မှ အချက်အလက် စစ်ဆေးထားပါသည်။ Dr. Thurein Hlaing Win
ဒီအတိုင်း ကျန်းမာနေတုန်းကတော့ ကိုယ့်သွေးက ဘာသွေးလဲဆိုတာလောက်ပဲ စိတ်ဝင်စားပြီး အခြားသွေးအုပ်စုတွေနဲ့ပက်သက်တဲ့ အကြောင်းအရာတွေကို အမှတ်တမဲ့ ဖြစ်နေတတ်ပါတယ်။ ဒါပေမယ့် ကျန်းမာရေး အခြေအနေကြောင့် မဖြစ်မနေ သွေးသွင်းရတော့မယ့် ဆိုရင် စိတ်ထဲ ပေါ်လာတတ်တဲ့ မေးခွန်းတွေ အများကြီးရှိပါတယ် ။ ။ ဒါတွေအတွက် အဖြေက ဒီမှာပါ။ ။
A B AB O ဆိုပြီးသွေးအုပ်စု ၄ မျိုးရှိပါတယ်။ ဒီထဲမှာ AB သွေးက အရှားဆုံးဖြစ်ပြီး ကမ္ဘာ့လူဦးရေရဲ့ ၄ ရာခိုင်နှုန်းပဲရှိပါတယ်။ O သွေးကတော့ အပေါဆုံးဖြစ်ပြီး ရှေးအကျဆုံး သွေးလို့လည်း သတ်မှတ်ထားကြပါတယ်။ ရှေးအကျဆုံးဆိုတာက သူ့ကို အရင်တွေ့ပြီးနောက်ပိုင်းမှ အခြား သွေးအမျိုးအစားတွေကို တွေ့ရှိတယ်လို့ ဆိုလိုတာပါ။
သွေးအုပ်စု လေးခုထဲမှာတော့ ဘယ်သွေးအုပ်စုက အကောင်းဆုံးလဲဆိုပြီးတော့ မရှိပါဘူး။ တစ်ခုရှိတာက O သွေးဟာ အခြားသွေးအုပ်စုဆီတွေကိုလည်း သွေးလှူလို့ရတဲ့အတွက် သူ့ကိုတော့ အလှူရှင်သွေး ‘Universal Donor’ လို့ခေါ်ကြပါတယ်။
ဥပမာ A သွေးဖြစ်နေပြီးတော့ နောက်ပိုင်း B သွေးကို ပြောင်းသွားတတ်တဲ့ ကိစ္စမျိုးက မရှိသလောက်ကို ရှားပါတယ်။ ဒါပေမယ့် တစ်ခါက အသည်းအစားထိုးကုသလိုက်တဲ့ ကလေးမလေးတစ်ယောက်ရဲ့ သွေးက O- ကနေ O+ ပြောင်းသွားတဲ့ အဖြစ်မျိုးရှိခဲ့ဖူးပါတယ်။
ကိုယ့်သွေးအဖြေရဖို့အချိန်လေးကိုတောင် မစောင့်နိုင်လောက်တဲ့ အရေးပေါ် ကျန်းမာရေးပြဿနာတွေမှာဆို သင့်အတွက် စိတ်အချရဆုံးဖြစ်တဲ့ O- သွေးကို ဆရာဝန်တွေ သွင်းပေးလေ့ရှိပါတယ်။
သွေးဆဲလ်နဲ့ပက်သက်တဲ့ရောဂါခံစားနေရတဲ့သူတွေ၊ ရိုးတွင်းခြင်ဆီ ကင်ဆာဖြစ်နေတဲ့သူတွေ၊ အကြီးစားခွဲစိတ်မှု ပြုလုပ်မယ့်သူတွေ၊ ကင်ဆာ ဝေဒနာခံစားနေရတဲ့သူတွေနဲ့ ကလီစာအစားထိုးခြင်း ခွဲစိတ်မှုတွေပြုလုပ်မယ့်သူတွေဟာ သွေးသွင်းဖို့လိုအပ်တဲ့ ဝေဒနာရှင်တွေပါ။
သွေးအမျိုးအစားတစ်ခုချင်းဆီမှာ ကိုယ်ပိုင် antigens နဲ့ antibodies တွေရှိကြပါတယ်။ antigens ဆိုတာသွေးအုပ်စု သတ်မှတ်ပေးတာဖြစ်ပြီး antibodies ဆိုတာ မျိုးမတူတဲ့ antigens တွေကို တိုက်ဖို့ပါ။ ဥပမာ A သွေးမှာ A antigens ရှိပြီး B antibodies ရှိပါတယ်။ B သွေးမှာ B antigens ရှိပြီး A antibodies ရှိပါတယ်။ အဲဒါကို A သွေးထဲ B သွေးထည့်လိုက်တဲ့အခါ antigen antibodies အချင်းချင်းတိုက်ကြပြီး ပြင်းထန် ဓါတ်မတည့်မှုတွေဖြစ်စေတတ်ပါတယ်။
O သွေးမှာ A antigens B antigens မရှိတဲ့အတွက် ဘယ့်သွေးဆီကို မဆို လှူလို့ရပါတယ်။ ဒါပေမယ့် antibodies ကျတော့ Oသွေးမှာ A antibodies နဲ့ B antibodies ၂ မျိုးလုံး ရှိတဲ့အတွက် သူ့ထဲကိုတော့ O အချင်းချင်းပဲ လက်ခံပါတယ်။
AB သွေးကျတော့ သူ့ဆီမှာ ဘာ Antibodies မှ မရှိတဲ့အတွက် ကြိုက်တဲ့သွေးအမျိုးအစားကို လက်ခံလို့ရပါတယ် ။ ။
အပေါင်းသွေးအနှုတ်သွေးဆိုတာ Rh + နဲ့ Rh – ကိုပြောချင်တာပါ။ Rh ဆိုတာ သွေးရည်ကြည်ထဲမှာရှိနေတဲ့ ပရိုတင်း တစ်မျိုးပါ။ + နဲ့ – ကွဲနေတယ်ဆိုတည်းက သူတို့ နှစ်ခုဟာ အရောမခံဘူးဆိုတာ အားလုံးသိကြမှာပါ။အပေါင်းသွေးဆိုရင်တော့ ပြဿနာမရှိပေမယ့် အနှုတ်သွေးပိုင်ရှင်တွေ အတွက်ကတော့သွေးသွင်းချိန်နဲ့ကိုယ်ဝန်ဆောင်ချိန်တွေမှာ သတိကြီးကြီးထားရမှာပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။