မှ အချက်အလက် စစ်ဆေးထားပါသည်။ Dr. Kaung Thar
သွေးတိုးရှိသူ၊ သွေးတွင်း catecholamine ဟော်မုန်းများသူ သို့ ဆီးတွင်း catecholamine အကြွင်းအကျန်များသူ တွေမှာ pheochromocytoma (ကျောက်ကပ်အပေါ်တွင်ကပ်နေသော adrenal ဂလင်းတွင် အကျိတ်ရှိခြင်း) ရောဂါဖြစ်နိုင်ချေကိုသိရဖို့ သုံးတဲ့ စစ်ဆေးမှုတစ်ခုပါ။
Clonidine ဟာ သွေးတိုးသမားတွေအတွက်သုံးတဲ့ ဆေးတစ်မျိုးဖြစ်တယ်။ ဦးနှောက်ကိုသက်ရောက်ပြီး ခန္ဓါကိုယ်ရဲ့ adrenal ဂလင်းကိုလှုံ့ဆော်ခြင်းကို အားနည်းစေတယ်။ ဒါကြောင့် adrenal ဂလင်းကနေထုတ်တဲ့ catecholamines နဲ့ metanephrines ဟော်မုန်းထွက်ခြင်းကို နည်းစေပါတယ်။
အကြောင်းအရင်းအမျိုးမျိုးဖြစ်နိုင်တယ်။
ပုံမှန်သွေးတွင်း metanephrine နဲ့ normetanephrine ရှိသူအတွက် စစ်ရန်မလိုပါဘူး။
ရောဂါသတ်မှတ်ဖို့အတွက် စံပြစစ်ဆေးမှုတစ်ခုမဟုတ်ပါဘူး။ ရောဂါရှာဖွေရာမှာ ကူညီပေးနိုင်တဲ့ စစ်ဆေးမှုတွေထဲက တစ်ခုသာဖြစ်တယ်။ ဒါ့အပြင် ရလာတဲ့အဖြေတွေကလည်း မသဲမကွဲဖြစ်နိုင်ပါတယ်။ Catecholamines နဲ့ metanephrines ဟော်မုန်းနှစ်မျိုးက တစ်ခုတစ်မျိုးစီဖြစ်နေတာဖြစ်နိုင်တယ်။ ဒါကြောင့် များသောအားဖြင့်မစစ်ရတတ်ပါဘူး။
စစ်ဆေးမှုမတိုင်မီ ကြိုတင်ပြင်ဆင်ထားသင့်တဲ့ အချက်တွေရှိပါတယ် –
စစ်ဆေးနေစဉ်မှာလဲလျောင်းနေရပြီး သွေးနမူနာထုတ်ယူရန်၊ ဆေးသွင်းရန် အကြောဆေးထိုးထားရပါမယ်။
သွေးပေါင်ချိန်နဲ့ နှလုံးခုန်နှုန်းကို ၃ ကြိမ်တိုင်းပြီး မှတ်ထားရမယ်။
အခြေခံသွေးနမူနာကို မစစ်ဆေးစဉ်မိနစ် ၃၀ အလိုနဲ့ စစ်ဆေးခါနီးတစ်ကြိမ်၊ နှစ်ကြိမ်ယူရမယ်။
စစ်ဆေးပြီးချိန်မှာ ၁ နာရီတစ်ခါ ၂ နာရီတစ်ခါ သွေးပေါင်နဲ့ နှလုံးခုန်နှုန်းကိုစောင့်ကြည့်နေရပါမယ်။
စစ်ဆေးပြီး ၃ နာရီအကြာမှာ သွေးနမူနာထပ်ယူရမယ်။
ထိုသွေးနမူနာယူအပြီးမှာ သွေးပေါင်ချိန်နဲ့ နှလုံးခုန်နှုန်းကိုထပ်တိုင်းပြီးမှတ်ထားရပါမယ်။
သွေးနမူနာတွေကိုနောက်ဆုံးနမူနာယူပြီးချိန်မှာ ချက်ခြင်း ဓါတ်ခွဲခန်းကိုပို့ရပါမယ်။
သွေးပြန်ကြောကနေသွေးနမူနာယူရာမှာ ပြဿနာမရှိသလောက်နည်းပါတယ်။
ဆေးထိုးရာနေရာမှာ ပွန်းပဲ့ရာလေးကျန်နိုင်ပေမယ့် မိနစ်အနည်းငယ်ဖိထားခြင်းဖြင့် ပျောက်သွားပါလိမ့်မယ်။
ရှားရှားပါးပါးသွေးပြန်ကြောရောင်ရမ်းနိုင်ချေတော့ရှိပါတယ်။ Phlebitis လို့ခေါ်တယ်။ ထိုကဲ့သို့ဖြစ်လာပါက ရေနွေးအိတ်ကပ်ပေးလိုက်ပါက အဆင်ပြေသွားပါလိမ့်မယ်။
ဒါ့အပြင် သွေးရောဂါရှိသူတွေမှာ သွေးထွက်မရပ်တဲ့အခြေအနေကြုံလာနိုင်ပါတယ်။ Aspirin ကဲ့သို့ အကိုက်အခဲပျောက်ဆေး၊ warfarin ကဲ့သို့ သွေးကျဲဆေးများသောက်ထားပါကလည်း ဖြစ်နိုင်ပါတယ်။ ထိုအချက်များရှိပါက ဆရာဝန်ကိုကြိုပြောထားပါ။
တကယ်လို့ –
ဒါပေမယ့် သွေးတွင်း epinephrine , metanephrine ဟော်မုန်း ပြောင်းလဲခြင်းတွေက အမျိုးမျိုးဖြစ်နိုင်တာကြောင့် ထိုစစ်ဆေးမှုနဲ့ pheochromocytoma ကိုသတ်မှတ်လို့မရပါဘူး။
စစ်ဆေးမှု positive ဖြစ်မဖြစ်က သဘောထားကွဲလွဲမှု အမျိုးမျိုးရှိပါတယ်။ ဥပမာအားဖြင့် pheochromocytoma မရှိဘဲ ဟော်မုန်းပမာဏ ပုံမှန်ရှိသော သွေးတိုးရောဂါသည်တစ်ယောက်ဟာ မှားယွင်းပြီး positive ဖြစ်နိုင်ပါတယ်။ ထို့အတူ pheochromocytoma ရှိပြီး ဟော်မုန်းပုံမှန်ရှိသူက မှားယွင်းပြီး negative ဖြစ်နေနိုင်ပါတယ။်
ဒီပြဿနာတွေကို normetanephrine ဟော်မုန်းသုံးခြင်းနဲ့ သွေးတွင်း metanephrines ပုံမှန်ရှိသူတွေမှာမစစ်ဆေးခြင်းဖြင့် ဖြေရှင်းနေပါတယ်။
တခြားသိလိုသည်များရှိပါက သင့်အတွက်အကောင်းဆုံးအဖြေရဖို့ ဆရာဝန်နဲ့တိုင်ပင်ကြည့်သင့်ပါတယ။်
Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Kaung Thar
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။