Conjoined Twins (ကိုယ်ချင်းဆက်အမွှာ) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အဓိပ္ပါယ်ဖွင့်ဆိုချက်

Conjoined Twins (ကိုယ်ချင်းဆက်အမွှာ) ကဘာလဲ။

ကိုယ်ချင်းဆက်အမွှာဆိုတာ ကလေး ၂ ယောက်ရဲ့အရေပြားတွေ၊ကိုယ်တွင်းအင်္ဂါတွေဆက်နေခြင်းကိုခေါ်ပါတယ်။ ကိုယ်ချင်းဆက်အမွှာတွေရဲ့ ၄၀ ကနေ ၆၀ ရာခိုင်နှုန်းဟာ အသက်ရှင်လျက်မွေးဖွားလာကြပြီးတော့ ၃၅ ရာခိုင်နှုန်းဟာ တစ်ရက်ပဲအသက်ရှင်ကြပါတယ် ။ ၅ ရာခိုင်နှုန်းကနေ ၂၅ ရာခိုင်နှုန်းအထိပဲ ကြီးပြင်းတဲ့အထိအသက်ရှင်ကြပါတယ် ။

ကိုယ်ချင်းဆက်အမွှာပုံစံအမျိုးမျိုးရှိကြပါတယ် ။ အဖြစ်အများဆုံးကတော့ ရင်ချင်းဆက်အမွှာဖြစ်ပြီး သူတို့ဟာ ရင်ဘတ်အချင်းချင်းဆက်နေကြတာဖြစ်ပါတယ် ။

သူတို့ဟာ အရမ်းကိုနီးနီးကပ်ကပ်ဆက်နေလျှင်တော့ ၂ ယောက်ပေါင်းမှ နှလုံးတစ်ခုပဲပါလာတတ်ကြပါတယ် ။

အခြားအဖြစ်များတဲ့ပုံစံကတော့ ဗိုက်ချင်းဆက်အမွှာတွေပဲဖြစ်ပါတယ်။ သူတို့တွေဟာဆိုရင် ရင်ဘတ်ရိုးကနေ ခါးရိုးအထိဆက်နေကြပါတယ် ။ သူတို့တွေဟာ အသည်း ၊ အစာခြေလမ်းကြောင်း သို့ ဆီးသွားလမ်းကြောင်း တစ်ခုပဲ ရှိကြပါ်တယ် ။ နှလုံးတစ်ခုတည်းရှိတာတော့ရှားပါတယ် ။

တွေ့ရခဲတာကတော့ ခေါင်းချင်းဆက်အမွှာပဲဖြစ်ပါတယ်။

Conjoined Twins (ကိုယ်ချင်းဆက်အမွှာ) က ဘယ်လောက်အဖြစ်များသလဲ

ဒီလိုအဖြစ်မျိုးဟာ အရမ်းရှားပါးပါတယ်။ မွေးကင်းစကလေးအယောက် ၂ သိန်းတွင် ၁ ယောက်သာဖြစ်နိုင်ပါတယ် ။

လက္ခဏာများ

Conjoined Twins (ကိုယ်ချင်းဆက်အမွှာ) ရဲ့လက္ခဏာတွေကဘာတွေလဲ

ကိုယ်ချင်းဆက်အမွှာတွေဟာ ဆက်နေတဲ့ခန္ဓါကိုယ်အစိတ်အပိုင်းတွေနဲ့အတူ မွေးဖွားလာတတ်ပါတယ် ။ အမွှာအမျိုးအစားပေါ်မူတည်ပြီး ဆက်နေတဲ့အစိတ်အပိုင်းတွေကွာခြားပါတယ် ။..

ရင်ချင်းဆက်အမွှာ – ခန္ဓါကိုယ်အပေါ်ပိုင်း ရင်ဘတ်ခြင်း ဆက်နေကြပါတယ်။

ဗိုက်ချင်းဆက်အမွှာ – ရင်ဘတ်ရိုးကနေ ခါးရိုးအထိ အရေပြားတွေဆက်နေကြပါတယ် ။

ခေါင်းချင်းဆက်အမွှာ – ဦးခေါင်းခွံအရိုးချင်းဆက်နေကြပါတယ် ။

ကျောချင်းဆက်အမွှာ – ကျောအောက်ပိုင်း သို့တင်ပါးချင်းဆက်နေကြပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

မွေးခါစ ကိုယ်ချင်းဆက်အမွှာအများစုဟာ ကြံ့ခိုင်မှုတော်တော်နည်းကြပါတယ် ။ ဒါကြောင့်ဆရာဝန်ဟာသူတို့ရဲ့အခြေအနေကို ဂရုတစ်စိုက်နဲံ့အဆက်မပြတ် စောင့်ကြည့်ရပါမယ် ။

အကြောင်းရင်းများ

Conjoined Twins (ကိုယ်ချင်းဆက်အမွှာ) ကိုဘာတွေကဖြစ်စေသလဲ

ကိုယ်ချင်းဆက်အမွှာတွေဟာ မျိုးရိုးဗီဇကြောင့်ဖြစ်ရတာပါ ။ ဒီလိုဖြစ်ရခြင်းဟာ အမျိုးသမီးရဲ့သားဥဟာမျိုးအောင်ပြီးတဲ့အခါမှာ ကွဲမသွားလို့ဖြစ်ပါတယ် ။ ဒီလိုနည်းနည်းပဲကွဲနေတဲ့သားဥဟာ ကိုယ်ချင်းဆက်အမွှာအဖြစ် ကြီးထွားလာပါတယ် ။

ကိုယ်ချင်းဆက်အမွှာဖြစ်ရခြင်းရဲ့နောက်ထပ်သီအိုရီတစ်ခုကတော့သားဥဟာ ကွဲသွားပြီးတဲ့နောက်ပိုင်းမှာ ပြန်ပေါင်းစပ်သွားသောကြောင့်ဟု ဆိုကြပါတယ် ။

ဖြစ်နိုင်ခြေများ

Conjoined Twins (ကိုယ်ချင်းဆက်အမွှာ) ဖြစ်နိုင်ခြေကိုဘာတွေက မြင့်တက်စေသလဲ

ကိုယ်ချင်းဆက်အမွှာဟာ မျိုးရိုးလိုက်ပါတယ်။ ဒါကြောင့် သင့်ရဲ့မျိုးရိုးမှာ ကိုယ်ချင်းဆက်အမွှာရှိခဲ့ဖူးတယ်ဆိုရင်တော့ သင့်မှာလည်းရှိနိုင်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Conjoined Twins (ကိုယ်ချင်းဆက်အမွှာ) ကို ဘယ်လိုအတည်ပြုပါသလဲ

အောက်ပါဖော်ပြမည့်အကြောင်းအရာသည် ကျန်းမာရေးဆိုင်ရာ အကြံပေးခြင်းမျိုးမဟုတ်ပါ ။ အသေးစိတ်သိရဖို့အတွက်ဆရာဝန်နဲ့အမြဲတမ်းတိုင်ပင်ဆွေးနွေးသင့်ပါတယ် ။

ကိုယ်ချင်းဆက်အမွှာရှိမရှိကို ဘယ်လိုရှာဖွေစမ်းသပ်မလဲ။

အမျိုးသမီးတွေဟာ ကိုယ်ဝန်ဆောင်စဉ်မှာ ကိုယ်ချင်းဆက်အမွှာရှိမရှိကို ပုံရိပ်စစ်ဆေးမှုများနှင့် စမ်းသပ်သိရှိနိုင်ပါတယ် ။

အများဆုံးစမ်းသပ်ကြတဲ့စမ်းသပ်မှုတွေကတော့ ultrasound နဲ့MRI test တွေပဲဖြစ်ပါတယ် ။

ဒီလိုစမ်းသပ်ခြင်းဟာစပ်နေတဲ့အမွှာတွေရဲ့ပုံရိပ်တွေကိုပြသနိုင်ပါတယ်။

အမျိုးသမီးဟာ ကိုယ်ဝန်ဆက်ဆောင်မယ်ဆိုရင်တော့ မွေးဖွားတဲ့အခါ caesarean section လို့ခေါ်တဲ့ C ပုံစံဗိုက်ခွဲမွေးခြင်းကိုပြုလုပ်ရပါမယ်။ မွေးဖွားပြီးတဲ့အခါမှာလည်း ကလေးတွေဟာ ဘယ်လိုဆက်နေတယ် ၊ဘယ်လိုဂရုစိုက်ရမယ်ဆိုတာ သိရဖို့အတွက် ပုံရိပ်ဖြင့် စမ်းသပ်စစ်ဆေးမှုတွေ ဆက်လက်ပြုလုပ်ရပါမယ် ။

Conjoined Twins (ကိုယ်ချင်းဆက်အမွှာ) ကို ဘယ်လိုကုသပါသလဲ

သူတို့ဟာ ဘယ်လိုဆက်နေတယ်ဆိုတာအပေါ်မှာမူတည်ပြီး ကုသကြပါတယ် ။ သူတို့ရဲ့အတွင်းအင်္ဂါတွေပါဆက်နေတယ်ဆိုရင်တော့ အန္တရာယ်များတဲ့အတွက် သူတို့ကို ခွဲပစ်ဖို့ခိုအပ်ပါတယ် ။ စမ်းသပ်စစ်ဆေးမှုတွေဟာ ခွဲနိုင်ကြောင်းပြပြီး မိဘတွေကလည်း ခွင့်ပြုတယ်ဆိုရင်ောတ့ဆရာဝန်ဟာ ခွဲစိတ်မှုကို ပြုလုပ်ပါလိမ့်မယ် ။ ခွဲစိတ်ပြီးတဲ့ကလေးတွေဟာ အခြားကလေးတွေလိုပဲ ကြီးပြင်းနိုင်ပါပြီ ။

နေထိုင်မှုပုံစံပြောင်းလဲခြင်းနှင့် အိမ်တွင်းကုသမှုများ ။

ဘယ်လိုနေထိုင်မှုပူံစံတွေနဲ့ အိမ်တွင်းကုသမှုတွေက ကိုယ်ချင်းဆက်အမွှာကို အဆင်ပြေပြေနေထိုင်နိုင်စေမလဲ။

ကိုယ်ချင်းဆက်အမွှာတွေအားလုံးဟာ ခွဲစိတ်၍မရနိုင်ပါဘူး ။ ဒီလိုကလေးတွေဟာ သူတို့မိသားစုနဲ့ကျန်းမာရေးစောင့်ရှောက်သူတွေဆီက ဂရုစိုက်မှုကို အထူးလိုအပ်ပါတယ် ။

အကယ်၍ သင့်တွင် သို့ သင့်မိသားစုတွင် ကိုယ်ချင်းဆက်အမွှာရှိရင်တော့ သူနာပြုတွေ ၊ အာဟာရပညာရှင်တွင်၊ကလေးဆရာဝန်တွေဆီကနေ လေ့ကျင့်မှုသင်ယူထားရပါမယ် ။ ဒါဟာ ကိုယ်ချင်းဆက်အမွှာကို ဂရုစိုက်ဖို့အကောင်းဆုံးနည်းကိုရှာဖွေရာမှာ ကူညီနိုင်ပါလိမ့်မည် ။

အကယ်၍သင့်မှာ မေးခွန်းတွေရှိသေးလျှင်တော့ အကောင်းဆုံးအဖြေကိုရရှိဖို့အတွက် ဆရာဝန်နဲ့တိုင်ပင်မေးမြန်းသင့်ပါတယ်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ ဩဂုတ် 20, 2017 | နောက်ဆုံးတည်းဖြတ်ခြင်း စက်တင်ဘာ 1, 2017