နောက်ထပ် ကုသနည်းတစ်မျိုးကတော့ ဆရာဝန်ရဲ့ ခွင့်ပြုချက်နဲ့ ဆေးခန်းမှာ ဓာတ်မတည့် ကာကွယ်ဆေးထိုးတာပါပဲ။ ဒီထိုးဆေးဟာ ဓာတ်မတည့်မဖြစ်စေဖို့ အဓိကကာကွယ်ပေးသလို ဖြစ်လာခဲ့ရင်လည်း ခေါင်းကိုက်တာအပြင် တခြားခံစားရတဲ့ဝေဒနာတွေ မပြင်းထန်အောင် ကူညီပေးနိုင်ပါတယ်။ ထိုးဆေးကိုတော့ ဆရာဝန်သတ်မှတ်ထားတဲ့ ရက်ချိန်းအတိုင်း တစ်နှစ်အထိကို မှန်မှန်ထိုးပေးမှ ဆေးအာနိသင်ကို အပြည့်အဝရရှိမှာပါ။
ဒါကြောင့် ဓာတ်မတည့်တာပဲလေဆိုပြီး အမြဲတမ်းပေါ့ပေါ့လေးနေလို့ မရတော့ဘူးနော်။ ဓာတ်မတည့်ခြင်းဟာ အကြောင်းအမျိုးမျိုးကြောင့် ဖြစ်နိုင်တဲ့အတွက် ကိုယ့်မှာဘယ်လိုအရာတွေနဲ့ ဓာတ်မတည့်လဲဆိုတာ သေချာသိရဖို့ ဆရာဝန်နဲ့ ပြသတိုင်ပင်ထားနိုင်ရင်တော့ အကောင်းဆုံးပါပဲ။ ကိုယ့်ရဲ့ ကျန်းမာရေးအခြေအနေ၊ သောက်နေတဲ့ ဆေးဝါးတွေ၊ နောက်ကြောင်းရာဇဝင်၊ မိဘမျိုးရိုးမှာ ရှိခဲ့ဖူးတဲ့ ကျန်းမာရေးပြဿနာတွေ မေးမြန်းပြီး လိုအပ်တဲ့ ဆေးစစ်ချက်တွေ ပြုလုပ်မှာပါ။ ဓာတ်မတည့်ခြင်းကို ဖြစ်စေတဲ့ အကြောင်းရင်းကို သိပြီဆိုတာနဲ့ ဘာတွေရှောင်သင့်လဲ၊ ဘယ်လိုကာကွယ်ရမလဲ၊ သင့်လျော်တဲ့ဆေးဝါးနဲ့ နေထိုင်မှုပုံစံတွေကို ပြောထားတဲ့အတိုင်း လိုက်နာနိုင်ရင်တော့ ဓာတ်မတည့်ဖြစ်နိုင်ခြေဟာ တော်တော်လေးကို လျော့နည်းသွားမှာပါ။
Hello ဆရာဝန် ပရိတ်သတ်ကြီးလည်း ကျန်းမာပျော်ရွှင်ပြီး စိတ်ချမ်းသာစရာကောင်းတဲ့ ဘဝနေ့ရက်တွေကို ပိုင်ဆိုင်ရပါစေလို့ ဆုတောင်းပေးရင်း ဒီမှာပဲနိဂုံးချုပ်လိုက်ပါတယ်။
Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။