ဒါကြောင့် တစ်နေ့တာ အစာအာဟာရကို အသား၊ ငါး၊ ဟင်းသီးဟင်းရွက်၊ အသီးအနှံ၊ ပဲ၊ နို့၊ ဥ၊ အစေ့အဆန် စသဖြင့် စုံလင်စွာ စားသုံးပေးဖို့ အရမ်း အရေးကြီးပါတယ်။
၂။ ရေဓာတ် ခန်းခြောက်ခြင်း
ခန္ဓာကိုယ် တစ်ခုလုံးမှာ ရှိနေတဲ့ ကိုယ်တွင်းအင်္ဂါနဲ့ တစ်ရှူးတွေ ကောင်းစွာ အလုပ်လုပ်နိုင်ဖို့ ရေဓာတ်ကို အားကိုးရပါတယ်။ ရေသည် ခန္ဓာကိုယ်တစ်ခုလုံးဆီသို့ အာဟာရဓာတ်၊ သတ္တုဓာတ်တွေကို သယ်ပို့ပေးတယ်။ နှာခေါင်း၊ ပါးစပ်၊ လည်ချောင်းကို စိုစွတ်စေလို့ အပြင်ကနေ ရောဂါပိုးတွေ ဝင်လာခဲ့ရင် လည်ချောင်းမှာ ကပ်ငြိခြင်း မရှိအောင် ကာကွယ်ပေးပါတယ်။
ဒါကြောင့် ရေသောက်နည်းတဲ့သူတွေဟာ ခဏခဏ ဖျားတတ်တယ်လို့ ပြောရခြင်း ဖြစ်ပါတယ်။ ဒါကို ကာကွယ်ဖို့ဆိုရင် တစ်နေ့ကို ရေအနည်းဆုံး ၃လီတာ ဝန်းကျင်လောက် သောက်ပေးဖို့တော့ လိုမယ်နော်။
၃။ အိပ်ချိန် နည်းလွန်းခြင်း
တစ်ရက်တလေ အိပ်ချိန်နည်းသွားတာ ကျန်းမာရေးကို အရမ်းကြီး ဒုက္ခမပေးနိုင်ပေမဲ့ နေ့စဉ်ရက်ဆက်ဆိုသလို အိပ်ချိန်နည်းတယ်ဆိုရင်တော့ ကိုယ်ခံအားကို သွားပြီး ထိခိုက်စေနိုင်ပါတယ်။ ကိုယ်ခံအားစနစ် အားနည်းလာရင် ခန္ဓာကိုယ်ထဲ ဝင်လာတဲ့ ရောဂါပိုးတွေကို မတိုက်ထုတ်နိုင်တော့တာကြောင့် လူက အလွယ်တကူ ဖျားနာတော့တာပေါ့။
ဒါကြောင့် ဘယ်သူမဆို ညအိပ်ချိန်ကို တစ်နေ့ ၇ နာရီ အနည်းဆုံး ရအောင် အိပ်စက်အနားယူဖို့တော့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။