မှ အချက်အလက် စစ်ဆေးထားပါသည်။ Dr. Kaung Thar
ရေးနောဖြစ်ရပ် သို့မဟုတ် ရေးနောရောဂါသည် လက်ချောင်း ခြေချောင်းများ၌ အေးလွန်းသည့်အခါ စိတ်ဖိစီးသည့်အခါများတွင် အေးစက်ထုံကျင်ခြင်း ဖြစ်လာစေသည့်ရောဂါတစ်မျိုးဖြစ်ပါသည်။ ရေးနောရောဂါတွင် အရေပြားသို့သွားသော သွေးလွှတ်ကြောငယ်များ ကျဉ်းသွားစေပြီး သွေးစီးဆင်းမှုကို ကန့်သတ်သွားစေပါသည်။
အမျိုးသားများထက် အမျိုးသမီးများက ရေးနောရောဂါပိုဖြစ်နိုင်၏။ အေးသောဒေသများတွင် နေထိုင်ကြသူများပိုအဖြစ်များသည်။
ရေးနောရောဂါကုထုံးမှာ ပြင်းထန်မှုနှင့် တခြားရောဂါများ ရှိမရှိပေါ် မူတည်ပါသည်။ လူအများစုတွင် ရေးနောရောဂါကြောင့် ဘာမှမလုပ်နိုင်ဖြစ်ရတတ်သည်။ ထို့ကြောင့် ဘဝအရည်အသွေးကိုပါ ကျစေပါသည်။
ဒီရောဂါသည် အလွန့်အလွန်အဖြစ်များ၏။ အမျိုးသားများထက် အမျိုးသမီးများတွင် ပိုအဖြစ်များ၏။ အသက်အရွယ်မရွေးဖြစ်နိုင်သည်။ ရောဂါဖြစ်ပွားနိုင်သောအချက်အလက်များကို လျှော့ချခြင်းအားဖြင့် စီမံနိုင်ပါသည်။ အချက်အလက်များထပ်မံသိရှိဖို့အတွက် ဆရာဝန်နှင့် တိုင်ပင်ဆွေးနွေးသင့်ပါသည်။
ရေးနောရောဂါ၏ လက္ခဏာများမှာ သွေးကြောကျဉ်းခြင်း၏ ပြင်းထန်မှု၊ ကြာချိန်နှင့် အကြိမ်ရေပေါ်မူတည်ပါသည်။ အဖြစ်များသော လက္ခဏာများမှာ
ရေးနောရောဂါဖောက်သည့်အခါ ဖြစ်နေသောအရေးပြားမှာ ပထမဆုံးအဖြူရောင် ပြောင်းသွားမည်။ ထို့နောက်တွင် ဖြစ်သောနေရာမှ အပြာရောင်အဖြစ်ပြောင်းသွားကာ အေးပြီးထုံကျင်လာပါလိမ့်မည်။ နွေးလာပြီးနောက် သွေးလှည့်ပတ်မှုပြန်ကောင်းလာသည့်အခါ ဖြစ်သောနေရာသည် အနီရောင်ပြန်သန်းလာကာ တဆစ်ဆစ်နှင့် ထုံကျင် ဖောင်းကြွလာပါလိမ့်မည်။ အရောင်ပြောင်းလဲသည့်ဖြစ်စဉ်မှာ တစ်ဦးနှင့်တစ်ဦး မတူနိုင်ပါ။ လူအားလုံး အရောင်သုံးရောင်လုံး ခံစားရသည်မဟုတ်ပါ။
ရေးနောမှာ လက်ချောင်းနှင့် ခြေချောင်းများ၌ အဖြစ်များသော်လည်း တခြားနေရာများတွင်ပါ ဖြစ်တတ်ပါသေးသည်။ ဥပမာ နှာခေါင်းထိပ်၊ နှုတ်ခမ်း၊ နားနှင့် နို့သီးခေါင်းများ။ ပူနွေးပြီးနောက် ပုံမှန်သွေးလှည့်ပတ်မှုပြန်ရရန် အနည်းဆုံး ၁၅ မိနစ် ကြာတတ်ပါသည်။
အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်း ရှိနိုင်ပါသေးသည်။ အကယ်၍ကိုယ့်ဆီ၌ ရောဂါလက္ခဏာတစ်ခုခုများ ရှိနေမလားဆိုပြီး စိုးရိမ်နေမည်ဆိုပါက ဆရာဝန်နှင့်ဆွေးနွေးတိုင်ပင်သင့်ပါသည်။
ရေးနောရောဂါ ခပ်ပြင်းပြင်းဖြစ်ဖူးလျှင် သို့မဟုတ် ဖြစ်သည့်လက်များခြေများတွင် အနာများ ပိုးဝင်ခြင်းများ ရှိလာလျှင် ဆရာဝန်ဆီ ချက်ချင်းပြပါ။
သင့်ဆီမှာ အထက်ဖော်ပြပါ ရောဂါလက္ခဏာတွေထဲမှ တစ်ခုခုများရှိနေမည်ဆိုလျှင် သို့မဟုတ် မေးခွန်းတစ်ခုခုရှိနေမည်ဆိုပါက ဆရာဝန်နှင့်တိုင်ပင်ဆွေးနွေးပါ။ လူတိုင်း၏ခန္ဓါကိုယ်တုံ့ပြန်မှုသည် မတူညီနိုင်ပါ။ သင့်အခြေအနေအတွက် ဘာအကောင်းဆုံးလဲဆိုတာကို သင့်ဆရာဝန်နှင့် တိုင်ပင်ခြင်းက အကောင်းဆုံးပင်။
ရေးနှောရောဂါဖြစ်ရသည့်အကြောင်းရင်း တိတိကျကျကို ဆရာဝန်များနားမလည်သေးပါ။ သို့သော် လက်များခြေများတွင်ရှိသော သွေးကြောများမှာ အအေးချိန်နှင့် ဖိစီးမှုကို သာမာန်ထက်ပိုတုန့်ပြန့်ရပါသည်။
ရေးနောတွင် လက်ချောင်းခြေချောင်းများရှိ သွေးလွှတ်ကြောငယ်လေးများက အအေး သို့မဟုတ် ဖိစီးမှုနှင့်ထိတွေ့ပါက ကျဉ်းသွားပြီးနောက် သွေးစီးဆင်းမှုကို တန့်သွားစေသည်။ အချိန်ကြာလာသည်နှင့် ထိုသွေးကြောလေးများ အနည်းငယ်ထူလာပြီး နောက်ပိုင်းတွင်လည်း သွေးစီးဆင်းမှုကို ပိုတန့်စေနိုင်၏။
အအေးချိန်သည် ရောဂါအဖောက်ဆုံး လှုံ့စော်မှုတစ်ခုဖြစ်သည်။ အအေးနှင့်ထိတွေ့ခြင်း ဥပမာ ရေအေးထဲတွင် လက်ထည့်ခြင်း၊ ရေခဲသေတ္တာထဲမှ တစ်ခုခုယူလိုက်ခြင်း၊ လေအေးနှင့်ထိတွေ့မိခြင်းတို့သည် လှုံ့စော်မှုများ ဖြစ်ကြပါသည်။ တစ်ချို့လူများတွင် စိတ်ခံစားမှုကြောင့်ဖြစ်သော ဖိစီးမှုသည် ရေးနောရောဂါဖောက်စေသည့်အချက်ဖြစ်သည်။
ဤရောဂါတွင် အဓိကအမျိုးအစားနှစ်မျိုးရှိသည်။
တစ်ဆင့်ခံရေးနောဖြစ်ရသည့် အကြောင်းရင်းများ
တစ်ချို့သောဆေးများ – သွေးတိုးအတွက်သုံးသော ဘီတာဘလော့ကာလိုဆေးများ၊ Ergotamine, sumatriptan များပါသော ခေါင်းတစ်ခြမ်းကိုက်ပျောက်ဆေးများ၊ အာရုံမစိုက်နိုင်သော/ တက်ကြွလွန်သော ရောဂါများတွင်သုံးသောဆေးများ၊ တစ်ချို့သော ကင်ဆာဆေးများ၊ သွေးကြောများကိုကျဉ်းစေသောဆေးများ စသည်တို့သည် ရေးနောနှင့်ဆက်စပ်မှုရှိနိုင်ပါသည်။
မူလရေးနောရောဂါကိုဖြစ်စေနိုင်သည့် အကြောင်းရင်းများမှာ –
တစ်ဆင့်ခံရေးနောကို အဖြစ်များစေသည့် အကြောင်းရင်းများ –
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ဆရာဝန်မှ ရောဂါရာဇဝင်နှင့်လက္ခဏာများကို မေးမြန်းပြီး စမ်းသပ်ပါလိမ့်မည်။ တခြားသော သဏ္ဍာန်တူလက္ခဏာများရှိတတ်သည့် အာရုံကြောညှပ်ခြင်းလိုကိစ္စများကိုပါ ရှာဖွေရန် စစ်ဆေးမှုများ ပြုလုပ်ပါမည်။
မူလနှင့် တစ်ဆင့်ခံရေးနောကိုခွဲခြားရန်အတွက် ဆရာဝန်မှ Nail Fold Capillaroscopy ဟုခေါ်သော စစ်ဆေးမှုကို ပြုလုပ်နိုင်ပါသည်။ စစ်ဆေးရာတွင် ဆရာဝန်မှ သင့်၏လက်သည်းခွံအခြေကို အဏုကြည့်မှန်ပြောင်းနှင့် ကြည့်ရှု့စစ်ဆေးပါမည်။ လက်သည်းခွံအခြေတွင်ရှိသော ဆံချည်မျှင်သွေးကြောများ ဖောင်းနေခြင်းသို့မဟုတ် ပုံစံပျက်နေခြင်းရှိလျှင် အောက်ခံရောဂါရှိနေကြောင်း သိနိုင်ပါသည်။ သို့သော် တစ်ချို့သော တစ်ဆင့်ခံရောဂါများကို ဒီနည်းဖြင့် သိရှိနိုင်မည်မဟုတ်ပါ။
တခြားသောအခြေအနေကို ဆရာဝန်မှသံသယရှိလျှင် ဥပမာ ကိုယ်ခံအားမှပြန်တိုက်သောရောဂါ သို့မဟုတ် တွယ်ဆက်တစ်ရှူးရောဂါများက ရေးနောကိုဖြစ်စေလျှင် သွေးစစ်မှုများကို ပြုလုပ်ရပါလိမ့်မည်။
ရေးနောအား အတည်ပြုနိုင်မည့် စစ်ဆေးမှုတစ်ခုတည်းဆိုသည်မှာ လုံးဝမရှိပါ။ ဆရာဝန်သည် သွေးကြောရောဂါများ မဟုတ်ကြောင်းသိနိုင်သည့် စစ်ဆေးမှုများ၊ ရေးနောနှင့်ဆက်စပ်နေသည့် ရောဂါကို ပြနိုင်မည့်စစ်ဆေးမှုများကို ပြုလုပ်ခိုင်းနိုင်ပါသည်။
ရေးနောရောဂါအပျော့စားများကို အေးသည့်အခါ ထူထူထဲထဲဝတ်ခြင်း၊ ခြေအိတ်၊ လက်အိတ်ထူထူဝတ်ခြင်းတို့ဖြင့် အဆင်ပြေနိုင်ပါသည်။
ပြင်းထန်သည့်အခြေအနေများကိုတော့ ဆေးဖြင့်ကုသရပါသည်။ ကုသရသည့် ရည်ရွယ်ချက်များမှာ –
ဆေးများ
လက္ခဏာဖြစ်ရသည့်အကြောင်းရင်းပေါ် မူတည်ပြီး ဆေးများကိုပေးရန်ပါသည်။ သွေးကြောများကို ကျယ်စေပြီး သွေးလှည့်ပတ်မှုကောင်းစေရန် ဆရာဝန်မှအောက်ပါတို့ကို ပေးပါလိမ့်မည်။
သင့်အတွက်အကောင်းဆုံးဆိုတာ သိနိုင်ရန်အတွက် ဆရာဝန်နှင့်တိုင်ပင်ပါ။ ဆေး၏ ဘေးထွက်ဆိုးကျိုးများနှင့် အာနိသင်နည်းသွားပြီ ဆိုပါက ဆရာဝန်ကိုပြောပါ။
တစ်ချို့ဆေးမျာက သွေးကြောများကို ကျဉ်းစေသောကြောင့် ရေးနောရောဂါအား ပိုဆိုးစေပါသည်။ ထို့ကြောင့် အောက်ပါဆေးများကို ရှောင်ကြဉ်သင့်ပါသည်။
ခွဲစိတ်ခြင်းနှင့် ဆေးပညာလုပ်ထုံးများ
တစ်ချို့သော ပြင်းထန်ရေးနောရောဂါများတွင် ဆေးထက် တခြားသောကုထုံးများကို ရွေးချယ်နိုင်ပါသည်။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ရေးနောဖြစ်ရပ် ကို ကုသရာမှာ ဘယ်လိုအထောက်အကူပြုနိုင်မလဲ။
အောက်ဖော်ပြပါ လူနေမှုပုံစံများနှင့်အိမ်သုံးကုထုံးများက သင့်အနေဖြင့် ရေးနောဖြစ်ရပ် ကိုကုသသည့်နေရာနှင့် လိုက်လျောညီထွေဖြစ်အောင်လုပ်ရာတွင် အကူအညီပေးနိုင်ပါသည်။
အကယ်၍သင့်၌ မေးခွန်းများရှိသည်ဆိုပါက သင့်အတွက်သင့်တော်သော အဖြေရှာဖွေနိုင်ဖို့ရာ ဆရာဝန်နှင့်ဆွေးနွေးတိုင်ပင်သင့်ပါသည်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။