လူတယောက်ရဲ့ ခံတွင်းကျန်းမာရေးကို ထိန်းသိမ်းရာမှာ သွားကြားထိုးခြင်းဟာ အရေးကြီးတဲ့ အစိတ်အပိုင်းတခုအနေနဲ့ ပါဝင်ပါတယ်။ လူတချို့ဟာ အာလုပ်ကျင်းရုံ၊ သွားတိုက်ရုံနဲ့ လုံလောက်ပြီလို့ ယူဆကြပါတယ်။ သင့်သွားကြားတွေထဲမှာ အစားအကြွင်းအကျန်များစုလာပြီး ကျောက်များတည်လာရင် သွားကျန်းမာရေးကို ထိခိုက်စေနိုင်ပါတယ်။ ဘက်တီးရီးယားတွေလည်း ပေါက်ပွားလာစေနိုင်ပါတယ်။
ဒါကြောင့် သွားများကြားကို ပုံမှန်ရှင်းလင်းပေးသင့်ပါတယ်။ ပိုးချည်မျှင် အသုံးပြုပြီး သွားကြားရှင်းလင်းခြင်းကို တနေ့တကြိမ်လောက်ပြုလုပ်သင့်ပါတယ်။ ပိုပြီး သိရအောင် သွားဆရာဝန်နဲ့ တိုင်ပင်ကြည့်ပါ။
ကိုယ်အလေးချိန် ပုံမှန်မချိန်ခြင်း
ကျွန်တော်တို့ဟာ မျက်စိရှေ့မှာ ပေါင်ချိန်စက်တခုတွေ့လာမှ တက်ချိန်တတ်ကြပါတယ်။ အိမ်မှာဝယ်ထားရင်တောင် မချိန်ဖြစ်ဘဲ မေ့လျော့နေတတ်ပါသေးတယ်။ကိုယ်အလေးချိန်ပုံမှန်ချိန်ခြင်းဟာ ကောင်းတဲ့အလေ့အကျင့်တခုဖြစ်ပါတယ်။
ကိုယ်အလေးချိန်ဟာ အမြဲတမ်းတသမတ်တည်းတော့ မရှိတတ်ပါဘူး။ အနည်းအများပြောင်းလဲမှု ရှိခြင်းဟာ ပုံမှန်သဘာဝဖြစ်ပါတယ်။ ဒါပေမယ့် ၅ပေါင်လောက် အပြောင်းအလဲဖြစ်လာပြီဆိုရင်တော့ သင့်ရဲ့စားသောက်မှုပုံစံကို ပြန်လည်ဆန်းစစ်ဖို့ လိုပါတယ်။ ကောင်းတာကတော့ အိမ်မှာ ပေါင်ချိန်စက်ကလေးတခု ဝယ်ထားပြီး ကိုယ်အလေးချိန် ပုံမှန်ချိန်ပါ။
ကျန်းမာရေးနှင့်ပတ်သက်ပြီး တွေ့ရများသော လွဲမှားသည့် အမူအကျင့်များ ထဲမှာ ကိုယ်တိုင်ရော ဘယ်နှချက်လောက်များ လုပ်မိနေလဲ ………
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။