ဘူနီယွန် ဖြစ်ခြင်းကြောင့် ခြေမအဆစ် ရောင်ရမ်းကိုက်ခဲတာကို သက်သာစေဖို့ ဒါလေးတွေ သိထားသင့်ပါတယ် –
(၁) ရေခဲ ကပ်ပါ
ဘူနီယွန် ကြောင့် ခြေမအဆစ်ကို နီမြန်းပြီး ရောင်ရမ်းစေတတ်ပါတယ်။ ဒီလို ဖြစ်တဲ့ အချိန်ဆို အဆစ်က ကိုက်ခဲတာ အတော်ဆိုးပါတယ်။ ဘူနီယွန်ဖုပေါ်မှာ ရေခဲဝတ်(ရေခဲထုပ်ကို အဝတ် ပတ်တာမျိုး) ကပ်ပေးလို့ ရပါတယ်။ အလွယ်ဆုံး ကတော့ ရေခဲရေပုလင်း ကို အဝတ်ပါးလေးအုပ်ပြီး ကပ်လိုက်ပေါ့။
ခြေမအဆစ်မှာ ရေခဲဝတ် သို့မဟုတ် ရေခဲအိတ်နဲ့ ၅ မိနစ်လောက် အသာအယာ ဖိကပ်ပေးရင် နာကျင်ကိုက်ခဲမှုကို သက်သာစေပါတယ်။ ရေခဲတုံးနဲ့ တိုက်ရိုက် မကပ်ပါနဲ့။ ကိုယ့်မှာ သွေးလည်ပတ်မှုနဲ့ ပတ်သက်တဲ့ ပြဿနာ ရှိတယ်ဆိုရင် တခြားနည်းကို သုံးလိုက်ပါနော်။
ဇလုံတစ်လုံးထဲမှာ ရေနွေးနွေး ထည့်ပြီး ခြေမျက်စိ မြုပ်တဲ့အထိ စိမ်ပါ။ ဆားခါး ရှိရင် ဆားခါး သင့်တော်သလောက် ထည့်တာ ပိုကောင်းပါတယ်။ မရှိလည်း ရေနွေးရဲ့ အပူကုထုံး ကြောင့် နာကျင်ရောင်ရမ်းမှုတွေ လျော့ပါးစေနိုင်ပါလိမ့်မယ်။
ရေနွေး သိပ်မပူစေဖို့တော့ သတိပြုပါ။ ရေနွေးစိမ်ဖို့ အကောင်းဆုံးက ညအိပ်ခါနီး အချိန်ပါပဲ။ တစ်နေကုန် လှုပ်ရှားထားရတဲ့ အကြောအခြင်တွေပါ ပြေလျော့စေနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။