Constipation (ဝမ်းချုပ်ခြင်း)

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win

အဓိပ္ပါယ်ဖွင့်ဆိုချက်

Constipation (ဝမ်းချုပ်ခြင်း) ကဘာလဲ။

ဝမ်းချုပ်ခြင်းသည် အူများလှုပ်ရှားမှုနည်းခြင်း သို့မဟုတ် ဝမ်းမသွားသည်မှာအတော်ကြာသောအခြေအနေမျိုးကို ခေါ်ပါသည်။ ပုံမှန်အားဖြင့် တစ်ပတ်လျှင် ၃ ကြိမ်အောက်သာသွားလျှင် ဝမ်းချုပ်သည်ဟုသတ်မှတ်သည်။

သင်၏လူနေမှုပုံစံကိုပြောင်းလိုက်ပါက ဝမ်းချုပ်ခြင်းသည် များသောအားဖြင့်ပျောက်သွားတတ်သော်လည်း နာတာရှည်ဝမ်းချုပ်ခြင်းကမူ ကုသရန်ခက်သလို တခြားရောဂါတစ်ခု၏လက္ခဏာလဲ ဖြစ်နေနိုင်ပါသည်။

Constipation (ဝမ်းချုပ်ခြင်း) က ဘယ်လောက်အဖြစ်များသလဲ

ရံဖန်ရံခါဝမ်းချုပ်တတ်ခြင်းဟာ ပုံမှန်သာဖြစ်ပြီး သူ့အလိုလိုပျောက်သွားတတ်သည်။ ဖြစ်ရသောအကြောင်းရင်းသည် အစားအစာ၊ ဖိစီးမှု၊ မတူညီသောပါတ်ဝန်းကျင်အသစ် စသည်တို့ကြောင့်ဖြစ်သည်။ နာတာရှည်ဝမ်းချုပ်ခြင်းသည် ပုံမှန်ဖြစ်နိုင်သော်လည်း ပိုပြင်းထန်သည့်ရောဂါတစ်ခုခု၏လက္ခဏာလဲဖြစ်နေနိုင်သည်။ သို့သော် အိုမင်းသူ၊ အဝလွန်သူနှင့် အထိုင်များသူတို့သည် ဖြစ်နိုင်ချေများသောလူအများစုတွင်ပါသည်။

လက္ခဏာများ

Constipation (ဝမ်းချုပ်ခြင်း) ရဲ့လက္ခဏာတွေကဘာတွေလဲ

ဝမ်းချုပ်ခြင်း၏ အဖြစ်အများဆုံးရောဂါလက္ခဏာများမှာ
ဝမ်းသွားရခက်ခြင်း
• ဝမ်းခြောက်သွေ့ခြင်း မာခြင်း
• တစ်ပတ်လျှင် ၃ ကြိမ်အောက်သာသွားခြင်း
• ဗိုက်ကယ်ခြင်း
• ဗိုက်အောင့်ခြင်း
• ဝမ်းတွင်သွေးပါခြင်း သို့ ဝမ်းသွားပြီးနောက်သွေးထွက်ခြင်း
• ဝမ်းကျန်သလို သို့ ဝမ်းပိတ်နေသလို ခံစားရခြင်း
အထက်ပါလက္ခဏာများထဲမှ တစ်ခု သို့ တစ်ခုပိုသည်ကို အနည်းဆုံးသုံးလခန့်ခံစားနေရပြီဆိုပါက နာတာရှည်ဝမ်းချုပ်ခြင်းဟု ယူဆနိုင်ပါသည်။

အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်း ရှိနိုင်ပါသေးသည်။ အကယ်၍ကိုယ့်ဆီတွင် ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုပါက ဆရာဝန်နှင့်ဆွေးနွေးတိုင်ပင်သင့်ပါသည်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အောက်ပါထဲမှာတစ်ခုခုရှိနေပြီဆိုပါက ဆရာဝန်နှင့်တိုင်ပင်ပါ။
• လက္ခဏာများ နှစ်ပတ်ထပ်ပိုလာလျှင်
• လက္ခဏာများသည် အိမ်ဖြစ်ကုထုံးများ သို့ သောက်ဆေးများနှင့် မသက်သာတော့လျှင်
• ဝမ်းတွင်သွေးပါလျှင်
• ကိုယ်အလေးချိန်ကျသွားလျှင်
ဝမ်းချုပ်ခြင်းသည် တခြားရောဂါတစ်ခု၏ လက္ခဏာလဲဖြစ်နိုင်သည်။ တခြားပြဿနာတစ်ခုခုကို သံသယရှိနေလျှင် ဆရာဝန်နှင့်ပြသဖို့ အရေးကြီးပါသည်။

အကြောင်းရင်းများ

Constipation (ဝမ်းချုပ်ခြင်း) ကိုဘာတွေကဖြစ်စေသလဲ

သာမာန်ထက် ဝမ်းသွားနည်းခြင်းသည် ဝမ်းကိုမာခြောက်သွားစေသောကြောင့် ဝမ်းချုပ်ရခြင်းဖြစ်သည်။ ဖြစ်ပွားစေသောအကြောင်းများမှာ အောက်ပါအတိုင်းဖြစ်သည်။
• ရေနှင့်အမျှင်ဓါတ်လုံလောက်စွာ မစားခြင်း
• လှုပ်ရှားမှုမရှိပဲ တစ်နေကုန်ထိုင်နေခြင်း
• ကိုယ်ဝန်ရှိခြင်း
• ဖိစိမှုများခြင်းနှင့် ပါတ်ဝန်းကျင်အသစ်။
• ဆီးချို၊ hypothyroidism (သိုင်းရွိုက်အားနည်းခြင်း)၊ Parkinson ရောဂါ၊ လေဖြတ်ခြင်း၊ multiple sclerosis or hyperparathyroidism (သိုင်းရွိုက်အားများခြင်း) တို့သည်ဝမ်းချုပ်စေ၏။
• အူမနှင့်အစာဟောင်းအိမ်ကင်ဆာ၊ ဝမ်းဗိုက်ကင်ဆာ၊ စအိုကွဲရှနာတို့သည် အူပိတ်ခြင်းကိုဖြစ်စေတတ်သည်။
• အကိုက်အခဲပျောက်ဆေး၊ ဘာမီတွန်ကဲ့သိုဆေးများနှင့် တစ်ချို့စိတ်ကျရောဂါဆေးများသည်လဲ ဝမ်းချုပ်စေတတ်ပါသည်။
ဝမ်းချုပ်ခြင်းသည် ပြင်းထန်သောရောဂါအခြေအနေမရှိပါက သာမာန်သာဖြစ်သည်။ များသောအားဖြင့် လူနေမှုပုံစံပြောင်းလိုက်လျှင် ဝမ်းချုပ်သက်သာစေသည်။

ဖြစ်နိုင်ခြေများ

လူနေမှုစရိုက်သည် သာမာန်ဝမ်းချုပ်ခြင်းဖြစ်ရသည့် အဓိကအကြောင်းပြချက်ဖြစ်သည်။ အောက်ပါအချက်များမှတစ်ခုခုရှိနေလျှင် သင့်အတွက်ဝမ်းချုပ်နိုင်ချေများနေနိုင်ပါသည်။
• အသက်အရွယ်ကြီးခြင်း
• အမျိုးသမီးဖြစ်လျှင်
• ကိုယ်ဝန်ရှိလျှင်
• ရေငတ်ခြင်း သို့ အမျှင်ဓါတ်အစားနည်းခြင်း
• လှုပ်ရှားမှုနည်းခြင်း သို့ မရှိခြင်း (အထူးသဖြင့်ရုံးဝန်ထမ်းများ)
• အဝလွန်ခြင်း
• အိပ်ဆေး၊ သွေးကျဆေး၊ အကိုက်အခဲပျောက်ဆေးများလို ဝမ်းချုပ်ဆေးသည့်ဆေးများသောက်နေခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Constipation (ဝမ်းချုပ်ခြင်း) ကို ဘယ်လိုအတည်ပြုပါသလဲ

ဆရာဝန်များသည် လတ်တလောလူနေမှုပုံစံပြောင်းလဲခြင်း၊သောက်နေသောဆေး စသည်တို့ပါဝင်သော ဆေးပညာဆိုင်ရာ အချက်အလက်များကိုအခြေခံ၍ ရောဂါအမည်တပ်ကြပါသည်။ ဆရာဝန်သည် ဗိုက်နှင့်အစာဟောင်းကို စအိုကွဲနာ၊ လိပ်ခေါင်းရှိမရှိ အထူးစမ်းသပ်မှုများပြုလုပ်ပါလိမ့်မည်။
အကယ်၍ဝမ်းတွင်သွေးပါပါက ဆရာဝန်သည်အူမကြီးမှန်ပြောင်းကြည့်ပါမည်။ သွေးစစ်ရသည်များ ဓါတ်မှန်ရိုက်ရသည်များ ရှိနိုင်သည်။ ဆက်လက်သိရှိလိုသောအချက်အလက်များအတွက် သင့်၏ဆရာဝန်နှင့် အမြဲတိုင်ပင်ဆွေးနွေးပါ။

Constipation (ဝမ်းချုပ်ခြင်း) ကို ဘယ်လိုကုသပါသလဲ

ဝမ်းချုပ်မှုကိုကုသခြင်းသည် ရိုးရှင်း၏။ အဓိကလူနေမှုပုံစံပြောင်းရမည်ပင်ဖြစ်သည်။
• လေ့ကျင်းခန်ပိုလုပ်ခြင်း (အနည်းဆုံးတစ်ပတ်ကို ၂ခါ ၃ခါခန့်)
• ရေပိုသောက်ပါ (တစ်ရက်လျှင် ၁.၅ မှ ၃ လီတာထိ)
• အမျှင်ပိုစားပါ
• ဟင်းနုနယ်ရွက်၊ သင်္ဘောသီး၊ ငှက်ပျောသီးလို အသီးအနှံဟင်းရွက်များကို ပါအောင်ပြောင်းစားပေးပါ
•လူနေမှုပုံစံနှင့်အစားအသောက်ပြောင်းပြီး မသက်သာပါက အောက်ပါဝမ်းပျော့ဆေးများကို သုံးနိုင်ပါသည်။ ဝမ်းနုတ်ဆေးများမှာ

•အမျှင်ဖြည့်စွက်စာ Metamucil®, Fibercon®, Konsyl® and Citrucel® ဒီဆေးများတွင် psyllium, methylcellulose ကဲသို့သော ဝမ်းပမာဏများပြီးဝမ်းသွားဆေးသည့် ပစ္စည်းများပါရှိပါသည်။
•Bisacodyl ကဲ့သို stimulants များ
•Osmotic ဝမ်းနုတ်ဆေးများ။ lactulose, magnesium citrate or Fleet Enema®
•ချာဆီများ။ ဒီဝမ်းပျော့ဆေးများတွင် အူမကြီးတွင်ဝမ်းကောင်းကောင်းစီးဆင်းစေရန် အကူအညီပေးသော သတ္တုဓါတ်များပါရှိပါသည်။
•ဝမ်းပျော့ဆေးများ ဒီဆေးများသည် ဝမ်းကိုပျော့သွားစေရန် ကူညီပေးနိုင်သည်။

တခြားကုထုံးများတွင် pelvic ကြွက်သားများကို ညှစ်တလှည့်လျော့တစ်လှည့် လုပ်ပေးခြင်းများပါဝင်ပြီး လိုအပ်လျှင် ခွဲစိတ်ရတတ်ပါသည်။

လူနေမှုပုံစံပြောင်းလဲခြင်းနှင့် အိမ်သုံးကုထုံးများ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက ဝမ်းချုပ်ခြင်းကို ကုသရာမှာ ဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနှင့်အိမ်သုံးကုထုံးများက သင့်အနေဖြင့် ဝမ်းချုပ်ခြင်းကိုကုသသောနေရာနှင့် လိုက်လျောညီထွေဖြစ်အောင်နေသောနေရာများတွင် အကူအညီပေးနိုင်ပါသည်။

•သစ်သီးများ၊ ဟင်းသီးဟင်းရွက်များနှင့် ဂျုံကြမ်းများလို အမျှင်ပါသည်များကိုပိုစားပါ။
•အထူးသဖြင့်ပူနွေးသောရာသီတွင် ရေပိုသောက်ပါ။
•ဘာမီတွန်လိုဝမ်းချုပ်စေသောဆေးများကို ရှောင်ပါ။
အကယ်၍သင့်မှာ မေးခွန်းတွေရှိမယ်ဆိုလျှင် သင့်အတွက်သင့်တော်သော အဖြေရှာဖွေနိုင်ဖို့ ဆရာဝန်နှင့်ဆွေးနွေးတိုင်ပင်သင့်ပါသည်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ ဇူလိုင် 20, 2017 | နောက်ဆုံးတည်းဖြတ်ခြင်း စက်တင်ဘာ 18, 2019

ရင်းမြစ်များ