သွေးလှူတာနဲ့ပတ်သက်လို့ သိထားမိနိုင်တဲ့ အယူအဆမှားအချို့

ရေးသားသူ ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.

သွေးကလူတိုင်းအတွက်အရမ်းကိုအရေးကြီးတဲ့ တန်ဖိုးကြီးပစ္စည်းလေးတစ်ခုပါ။ သက်ရှိသတ္တဝါတိုင်းမှာသွေးရှိပါတယ်။ ဒီလိုအရေးပါတဲ့သွေးလေးကိုလှူမယ်ဆိုရင် ဘယ်လောက်များ ကုသိုလ်ရလိုက်မလဲနော်။ ဒါပေမယ့် သွေးလှူချင်ပေမယ့် အယူအဆအမှားတွေကြောင့်သွေးလှူဖို့များကြောက်နေလား။ ဒါဆို ဒီဆောင်းပါးလေးက သွေးလှူချင်ရက်နဲ့ ကြောက်စိတ်ကြောင့် သွေးမလှူဖြစ်ဘူးဖြစ်နေတဲ့ Hello ဆရာဝန်ပရိသတ်ကြီးအတွက်ပါ။

သွေးလှူတာနဲ့ပတ်သက်တဲ့ အယူအဆအမှားများ

သွေးလှူတာက အားနည်းစေတယ်

သွေးလှူလိုက်တာကြောင့် ခန္ဓာကိုယ်မှာ အားနည်းသွားတာမျိုးမဖြစ်နိုင်ပါဘူး။ သွေးလှူပြီးရင်တော့ ၂၄ နာရီ ပြည့်ပြည့်ဝဝအနားယူပေးဖို့လိုမှာပါနော်။သတိထားပေးဖို့လိုမယ့်တစ်ချက်က ရေများများသောက်ပေးပြီး ဆေးလိပ်မသောက်ဖို့ပါ။ ကျန်းမာတဲ့လူတစ်ယောက်အနေနဲ့ တစ်နှစ်ကို သွေး ၄ ကြိမ်လှူလို့ရပြီး အားနည်းမှာမျိုးမဖြစ်နိုင်ပါဘူးနော်။

ကိုယ်ခံအား အားနည်းသွားစေနိုင်တယ်

သွေးလှူတာက ကိုယ်ခံအားစနစ်ကို မထိခိုက်စေနိုင်ပါဘူး။ သွေးလှူလိုက်တာကြောင့် ကိုယ်တွင်းမှာ သံဓာတ် အားနည်းသွားတာမျိုးမရှိသလို သွေးတွင်းသကြားဓာတ်ကျဆင်းသွားတာမျိုး သွေးပေါင်ချိန်ကျတာမျိုးမရှိပါဘူး။ ဒါကြောင့် သွေးလှူလိုက်လို့ ကိုယ်ခံအား အားနည်းတာမျိုးမရှိဘူးလို့ပြောပါရစေ။

သွေးလှူရင် ဖျားမှာလား

သွေးလှူတာကြောင့်ဖျားနာတာမျိုးမဖြစ်နိုင်ပါဘူး။ သွေးမလှူခင်မှာ သံဓာတ်ကြွယ်ဝတဲ့ အစားအသောက်တွေ၊ ဗီတာမင် C ကြွယ်ဝတဲ့ အစားအသောက်တွေကို စားမယ်ဆိုရင် ဖျားနာမှုကင်းစေမှာပါ။ သွေးမလှူခင်ရေပြည့်ပြည့်ဝဝသောက်ဖို့ပြောပါရစေ။

အသက်ကြီးသူတွေ သွေးလှူလို့မရဘူး

ကျန်းမာနေမယ်ဆိုရင် အသက် ၆၀ အထိတောင်သွေးလှူလို့ရပါတယ်။ ကျန်းမာနေဖို့ပဲ လိုတာပါ။

တုပ်ကွေးကာကွယ်ဆေးထိုးထားရင် သွေးလှူလို့မရဘူး

မကြာသေးခင်က တုပ်ကွေးကာကွယ်ဆေးထိုးထားတယ်ဆိုရင်လည်း သွေးလှူလို့ရပါတယ်။ ဆေးထိုးပြီး ခန္ဓာကိုယ်မှာ တုပ်ကွေးလက္ခဏာတွေပြမနေရင်ပေါ့နော်။

ကင်ဆာရောဂါ ကုသမှုခံယူဖူးရင် သွေးလှူလို့မရဘူး

ဒါကတော့ ဘယ်လိုကင်ဆာရောဂါမျိုးကိုခံစားခဲ့ရဖူးတာလဲဆိုတာနဲ့ ဘယ်လိုကုထုံးမျိုးကို ခံယူခဲ့ဖူးလဲဆိုတဲ့အပေါ်မှာမူတည်ပြီးကွာခြားနိုင်ပါတယ်။ သွေးကင်ဆာခံစားနေရလို့ ကုထုံးခံယူနေရတာဆိုရင်တော့ သွေးလှူလို့မရပါဘူး။ ဒီလိုမှမဟုတ်ဘဲအခြားကင်ဆာတွေခံစားရဖူးတာဆိုရင်တော့ သွေးလှူလို့ရပါတယ်။

သွေးတွင်းမှာ ကိုလက်စထရောများနေရင်သွေးလှူလို့မရဘူ

သွေးတွင်းကိုလက်စထရောများနေရုံနဲ့ သွေးလှူလို့မရဘူးဆိုတဲ့စကားက ဂျင်းထည့်တာပါနော်။ သွေးတွင်းကိုလက်စထရောများတာက သွေးလှူတဲ့အပေါ်မှာ နည်းနည်းလေးတောင်သက်ရောက်မှုတောင်မရှိပါဘူး။ သွေးတွင်းကိုလက်စထရောများလို့ ဆေးသောက်နေရတယ်ဆိုရင်တောင် သွေးလှူလို့ရပါသေးတယ်။

ကဲ ဘယ်လိုလဲ သွေးလှူတော့မယ်ဟုတ်။ သင့်သွေးနဲ့ဒုက္ခရောက်နေသူတွေကို ကူညီကယ်တင်လိုက်ပါနော်။ အားလုံးကျန်းမာကြပါစေကြောင်း……..

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Read also:

မျှဝေမည်

တည်းဖြတ်သည့်နေ့ ဖေ‌ဖျောဝါရီ 11, 2019 | နောက်ဆုံးတည်းဖြတ်ခြင်း ဖေ‌ဖျောဝါရီ 11, 2019

ရင်းမြစ်များ
ဘ၀ကို အကောင်းဆုံး နေထိုင်လိုပါသလား
ကျန်းမာခြင်းနည်းလမ်းများ နဲ့ နောက်ဆုံးပေါ် အချက်အလက်များသိရှိဖို့ အတွက် Hello Sayarwon နေ့ စဉ် သတင်းစာကို ရယူလိုက်ပါ
သင်ဒါလည်း နှစ်သက်နိုင်ပါတယ်။