်တိုက်တာက မွေးညင်းပေါက်ကိုထိခိုက်စေပြီး အခြေအနေပိုဆိုးစေနိုင်ပါတယ်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

 

တည်းဖြတ်သည့်နေ့ ဖေ‌ဖျောဝါရီ 5, 2018 | နောက်ဆုံးတည်းဖြတ်ခြင်း မတျ 20, 2018