campylobacter (ကမ်ပိုင်လိုဘက်တာပိုးဝင်ခြင်း) ကဘာလဲ။

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အဓိပ္ပါယ်ဖွင့်ဆိုချက်

campylobacter (ကမ်ပိုင်လိုဘက်တာပိုးဝင်ခြင်း) ကဘာလဲ။

ကမ်ပိုင်လိုဘက်တာပိုးဝင်ခြင်းဆိုသည်မှာ

အူသိမ်လမ်းကြောင်းတစ်လျှောက် ဖြစ်ပွားသော ဃောစပူသဘခေအနမ ဟု ခေါ်သည့် ဘက်တီးရီးယားပိုးတစ်မျိုးကြောင့်ဖြစ်သည်။ အစာအဆိပ်သင့်ခြင်း တစ်မျိုးလည်း ဖြစ်သည်။

campylobacter (ကမ်ပိုင်လိုဘက်တာပိုးဝင်ခြင်း) က ဘယ်လောက်အဖြစ်များသလဲ

မွေးကင်းစများနှင့် ကလေးသူငယ်များတွင် လူကြီးများထက်ဖြစ်ပွားနိုင်ခြေများသော်လည်း အရွယ်မရွေး ဖြစ်ပွားနိုင်သော ရောဂါမျိုးဖြစ်သည်။ အမျိုးသားများတွင် အမျိုးသမီးများထက် ကူးစက်နိုင်ခြေ ပိုများပြီး နွေရာသီတွင် ဆောင်းရာသီထက် ဖြစ်ပွားနှုန်း ပိုမြင့်မားသည်။ ထပ်မံသိရှိလိုသည်များကို ဆရာဝန်နှင့် တိုင်ပင်ပါ။

လက္ခဏာများ

campylobacter (ကမ်ပိုင်လိုဘက်တာပိုးဝင်ခြင်း) ရဲ့လက္ခဏာတွေကဘာတွေလဲ

ကမ်ပိုင်လိုဘက်တာပိုးဝင်ခြင်း၏လက္ခဏာများမှာ

ရောဂါဖြစ်ပွားချိန် တစ်ပတ်မျှ ကြာသည်။ ကူးစက်ခံရပြီဆိုပါက ဘက်တီးရီးယားပိုးကို စားသုံးမိပြီး ၂ရက်အကြာတွင် ရောဂါလက္ခဏာပြတတ်သည်။

အဖြစ်အများဆုံး လက္ခဏာမှာ ဝမ်းပျက်ဝမ်းလျှောခြင်း ဖြစ်သည်။ ဝမ်းထဲတွင် သွေးလည်းပါနိုင်သည်။ ဗိုက်အောင့်ဗိုက်နာ၍ အော့အန်ခြင်းလည်းဖြစ်နိုင်သည်။

အခြား လက္ခဏာများမှာ ဗိုက်အောင့်ခြင်း၊ ရင်ပြည်.ရင်ကယ်ဖြစ်ခြင်း၊ ဖျားခြင်းတို့ဖြစ်သည်။

ရောဂါလက္ခဏာမပေါ်သော လူများလည်းရှိနိုင်သည်။ အထက်တွင်ဖေါ်ပြခဲ့သည်နှင့် မတူသော ရောဂါလက္ခဏာများလည်းရှိနိုင်သည်။ ရောဂါလက္ခဏာများနှင့်ပတ်သတ်၍ သံသယရှိပါက ဆရာဝန်နှင့် တိုင်ပင်ပါ။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်ခန္ဓါကိုယ်ခုခံအားစနစ် အားနည်းနေပါက ဝမ်းပျက်ဝမ်းလျှော သို.မဟုတ် အခြား ရောဂါလက္ခဏာများ ဖြစ်လျှင်ဖြစ်ခြင်း ဆရာဝန်ပြသင့်သည်။ ခုခံအားနည်းခြင်းသည် ဘက်တီးရီးယားကို သွေးထဲသို.ဝင်ရောက်ကာ ပြင်းထန်သောကူးစက်ရောဂါ ဖြစ်စေနိုင်သည်။ ဥပမာအားဖြင့် ှုံဠ ကဲ့သို.ရောဂါပိုးရှိခြင်း ကင်ဆာရောဂါအတွက် ဆေးကုသမှုခံယူနေခြင်းတို.သည် ခုခံအားကျဆင်းစေသော အကြောင်းအရင်းများဖြစ်သည်။

ယေဘူယျအားဖြင့် ကျန်းမာရေးကောင်းသူတစ်ဦးတွင် ဝမ်းပျက်ဝမ်းလျှောဖြစ်လာပါက တစ်ရက်နှစ်ရက်စောင့်ကြည့်၍ ပုံမှန်ဝမ်းပျက်ဝမ်းလျှောအတိုင်း ကုသနိုင်သည်။

အလွန်နေထိုင်မကောင်းဖြစ်လာပါက ဆရာဝန်နှင့်စောစောပြသင့်သည်။ စောင့်ကြည့်ရမည့် ရောဂါလက္ခဏာများမှာ

  • နှစ်ရက်ထက်ပို၍ ဝမ်းလျှောခြင်း
  • ရေဓါတ်ခမ်းခြောက်သည့် လက္ခဏာများ (ဆီးအရောင်ရင့်ခြင်း၊ နှုတ်ခမ်းနှင့် အသားအရေခြောက်သွေ.ခြင်း၊ မူးဝေခြင်း)
  • ဝမ်းဗိုက် သို.မဟုတ် စအိုတွင် ပြင်းထန်စွာ နာကျင်ခြင်း
  • အဖျား၃၈.၈ ဒီဂရီစင်တီဂရိတ် ထက်ပိုခြင်း တို.ဖြစ်သည်။

အထက်ပါ ရောဂါလက္ခဏာများရှိပါက၊ သိလိုသည်များရှိပါက ဆရာဝန်နှင့်တိုင်ပင်ပါ။ လူတိုင်း၏ ခန္ဓါကိုယ်တုန်.ပြန်မှုများသည် မတူညီနိုင်သောကြောင့် သင့် ရောဂါလက္ခဏာအတွက် ဆရာဝန်နှင့်တိုင်ပင်ခြင်းသာ အကောင်းဆုံးဖြစ်သည်။

အကြောင်းရင်းများ

campylobacter (ကမ်ပိုင်လိုဘက်တာပိုးဝင်ခြင်း) ကိုဘာတွေကဖြစ်စေသလဲ

ဃောစပူသဘခေအနမ ဟု ခေါ်သည့် ဘက်တီးရီးယားပိုးတစ်မျိုးကြောင့်ဖြစ်သည်။

ဖြစ်နိုင်ခြေများ

ငါ့ဆီမှာ campylobacter (ကမ်ပိုင်လိုဘက်တာပိုးဝင်ခြင်း) ဖြစ်နိုင်ခြေကိုဘာ်တွေက မြင့်တက်စေသလဲ

ကောင်းစွာကျက်အောင်မချက်ပြုတ်ထားသော ကြက်သားဘဲသားများနှင့် ကြက်သားဘဲသားအစိမ်းတို့နှင့်ထိတွေ့မိထားသော အစားအစာများကို စားမိခြင်းဖြင့် ကမ်ပိုင်လိုဘက်တာပိုးသည် သင့်ခန္ဓါကိုယ်ထဲသို့ဝင်ရောက်နိုင်သည်။

ထိုဘက်တီးရီးယားသည် ကြက် ငှက် ဘဲ နွား စသည့်တိရိစ္ဆာန်တို့၏ အစာခြေစနစ်တွင် ပေါက်ဖွားလေ့ရှိသည်။ ပေါင်းခံပိုးသတ်ထားခြင်းမရှိသောနို့တွင်လည်း ကမ်ပိုင်လိုဘက်တာပိုးပါနိုင်သည်။

ကမ်ပိုင်လိုဘက်တာပိုးဝင်ခြင်းသည် အများအားဖြင့် တစ်ဦးတစ်ယောက်တွင်သာ ဖြစ်ပွားသော်လည်း ရံဖန်ရံခါ လူအများသို့ကူးစက်ပြန့်ပွားနိုင်သည်။

ဖွံ့ဖြိုးဆဲနိုင်ငံများရှိ ရေနှင့် အညစ်အကြေးစွန့်စနစ်များတွင်လည်း ထိုဘက်တီးရီးယားပိုးကိုတွေ့နိုင်သည်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

campylobacter (ကမ်ပိုင်လိုဘက်တာပိုးဝင်ခြင်း) ကို ဘယ်လိုအတည်ပြုပါသလဲ

မှန်ကန်တိကျသော ရောဂါရှာဖွေမှုပြုလုပ်ရန် ဆရာဝန်က သင့်ထံမှဝမ်းနမူနာကို တောင်းယူ၍ ဓါတ်ခွဲခန်းသို့ပို့လိမ့်မည်။

ဝမ်းနမူနာယူရန် ခွက်ကို ဆေးခန်းမှ တာဝန်ရှိသူက ပေးလိမ့်မည်။ ဝမ်းအဖြေရရန် ရက်အနည်းငယ် ကြာမည်။

အချို့ဖြစ်တောင့်ဖြစ်ခဲ အခြေအနေမျိုးတွင် ဆရာဝန်က သွေးစစ်ရန်ညွှန်ကြားသောအခါ သွေးအဖြေရရန် နှစ်ပတ်မျှပင် ကြာနိုင်သည်။

campylobacter (ကမ်ပိုင်လိုဘက်တာပိုးဝင်ခြင်း) ကို ဘယ်လိုကုသပါသလဲ

လူအများစုတွင် ဆေးကုသမှုမလိုဘဲ ရောဂါပျောက်ကင်းနိုင်သည်။ ဝမ်းလျှောနေစဉ်တွင် အရည်များများသောက်ပေးပါ။

ဆရာဝန်ညွှန်ကြားချက်မပါဘဲ အန်ခြင်းနှင့် ဝမ်းလျှောခြင်းပျောက်စေမည့် ဆေးများမသောက်သင့်ပါ။ အန်ခြင်း၊ ဝမ်းလျှောခြင်းတို့သည် သင့်ခန္ဓါကိုယ်မှ ရောဂါပိုးကိုစွန့်ထုတ်သည့် နည်းလမ်းဖြစ်သည်။

သင်၏ခုခံအားစနစ်အားနည်းနေပါက ဆရာဝန်မှ ရောဂါပိုးကိုတိုက်ဖျက်မည့်ဆေးပေးလိမ့်မည်။

ဆရာဝန်များသည် ူနလသူ်သထခေငည ဆေးကို ဦးစွာပေးလေ့ရှိသည်။ သင့်တွင် ထိုဆေးကို မသောက်နိုင်သည့်အကြောင်းရှိလျှင် အသုံးများသော ဖေငအ့မသာပခငညယ ခငစမသူ်သထခေငည တို့ကဲ့သို့ ပဋိဇီဝဆေး တစ်ခုခုကိုပေးလိမ့်မည်။

နေထိုင်မှုပုံစံနှင့် အိမ်တွင်းကုထုံးများ

ကမ်ပိုင်လိုဘက်တာပိုးဝင်ခြင်းကို ကာကွယ်ရန်အထိရောက်ဆုံးနည်းလမ်းမှာ ကြက်သား ဘဲသားများကို အနည်းဆုံး၇၃ဒီဂရီ စင်တီဂရိတ်တွင် ချက်ပြုတ်ခြင်းဖြစ်သည်။ အသားသည် မနီဘဲ ဖြူသွားရမည်။ ကောင်းစွာ ချြက်ပုတ်ထားပုံမရသော အသားများကို မစားသင့်ပါ။

အစားအစာများကို အပူပေးခြင်း၊ နို့နှင့်နို့ထွက်ပစ္စည်းများကို ပေါင်းခံပိုးသတ်ခြင်းကသာ ဝင်ရောက်ပေါက်ပွားနေသော ဘက်တီးရီးယားပိုးများကို တိုက်ထုတ်နိုင်စွမ်းရှိသည်။

အခြားနည်းလမ်းအချို့မှာ

  • အစားအစာမချက်ပြုတ်မီနှင့် သားစိမ်းငါးစိမ်းများ ကိုင်တွယ်ပြီး လက်ဆေးခြင်း
  • သားစိမ်းငါးစိမ်းများနှင့် ဟင်းသီးဟင်းရွက်များကို ရောနှောမထားဘဲ စဉ်းတီတုံးနှင့် ဟင်းချက်ရာတွင်လိုအပ်သော အသုံးအဆောင်များကိုပါ ခွဲခြားအသုံးပြုခြင်း
  • အိမ်မွေးတိရိစ္ဆာန်နှင့်အညစ်အကြေးများကို ကိုင်တွယ်ပြီး လက်ဆေးခြင်း
  • ဝမ်းလျှောနေသော ကလေးသို့မဟုတ် မည်သူမဆို လက်ကိုစင်ကြယ်စွာ ဆေးကြောစေခြင်း တို့ဖြစ်သည်။

သိလိုသည်များရှိပါက သင့်အတွက် အကောင်းဆုံးအဖြေကို ရရှိနိုင်ရန် ဆရာဝန်နှင့်တိုင်ပင်ပါ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

တည်းဖြတ်သည့်နေ့ ဖေ‌ဖော်ဝါရီ 2, 2018 | နောက်ဆုံးတည်းဖြတ်ခြင်း ဖေ‌ဖော်ဝါရီ 15, 2018