Aarskog-Scott Syndrome (အားစ်ကော့စကော့ရောဂါစု)

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Kaung Thar

အဓိပ္ပါယ်ဖွင့်ဆိုချက်

Aarskog-Scott Syndrome (အားစ်ကော့စကော့ရောဂါစု) ကဘာလဲ။

အားစ်ကော့စကော့ရောဂါစုဆိုတာ ကိုယ်ခန္ဓါ အစိတ်အပိုင်းများစွာရဲ့ ဖွံ့ဖြိုးတိုးတက်မှုကို ထိခိုက်စေတဲ့ မျိုးရိုးဗီဇချို့ယွင်းမှုတခုဖြစ်ပါတယ်။ ဒီအခြေအနေဟာ အမျိုးသားများမှာ ဖြစ်ပွားတတ်တာ တွေ့ရများပြီး အမျိုးသမီးများမှာလည်း အသင့်အတင့် တွေ့ရတတ်ပါတယ်။

အားစ်ကော့စကော့ရောဂါစုဖြစ်ပွားသူများမှာ ထူးခြားတဲ့ မျက်နှာသွင်ပြင် (ဥပမာ မျက်လုံးအိမ်ကျယ်တာ၊ နှာခေါင်းသေးတာ၊ နှာခေါင်းနဲ့ ပါးစပ်ကြားနေရာ ရှည်လျားတာ၊ နဖူးဆံစပ်ချွန်တာ စတာတွေ) တွေ့နိုင်ပါတယ်။ ကလေးဘဝမှာ အရပ်ပုတာမျိုးတွေ့ရတတ်ပေမယ့် လူပျိုအပျိုဖော်ဝင်ခါစမှာပါ ဆက်လက်ကြီးထွားနေတာ ဖြစ်တတ်ပါတယ်။

Aarskog-Scott Syndrome (အားစ်ကော့စကော့ရောဂါစု) က ဘယ်လောက်အဖြစ်များသလဲ

အားစ်ကော့စကော့ရောဂါစုဖြစ်ပွားတာ ရှားပါးပါတယ်။ ဒါပေမယ့် ဖြစ်ပွားနှုန်းဟာလည်း ရောဂါအတည်ပြု နိုင်တာမျိုး မလုပ်ဖြစ်တာကြောင့် အတိအကျမသိရပါဘူး။

ဖြစ်ပွားနိုင်ခြေအရာတွေကို လျှော့ချနိုင်ပါတယ်။ သတင်းအချက်အလက်တွေ ထပ်သိရအောင် ဆရာဝန်နဲ့ တိုင်ပင်ပါ။

လက္ခဏာများ

Aarskog-Scott Syndrome (အားစ်ကော့စကော့ရောဂါစု) ရဲ့လက္ခဏာတွေကဘာတွေလဲ

ရောဂါလက္ခဏာတွေ အများကြီးရှိပါတယ်။

အောက်ပါလက္ခဏာတွေဟာ အားစ်ကော့စကော့ရောဂါစု ဖြစ်ပွားသူတွေမှာ တွေ့ရများပါတယ်။

  • ချက်သိသိသာသာ စူထွက်ခြင်း
  • ပေါင်ခြံ၊ ကပ္ပယ်အိတ်စသည်တို့ ရောင်ရမ်းခြင်း
  • လိင်ပိုင်းဆိုင်ရာတွင် ကြီးထွားမှုနောက်ကျခြင်း
  • သွားပေါက်နောက်ကျခြင်း
  • မျက်လုံးနှစ်ခု အလယ်သို့စောင်းနေခြင်း
  • နဖူးဆံစပ်ချွန်ခြင်း
  • ရင်ဘတ်ချိုင့်ခြင်း
  • စိတ်ပိုင်းဆိုင်ရာ ပြသနာရှိခြင်း
  • အသက် ၂နှစ်မှ သုံးနှစ်အထိ အရပ်ပုသည်ကို မသိသာခြင်း
  • မျက်နှာအလယ်ပိုင်း ဖွံ့ဖြိုးမှုနည်းခြင်း
  • မျက်နှာဝိုင်းခြင်း
  • ကပ္ပယ်အိတ်မှ လိင်တံကိုဖုံးနေခြင်း
  • လက်ချောင်းလေးများတိုနေခြင်း
  • လက်ဖဝါးတွင် တခုတည်းသော အရေးအကြောင်း ရှိခြင်း
  • လက်နှင့်ခြေထောက်သေးပြိး ကျယ်ခြင်း၊ လက်ချောင်းများ တိုသည့်အပြင် လက်သန်း ကောက်နေခြင်း
  • နှာခေါင်းသေးပြီး နှာခေါင်းပေါက်ရှေ့သို့ထွက်နေခြင်း
  • ဝှေးစေ့အောက်သို့ မဆင်းခြင်း
  • နားရွက်အပေါ်ပိုင်း အနည်းငယ်ခေါက်နေခြင်း
  • အပေါ်နှုတ်ခမ်းမြောင်းနှင့် အောက်နှုတ်ခမ်း အရေးအကြောင်း ကျယ်နေခြင်း
  • မျက်အိမ်ကျယ်၍ မျက်ခွံကျခြင်း စတာတွေ ဖြစ်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

စောစီးစွာ ရောဂါရှာဖွေကုသခြင်းဟာ အခြေအနေပိုဆိုး မသွားအောင် ကာကွယ်ပေးနိုင်ပါတယ်။ ဆရာဝန်နဲ့ မြန်နိုင်သမျှ မြန်အောင် ပြသပါ။

သိလိုတာတွေရှိရင် ဆရာဝန်နဲ့တိုင်ပင်ပါ။ တယောက်နဲ့ တယောက်ဖြစ်ပျက်ပုံတော့ မတူနိုင်ပါဘူး။ ကိုယ့်အတွက် ဘယ်အရာက အကောင်းဆုံးဖြစ်မယ်ဆိုတာကို ဆရာဝန်နဲ့ တိုင်ပင်ပါ။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Aarskog-Scott Syndrome (အားစ်ကော့စကော့ရောဂါစု) ကို ဘယ်လိုအတည်ပြုပါသလဲ

ဒီလက္ခဏာရှိနေပြီလို့ ဆရာဝန်က သံသယရှိလာရင် အသေးစိတ်စစ်ဆေးမှုတွေ လုပ်ပါလိမ့်မယ်။ ရုပ်ပိုင်းဆိုင်ရာ စစ်ဆေးမှုတွေ ပြည့်ပြည့်စုံစုံ လုပ်ပါလိမ့်မယ်။ ဘယ်လို ရောဂါလက္ခဏာ ကြုံနေရတဲ့အကြောင်း ဆွေးနွေးပါလိမ့်မယ်။ မေးခွန်းတွေ အများကြီး မေးပါလိမ့်မယ်။

ပြီးတဲ့အခါ အောက်ပါစစ်ဆေးမှုတွေ ပြုလုပ်ပါလိမ့်မယ်။

  • FGD1 ဗီဇမှာ ချို့ယွင်းမှုရှိရှိ စစ်ဆေးခြင်း။ FDGY1 ဗီဇမှာလည်း ချို့ယွင်းမှု ရှိမရှိ စစ်ဆေးပါလိမ့်မယ်။ ချို့ယွင်းမှုတွေ့တယ်ဆိုရင် မျိုးရိုးဗီဇဆိုင်ရာ ဆွေးနွေးတိုင်ပင်ခြင်း ပြုလုပ်ပါလိမ့်မယ်။ တခါတရံမှာ fetal alcohol ရောဂါစုနဲ့ မှားနိုင်ပါတယ်။
  • ဓါတ်မှန်ရိုက်ခြင်း

Aarskog-Scott Syndrome (အားစ်ကော့စကော့ရောဂါစု) ကို ဘယ်လိုကုသပါသလဲ

မျိုးရိုးဗီဇကြောင့် ဖြစ်တတ်တဲ့ တခြားရောဂါတွေလိုပဲ အားစ်ကော့စကော့ရောဂါစုကိုလည်း လုံးဝပျောက်ကင်းအောင် မကုသနိုင်ပါဘူး။ ကောင်းမွန်တဲ့ဘဝနဲ့ နေသွားဖို့ ကုသမှုတွေတော့ ရှိပါတယ်။

မွေးရာပါ ချို့ယွင်းမှုတချို့အတွက်တော့ ခွဲစိတ်ကုသမှု လိုအပ်ပါတယ်။ မျက်နှာပုံပန်းမကျခြင်းကို ခွဲစိတ်ပြုပြင်နိုင်ပါတယ်။ ဖွံ့ဖြိုးကြီးထွားစေတဲ့ ဟော်မုန်းဓါတ်တွေနဲ့ ကုသခြင်းဟာ အရပ်အမောင်း ဖွံ့ဖြိုးစေဖို့ အထောက်အကူပြုပါတယ်။

နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများ

ဘယ်လို နေထိုင်မှုပုံစံနဲ့ အိမ်တွင်းကုထုံးတွေက အားစ်ကော့စကော့ရောဂါစုအတွက် အထောက်အကူ ပြုသလဲ

မိသားစုရာဇဝင်မှာ ဒီပြသနာရှိဖူးရင် ကိုယ်ဝန်ဆောင်မတိုင်မီမှာ မျိုးရိုးဗီဇ စစ်ဆေးမှု လုပ်သင့်ပါတယ်။

သိလိုတဲ့အချက်တွေရှိရင် ဆရာဝန်နဲ့ တိုင်ပင်ဆွေးနွေးတာ အကောင်းဆုံးပါပဲ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

ရင်းမြစ်များ

တည်းဖြတ်သည့်နေ့ ဖေ‌ဖော်ဝါရီ 2, 2018 | နောက်ဆုံးတည်းဖြတ်ခြင်း ဖေ‌ဖော်ဝါရီ 15, 2018