backup og meta

ဆီးချိုဝေဒနာရှင်တွေအတွက်အကောင်းဆုံးသောလေ့ကျင့်ခန်း ၅ မျိုး

မှ အချက်အလက် စစ်ဆေးထားပါသည်။ Dr. Kaung Thar


Aye Thi Mon မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

    ဆီးချိုဝေဒနာရှင်တွေအတွက်အကောင်းဆုံးသောလေ့ကျင့်ခန်း ၅ မျိုး

    ဆီးချိုဝေဒနာရှင်တွေအတွက်အကောင်းဆုံးသောလေ့ကျင့်ခန်း ၅ မျိုး

    တကယ်လို့ သင့်မှာ ဆီးချိုရောဂါရှိနေတယ်ဆိုရင် လေ့ကျင့်ခန်းလုပ်ကြည့်ဖို့ တိုက်တွန်းပါရစေ။ အံ့အားသင့်လောက်တဲ့ကျန်းမာရေးအကျိုးကျေးဇူးတွေကို ရရှိမှာဖြစ်ပါတယ်။ လေ့ကျင့်ခန်းလုပ်ခြင်းက စိတ်ဖိစီးမှုကျဆင်းစေသလို သွေးတွင်းသကြားဓါတ်ပမာဏကို ကျဆင်းစေပါတယ်။

    ဆီးချိုဝေဒနာရှင်တွေအတွက်ကျန်းမာရေးအကျိုးကျေးဇူးတွေရရှိနိုင်တဲ့ လေ့ကျင့်ခန်းအများကြီးရှိပါတယ်။ ခပ်သွက်သွက်လမ်းလျှောက်ခြင်း၊ စက်ဘီးစီးခြင်း၊ကခြင်း၊အေရိုးဗစ်ကစားခြင်း၊ရေကူးတာ ဒါမှမဟုတ် ရေထဲမှာ ကစားရတဲ့ အေရိုးဗစ် (water aerobics) ကစားခြင်း၊တင်းနစ်ရိုက်ခြင်း၊လှေကားတက်ခြင်း၊ရွရွလေး ပြေးခြင်း၊ တောင်တက်ခြင်း၊လှေလှော်ခြင်း၊ ရေခဲပြင်စကိတ်စီးခြင်း၊စကိတ်စီးခြင်းနဲ့ဥယျာဉ်စိုက်ပျိုးခြင်းတွေလုပ်ဆောင် ပေးနိုင်ပါတယ်။ အဲဒီထဲကမှ ဆီးချိုဝေဒနာရှင်တွေအတွက်အကောင်းဆုံးလေ့ကျင့်ခန်း ၅ ခုကိုအကြံပြုရရင်တော့-

    လမ်းလျှောက်ခြင်း- လမ်းလျှောက်တာကနေရာမရွေးလုပ်ဆောင်နိုင်ပြီး ဆီးချိုဝေဒနာသည်တွေအတွက် အကောင်းဆုံးသော လေ့ကျင့်ခန်းတစ်ရပ်ပဲဖြစ်ပါတယ်။ တစ်နေ့ကို မိနစ် ၃၀ ကနေ ၁ နာရီလောက်အထိ တစ်ပတ်ကို ၃ ကြိမ်လောက်လမ်းလျှောက်ပေးသင့်ပါတယ်။

    ထိုက်ကျိကစားခြင်း – ထိုက်ကျိကစားပေးတာက ခန္ဓါကိုယ်လှုပ်ရှားမှုကို အဆင်ပြေချောမွေ့စေပြီး စိတ်ရော၊ ခန္ဓါကိုယ်ကိုပါအနားရစေပါတယ်။ ထိုက်ကျိကစားခြင်းက သွေးတွင်းသကြားဓါတ်ထိန်းချုပ်မှုကို သိသိသာသာ တိုးတက်ကောင်းမွန်စေပြီး တက်ကြွလန်းဆန်းစေသလိုစွမ်းအင်နဲ့စိတ်ကျန်းမာရေးကိုတိုးတက်ကောင်းမွန်စေပါ တယ်။

    ယောဂ – ယောဂလေ့ကျင့်ခန်းကဆီးချိုရောဂါအပါအဝင် နာတာရှည်ဝေဒနာခံစားနေရသူတွေအတွက် အထောက်အကူပြုပါတယ်။ ယောဂလေ့ကျင့်ခန်းက စိတ်ဖိစီးမှုကိုလျော့ပါးစေပြီး အာရုံကြောတွေရဲ့လုပ်ဆောင် မှုကို တိုးတက်ကောင်းမွန်စေပါတယ်။ ယောဂလေ့ကျင့်ခန်းက ကြွက်သားဖွဲ့စည်းမှုကိုတိုးတက်စေတာကြောင့် သွေးတွင်းသကြားဓါတ်ကိုတိုးတက်စေနိုင်ပါတယ်။

    ကခြင်း – ကခြင်း ကခန္ဓါကိုယ်အတွက်ကောင်းမွန်စေရုံသာမက ဦးနှောက်စွမ်းရည်ကိုတိုးတက်ကောင်းမွန်စေသလို မှတ်ဉာဏ်ကိုလည်းတိုးတက်ကောင်းမွန်စေပါတယ်။ ကခြင်းက ရုပ်ပိုင်းဆိုင်ရာလှုပ်ရှားမှုကိုတိုးတက်စေနိုင်ပြီး ကိုယ်အလေးချိန်ကျဆင်းစေနိုင်သလိုသွေးတွင်းသကြားဓါတ်ကိုလျော့ကျစေတဲ့အပြင် စိတ်ဖိစီးမှုတွေကိုလည်း ကျဆင်းစေနိုင်ပါတယ်။

    ရေကူးခြင်း- ရေကူးခြင်းက ကြွက်သားတွေကိုပြေလျော့စေပြီး အဆစ်တွေကိုဝန်ပိစေတာမျိုးမရှိတဲ့အတွက် ဆီးချိုဝေဒနာသည်တွေအတွက် အရမ်းကိုကောင်းတဲ့လေ့ကျင့်ခန်းတစ်ရပ်ဖြစ်ပါတယ်။ ရေကူးတာက ဆီးချိုဝေဒနာရှင်တွေနဲ့ ဆီးချိုရောဂါစတင်ခံစားနေရသူတွေမှာ အကျိုးပြု ကိုလက်စထရောပမာဏကိုတိုးတက် စေပြီး ကယ်လိုရီလောင်ကျွမ်းစေတဲ့အပြင်စိတ်ဖိစီးမှုကိုလျော့ကျစေပါတယ်။ တစ်နေ့ကို အနည်းဆုံး ၁၀ မိနစ်နှုန်းနဲ့ တစ်ပတ်ကို ၃ ကြိမ်ထက်မနည်းရေကူးပေးတာကကျန်းမာရေးအကျိုးကျေးဇူးတွေကို ရရှိစေမှာဖြစ်ပါတယ်။

    ဆီးချိုဝေဒနာရှင်တွေအနေနဲ့ကျန်းမာသက်ရှည်စေဖို့အတွက် လေ့ကျင့်ခန်းတွေကိုလုပ်ဆောင်ပေးသင့်သလို အာဟာရနဲ့ညီညွတ်မျှတအောင်စားသုံးဖို့လည်းလိုအပ်လှပါတယ်။

    ဆောင်ရန်၊ရှောင်ရန်များ

    လေ့ကျင့်ခန်းလုပ်တဲ့အခါ အားကစားဖိနပ်တွေစီးပေးရမှာဖြစ်သလို ကိုယ်နဲ့သင့်တော်မယ့်လေ့ကျင့်ခန်းကို ရွေးချယ် လုပ်ဆောင်ရမှာဖြစ်ပါတယ်။ ရေဓါတ်ဖြည့်တင်းတဲ့အနေနဲ့လေ့ကျင့်ခန်းမလုပ်ခင်နဲ့လေ့ကျင့်ခန်းလုပ်ပြီးတဲ့အခါ ရေသောက်ပေးပါ။ လေ့ကျင့်ခန်းလုပ်တဲ့အခါကြွက်သားတွေအနည်းငယ်နာကျင်နိုင်ပါတယ်။ လေ့ကျင့်ခန်းက ခန္ဓါကိုယ်အပေါ်ဘယ်လောက်ထိအကျိုးသက်ရောက်မှုရှိသလဲဆိုတာကိုသိရှိနိုင်ဖို့ လေ့ကျင့်ခန်းမလုပ်ခင်နဲ့ လေ့ကျင့်ခန်းလုပ်ပြီးတဲ့အခါ သွေးတွင်းသကြားဓါတ်ကိုတိုင်းတာပါ။ လေ့ကျင့်ခန်းမလုပ်ခင် ၅ မိနစ်လောက် သွေးပူအောင်လုပ်ပြီး လေ့ကျင့်ခန်းလုပ်ပြီးတဲ့အခါ ၅ မိနစ်လောက်သွေးအေးသွားအောင်နေပေးရပါမယ်။ အရမ်းပူလွန်း၊အေးလွန်းတဲ့အခြေအနေမျိုးမှာလေ့ကျင့်ခန်းလုပ်တာကိုရှောင်ကြဉ်သင့်ပါ။

    နေ့စဉ်လေ့ကျင့်ခန်းမှန်မှန်လုပ်ဆောင်ပြီး သင့်တင့်မျှတစွာစားသောက်မယ်ဆိုပါက ဆီးချိုဝေဒနာရှင်တွေဟာလည်း သာမန်လူတွေလိုပဲ သက်တမ်းစေ့နေထိုင်နိုင်ကြမှာဖြစ်ပါတယ်။ လေ့ကျင့်ခန်းစမလုပ်ခင်မှာ ကိုယ်ခံစားနေရတဲ့ဆီးချိုရောဂါအမျိုးအစားနဲ့ကိုက်ညီမယ့်လေ့ကျင့်ခန်းကိုရွေးချယ် စေနိုင်ဖို့အတွက်ဆရာဝန်နဲ့တိုင်ပင်ရပါမယ်။ လေ့ကျင့်ခန်းကိုဖြည်းဖြည်းချင်းစလုပ်သွားပေးဖို့လည်းမမေ့ပါနဲ့။

    Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Kaung Thar


    Aye Thi Mon မှ ရေးသားသည်။ · 12/05/2020 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement